سعد بن شارع بن جدلان السعدي الاكلبي شاعر سعودي من شعراء الخليج وله جماهيرية ولد عام وهو من محافظة بيشة بدأ الشعر في فن القلطة واشتهر بالبلاغة في الشعر وهو من عائلة معروفة بالشعر فوالده وجده وأغلب اخوته شعراء وفيما يلي اجمل قصائد سعد بن جدلان
قصيدة كل دار أرجعت وأنا سناوي
كل دار أرجعت وأنا سناوي
عزتي للي سواتي عزتي له
زادت الحمى فرحنا للمداوي
والمداوي زود الحمى مليله
ياجميله قام يطوي الحال طاوي
والله أن كبدي على شوفك غليله
والله أن قلبي على اللاماء شفاوي
غير مافي يدي ولا في يديك حيله
سجليني في علم حبك فداوي
أنا مجنونك عقب مجنون ليله
يارقبة الخشف يا عين النداوي
ياسراجيف الذلول المستحيله
يامناة تقصر عنها المناوي
ياخيار الدهم يالقبا الأصيله
نعنبوك أنتي مكاسر عود جاوي
ملبسك سندس شرابك سلسبيله
لو تمرين الشيوخ أهل الفتاوي
عودوا مثلي يجرون الطويله
من عشق شرواك والا لايهاوي
التقيد من بعض الأشياء فضيله
قصيدة ون بن جدلان
ون ابن جدلان من لايع لاعه
كن في كبدي دوافير صناعي
ألعب المنكوس وأحب روباعه
ممل في الوقت والوقت خداعي
مادريت أن ضحكة الوقت خداعه
شفت مدخالي ولاشفت مطلاعي
لابغيت أسج والا أنبسط ساعه
دق قلبي من وراء حدب الأضلاعي
كن مابين الضلوع آلة طباعة
تشتغل لانمت وأقوم مرتاعي
هم قلبي مايفرق تجماعه
كود جر الصوت والناس هجاعي
فاقد لي سلعة وأكبر أبضاعه
سلعة تشرى ولاهيب تنباعي
رفقة الطيب ليا غير أطباعه
أشهد أنها كية توجع أوجاعي
راكب إلي صممه صاحب أصناعه
جمس بيك أب من حديثات الأنواعي
الغريب الي جديد من أنواعه
حوض رفرف مايبي شد وشراعي
لا أونس البنزين عجل تفرقاعه
مخطر من سرعته يقلع أقلاعي
لاتحرك شفت في القاع مشلاعه
والتواير تظهر الماء من القاعي
ينعش القلب الحزين أبتهملاعه
لا مشا قام يتهملع تهملاعي
لاوطا الأرض العتش كن تهزاعه
بنت شيخ طامح من ولد راعي
في رجاء الغايب تحرى لمرجاعه
تنقد العشاق وتطق الأصباعي
نفسها من جملة الناس منصاعه
ما تبي إلا واحد ذكره إيشاعي
ينحر اللي يأخذ الطيب بذراعه
الصديق الصافي الصامل الواعي
الوفاء والطيب ساسه ومنباعه
يوم بعض الطيب تقليد وصناعي
لاوصلتوا فأخبروني عن أوضاعه
وأخبروا راعي السمارا عن أوضاعي
أنشدو ويش السبايب بمهزاعه
لا علي ناقص ولا أبيه فزاعي
ودنا نرضيه ونحاول إقناعه
كان بن مهمل بعد يسمع الداعي
كان يبغا حق للحق قطاعه
نقنعة والحق ما عنه مجزاعي
وكان مبغض في الرياجيل بتاعه
لا يجي ناقد ويلحقني أرياعي
للصديق نخلي النفس خضاعه
ما نوريه الجفا والتمطاعي
الصداقة عندنا ذخر وطماعه
صحبة ماهيب صحبة تمتاعي
حد جدتها على البرق لماعه
وإن خذت يومين مفعولها ضاعي
إن تجمعنا على العز والطاعه
وأن تفرقنا فجوج الله أوساعي
ما أطرد المقفي ليا صفط أشراعه
مخبل اللي للمقفين تباعي
من يحط أذنه على كل سماعه
جاه فرقا مابعدها تجماعي
والزباد إختام هرجي ومطلاعه
يدفعه من ريحة المسك ذعذاعي
قصيدة سلام عدة وبل مزن مراديف
سلام عدة وبل مزن مراديف
نو من المنشأ تزبر جويره
يا سيفنا الدايم ويا دايم السيف
ابن الملوك أحفاد صقر الجزيره
أهل الجموع مفرقات المواليف
و اهل المقصب والسيوف الشقيره
حبيت أقدم عندكم باقة الصيف
ي ملتقى السواح من كل ديره
شمت هوا تونس وباريس وجنيف
ي طلة أبها والجنوب وعسيره
خواطري مثل السبور المشاريف
المغريات السرد المستذيره
اللي تهاوي طيبين المواقيف
و تهيم في مدح الاسامي الشهيره
تقلط على فيصل ترز الغطاريف
شعر يهيج داخله عبر أثيره
فيصل ولد خالد مغيث الملاهيف
فراج كرب المعضلات الكبيره
المملكه ما رد جيزان لي طريف
عاشت بخير الله بدي ثم خيره
وفيصل سمي اللي فتح خط برليف
يوم انعمت عند الرجال البصيره
وفيصل تعشقه طيبات السواليف
وتخرم لريحة مستكاه وعبيره
عز الله انها تنلقى بهجة الضيف
على كواكب حاجبيك المنيره
يا الهيلع اللي ما تحسب التكاليف
وهايبك تغني اليدين الفقيره
كبر الوهايم للرجال الجوازيف
اللي يشوفون الكبيره صغيره
ولا ترى اللي دايم شبره ضعيف
ما يبغي الا العافيه والستيره
يا سيفنا الدايم ويا دايم السيف
المعذره كان القصيده قصيره
قصيدة الأزمات
الشدايد يا جميله بالازمات اختبار
ينعرف فيها الظلال الطويل من القصير
كل ما اذكر حالتك بين غار وبين نا
راحت الدنيا بعيني عبوس قمطرير
تحسب إن حبك محاه التشدد والحصار
التشدد فالمحبه هو الشر الشرير
شغلهم ضدي وضدك يعمر لك وقار
في ضمير ما سكن فيه قدامك عشير
زارع لك بخشة من الزرار إلى الزرار
نبتها بالمسك والعود الازرق والعبير
شد حيلك لا يصيبك فشل والا انهيار
لا تصغر قيمتك وانت في عيني كبير
لذة صبار الهوى مثل لذة الانتصار
لا تصدق من يقول الحسد مافيه خير
لا تغيرب ما جرى من قنا مثلك يغار
كل شي ينشفا فيه ميصاله عسير
الذهب دونه حراسه وبيبان اكبار
والدرر من دونها هيبة البحر الغزير
غير لا تيس وتكتب على نفسك قرار
يدفعك سوء التصرف إلى باس المصير
لولا شحي فيك جيتك اجهار من النهار
غير ما يصلح مقام بلا راي بصير
فرصتي ويقت حرار على ماكر حرار
ما يعود فالمكان الربيب الا البعير
والله ان آموت ما جاك من عندي بوار
خل في نفسك ثقه والثقه كنز الضمير
والمحبه مدرسة شي ثبوت وشي فرار
وأنت درسي مع أهل الحب الأول والأخير
قصيدة يامل قلبن
يامل قلبن تقول يقلا على صيخ
خلت به الدنيا حزازات ومشوخ
دنيا تنوخ راعي العقل تنويخ
وينداش فيها صاحي الفكر ويدوخ
تغيرو فيها العيال المطانيخ
وسبابها شمل العرب صار مشلوخ
خلتهم الدنيا مناشف طبابيخ
حتى الاقارب بينها الذيب مصلوخ
ماعاش فيها الاأعيال الطخاطيخ
خطوا البعير اللي من المدح منفوخ
من شان ماله صار شيخ ولد شيخ
وامشيخ نفسه على النصب والجوخ
بالحكي لعتازوه وياك مريخ
وليا جاء لزوم عندهم صاروا فروخ
قصيدة ربات الجمال
ويش أسوي ياعيون الوحش عنق الغزال
لاحصل طاريك يفتح على قلبي أرواق
لي ثلاث سنين بين الحقيقه والخيال
وأخر اشهر ذالسنه تكمل الرابع غلاق
شبه وضحا فالمخاضير زاويها الحيال
من غلاها عند أهلها تبارى ماتساق
تيهت من صغرها بين ثنتين هجال
مهتويها راعي البل وعاشقها عشاق
عندي إنك ماخذ تاج ربات الجمال
سلموك الحسن من باب صنعاء للعراق
قصيدة خشيم الذيب
نفوسنا في خشيم الذيب مجبوره
والله نحبه ومحبتنا إلهيه
ومحاسنك ياخشيم الذيب مدثوره
بين عليك الشقا عقب الرفاهيه
لين أضمحلت ملامحك الطبيعيه
قنب به الذيب لين أنشق حنجوره
ثم حول الذيب منه وشرف أوخيه
حتى فروعه وشعبانه وشجوره
ما عاد تعرف حيوده من قواطيه
يوم إن محاجيه فيها تمرح سبوره
وشعابته من لباس العز مكسيه
في ظل طلح يرسن كل مذعوره
وعلى حجاه الثميدي والفرنجيه
متبوشن من عواجيه ومنفوره
حكامنا قدم حكام السعوديه
حراس نجد الحديري عند أخو نوره
ونمرالسبايا تقلطها العواجيه
إخوان هيا ذرا من قاد مظهوره
من أم ريشان إلى عرق المنينيه
وراعي الجنينه عليها بانين سوره
مذبح الترك وشيوخ الهلاليه
شيخ تشيع رباط الخيل بقصوره
متروشن بالمجوخ فوق عليه
في حكمه الناس منهيه وماموره
حق الجنينه عليه حقوق شرعيه
واليوم سالم ولد حامد لعب دوره
عز الله ا إنه جمع هذيك مع ذيه
على جميع المراجل طالت شبوره
هيبه ولينة جناب وقو شخصيه
إن كان قصر رفيقه سامح قصوره
وان طاب قال الجماعه طيبهم ليه
عزالله إنه عليه البيض منشوره
يستاهل البيض كل مجرب زيه
واليوم الأوطان والرعيان مكبوره
أهل الرعايا كفاهم راعي رعيه
ولاهيب من ربعي الظفران مقصورة
سقم الأعادي مزبنة الجلاويه
كسابة النعم لا جا للدخن ثوره
ورث لجدانهم ما هيب عاريه
يفرح بها الشول لا ما لج مضهوره
وترعا الهمل في حماهم تقل مرعي
قصيدة انا اللي همومي
انا اللي همومي صايرات علي كدر
لو انها تحول فوق غيري فقد عقله
لامنه اشتغل موضوعها داخل الصدر
تقل فايز وسطه فريق يصفق له
على الصاحب اللي مانويناه بالغدر
شفوق علي وانا ماغير أتشفق له
بنا بيت حبه فالحشا واسس الجدر
وخلا معاليق الضماير تخافق له
قصيدة علي كثرو أعوان الدهر
علي كثروا أعوان الدهر والدهر ضدي
وذا حال من صارت ظروف الدهر ضده
تحداني الدنيا على غير ماودي
وحبل الردى رث إذا جيت بامده
بعض الأصدقاء لا جيت باقابله صدي
ومن كنت محتاج لوده بدى صده
ولا عاد لي غير أترك الدار واشدي
ومن عدني وإلا فوالله ماعده
وصدر الفضا واسع مع الأفق ممتدي
ومن سار في درب وصل ولوبعد مده
اليا باروا الخلان و الحظ متردي
فلا للفتى الا يترك الدار منجده
وخلن بدل خلن وحدن بدل حدي
وربي هو اللي يقصر العمر ويمده
تمسكت في حبل الصله وتعبت يدي
بلا فايده والحبل ذا اليوم باهده
وباقوس ثوبي دمت حي على قدي
وكل يفصل له ثياب على قده
ومن لا يسد بواجبه مات ماسدي
ولا خير في من واجبه ماتماسده
باشد الرحال وبترك الدار من جدي
ومن له علي فضل ومعروف يرتده
ورزقي على اللي لا عطا يجزل المدي
و من يستعين بخالقه نال ما وده
فلا خير في من يقبل الضيم والضدي
ويخسى الذي تقصر عن المرجله يده
قصيدة لا صكت الناس
لاصكت الناس بيبان العمل والدوام
بيبان عفوك ياربي مايصكونها
نعوذبك من عذابك والبرص والجذام
وجرثومة ماتراها الناس بعيونها
خلت عقول الأطباء مدعين العلام
مذهولة كل طب مايجي دونها
أنت العظيم القوي محيي هشيم العظام
بطشك يهد الجبال ويسقط اركونها
