سعد بن علوش هو سعد بن جابر بن محمد بن علوش ولد في الكويت عام 1980 شاعر كويتي قدم العديد من الدواوين الشعرية آثرت قلوب قراءه ومحبيه فقد تفوق سعد على شعراء جيله وثبت لنفسه مكانه على ساحة الشعراء وله وله من القصائد العامية ما لا يعد ولا يحصى ومن أهم واجمل قصائد سعد بن علوش ما يلي
قصيدة الوداع
أنت بتسافر حبيبي نعم سافر وغيب
بس تكفي سم بالله على عقلي لا ماع
لأني ماني قادر اوادعك وأنت قريب
كيف وأنت بعيد تبغاني أقول الوداع
بس لحظة قبل لأنسى ياللبيب
كل ما تملكه من مغريات ومن متاع
إني احبك واحبك لين أشيب
يعني لين أموت وأنا احبك للنخاع
احبك بالحيل والشي الغريب
إني اكره كل فكرة تقودك للانصياع
كان ماللمشكلة وتوصلنا للحل عيب
كب حبي لك وسمه متاهات وخداع
لأني أطهر من بيخسر على الدنيا حبيب
ولأنك أنقى من وطت رجله ظهر وقاع
كثر مايدعوني أهل الهوى ولاستجيب
وكثر ما أصفط على بعدك ذراع وذراع
آآه لا وقفت مابين تصيب وتخيب
بيني وبين المواليف وفواه السباع
وآآه لاغ من ذكرت كل له نصيب
وآآه لامني ذكرت إن على وجهك قناع
اشعر إنه منخلق من عسل ورد وحليب
واشعر إني كل ماأذكره مجموعة جياع
ليت مالك في حياتي خوي ولا طليب
كان أبخشك وسط قلبي وأقول ضاع
أمحق الله ساع ولف الهيام وقطع صيب
من يبكي مقلتين الشجاع ابن الشجاع
لو على البحرين شرهة ودمعات ونحيب
كان ماخلتك تقفي عن حدود الرفاع
لو جنيف تحس بجرحي المر العطيب
كان ماتاخذك مني وتعطيني ضياع
قصيدة الكوكب
يا حض كوكب الأرض بين الكواكب
و يا ذبح مشرف فيك يا محلي الذبح
ليه أنشغل فحداث غيرك وواكب
و غيرك خسارة و انته مشاهدك ربح
كنك البحر و المغريات المراكب
و انا و غيري عندنا عقدة الشبح
ما غير نشبح فيك لا صرت ساكب
نشبح و لا جمع تواصيفك الشبح
لان الحرير اذا بيوت العناكب
يكبح جماحه بس ما فاده الكبح
عاتقك جمع غايبه بالمناكب
مثل الفجر لا جمع الليل بالصبح
و عودك يزفه للعذارى مواكب
كنه يبرهن جودة الزين للقبح
قصيدة في انتظارك
كل حاجه يانبيله في انتظارك
الوطن .. والناس .. وانا في انتظارك
والطريق العام .. والباب الرئيسي .. والممر .. وقبضة السلم ودارك .. ؟
كلبونا .. يانبيله بانتظارك ..
لو تشوفيني شلون امشي ويديني ف جيبي
انا و أحزاني وطيبي .. كان ماخذتي قرارك
كان مارحتي وقلتي ترى .. مانت بحبيبي
ياخساره قلبي المظلوم والا .. يا انتصارك ..
رحتي واخذتي معاك ابسط تفاصيل الحياة
يامزعلة البنات
سحقا لكل البنات
انا ميت فيك .. ايش ميت فيك .. ؟
انتي فيك حتى الموت .. مات ..
ياجنونك .. ياانتشارك
مري ف شارعك الاول يالغلا الاول وطوفي
بس شوفي ..
من وقف على عيونه ف انتظارك
من بعد ماخنتي وخانوا كثير احباب يوفي
هم هم ..
رابطه جمهورك المتعصب لطله نهارك
انا .. وطيور القفص .. والباب واشجارك .. وجارك
انتي ام الحسن وام العاطفه وحنا صغارك
ف لا تلومينا ليامنا وقفنا ف انتظارك ..
اطغي اطغي .. خلي الغابات تتسلف خضارك ..
بس تترك اصفرارك ..
ل ابتسامات المجامل ولوقارك
واتركي لعشاقك الموتى حمارك
او بالاحرى .. . احمرارك
لاتلومينا مجانينك نحبك
لا طغيتي .. لازعلتي .. لاحكيتي .. لامشيتي
انتي مسكينه ومظلومه ومعذوره ليامنك نسيتي
لانك انتي اللي فقط .. .
ماشفتي نفسك لاحكيتي
لانك انتي اللي فقط
ماشفتي نفسك لا مشيتي
يادمارك
ياوقوف العالم الثالث على شرفة زرارك
مادريتي ؟
طيب ادري يانبيله كانك اليا الحين فعلا مادريتي
انتي اكبر مشكله تواجه الشعب الكويتي
انتي مثل الظلم والاجحاف بس انتي لئيمه
هم طبيعتهم عدائيين بس انتي رحيمه
مابدر منك جريمة
انتي بالفطرة بدون سلاح ومقاتل جريمة
وانا بالفطره احبك ياعظيمه .. .
بذبولك وازدهارك .. .وانصهارك
يانبيله انا حاليا ترى ماني سعيد
ماعرف للعيد يوم
وماعرف لليوم .. . عيد
غايب وروحي جوارك
انقذيني كل ماوزني نقص حبك يزيد
انقذيني صرت اكلم نفسي ونفسي تعيد
كنااول في انتظارك
انا وطيور القفص والباب واشجارك وجارك
كلهم راحوا وملوا ..
كلهم راحووا وخلوني لحالي .. في انتظارك
انا حاليا وحيد .. انا حاليا معيد .. لامزيد ولاجديد
الا اني اسولف مع الاخ انتظارك
عند دارك
على كرسي انتظارك
اجلس انا وانتظارك
في انتظارك ..
قصيدة المسجات
لانه عصا وفر سموه عصفور
وياكثر عصفاره كبار الاسامي
كل ماتضيق صدور تستاسع صدور
سنه من سنن الزمان الهلامي
ولا زاداد سعر النفط نتزايد فجور
سنه من سنن الزمان الهلامي
ودايم وراعي الحق مهجا وحذور
.. .. سنه من سنن الزمان الهلامي
وبيقاله بكرا ترى منت مجبور
وباقول للي قالها ياعظامي
الصبح لو مايدحر الليل بالنور؟
تعيش عمرك كلبوه ف ظلامي
سجل ياتاريخ الشعر اصدق سطور
انا سعد علوش والمجد زامي
اعيش عيشة فقر واموت مقبور
ولا احني راسي واغير كلامي
شاعر واقود اجيال واعطش بحور
عصامي وشعري سولتس عصامي
ماكدبه على نساوين وبزور
احفظ مقامه مثل ما احفظ مقامي
ومن قبل حتى اكون شاعر ومخبور؟
لي رايي المطلقولي اهتمامي
واضح وامثل خيرة الناس واثور
لامن سمعت ان التغافل تسامي
ف يارب لاتجعلني اسكت على زور
واجعل حسناتي مقاصيص اثامي
ولاتفرشني على كبد ممرور
ولاتعرض بي لسان انتقامي
لان الحقيقه سم واظهارها جور
على القلوب ام الجهل والتعامي
وانا حقيقي فكر وشعور وظهور
ومانيب اجر كشرتي وابتسامي
ف باقولها وبيصير هالقول ماثور
مع عدم شكري وبالغ سلامي
المجتمع غالبه رجعي ومغرور
وفارغ من الداخل وساذج ونامي
ابنا القبايل واهل السيف والكور
قتالهم على المسجات حامي
لو هالملايين انفقت وطهور؟
على البنى عم والجياع الضوامي؟
ماشفت شحاذين وديون وعثور
بين القبايل هاه وين التحامي؟
صفو يا اخر جيل فالشعر طابور
قدامكم ليل ووراكم حرامي
بالدور بالله اوقفو زين بالدور
ويلقي الكوميدي قبل يلقي الدرامي
والكل منهي في وقوفه ومامور
الوقت ضيق والتقيد لزامي
وماهو مهم يكون لك فكر وشعور
اهم شي تكون شاعر نظامي
ولافيه لالجنه ولافيه دستور
الاسم سامي طالما الاسم سامي
ياصاحبي ياخي ياشاعر يامغمور
ماهكذا تعرف وتشهر الاسامي
شالفايده تصير شاعر ومشهور
اذا انت تبعي موهبه وانهزامي؟
لان اللي يطلب من رعاع العرب شور
ماهوب اهل للمعرفه والتسامي
ادري بتزعل ناس وبتلف وتدور
وبتقول فيني قول جارح ودامي
وبتجي ردود العالم العري والعو
مثل الخريش اللي بليا خطامي
لكن عزاي اني مع الحق مسرور
لو تزعل اخوالي وتزعل عمامي
عن قول كلمة حق مانيب معذور
مباديء خلفي وقبري امامي
عادي اخسر اصحاب واخسر جمهور
اهم شي اني ما اخسر احترامي
قصيدة انكساري
أنكسرت من الفراق وشوف عيني
شوف عيني وأنت تدري ب أنكساري
كل ما مديت لوصالك يميني
رحت تتجاهل يميني .. مع يساري
حتى صرت آشوف جرحك في يديني
في يديني ل جور صداتك .. مواري
حس فيها .. لا .. بلاها .. حس فيني
لاتعبرها .. لكن .. رد أعتباري
وين مقفي؟ جعل منت .. بمنتويني
بالجفا . والخوف . وأنواع العزاري
ياهلي يانصف ربعي ياخديني
يا مواني غربتي . ياروح داري
ياشموخي يا أنكشافي يا دفيني
ياعلوي . يابقائي . يا أنحداري
يا بداياتي يا مائي يا أكسجيني
يا أندثاري . يا أعتدالي . يا أزدهاري
يا بلادة حسي وقمة حنيني
يا أختياري .. لا .. يا عشواء .. أختياري
أعشقك من عادني فول سنيني
لين صرت آخذ مع نفسي قراري
من عرفتك وأنت ثالث والديني
واللجوء أليك .. يعني لك فراري
ضمني خل الضرر بينك وبيني
الضرر من ضمتك .. شي أضطراري
خل يدينك من الجور تحميني
من جمودي عيشني .. لين أنصهاري
كل ماضاقت بعيني .. يا معيني
أبتسمت وصار لي ليلي نهاري
فلا سكتت .. تروح بالطيش اتحكيني
رجعي بطبعك وبسلوبك حضاري
ماذبحني فيك الا أنك تبيني
وماسحرني؟ الا حكاك الأستعاري
لا حكيت آحس بشيا .. تعتريني
ويخشع قلبي وتطريلي طوااري
آعشق حكيك وأحفظه يا ضنيني
حفظ أبن تيميه ل حكي البخاري
ولا سرحت آآحط يدي في جبيني
وأرجي الله مايطول ب أنتظاري
أدري أني عندك وأسألك ويني؟
دارين لاكن ماكني بداري
لين شيطاني تلفظ كلمتيني
ورحت مني ماتبي سمع أعتذاري
لا تبكيني وتفرح عاذليني
لاتخسرني بعد كبر أنتصاري
لاتخليني بعد فيضة كنيني
وأنت خابرني على الوصل .. أنتحاري
لاتروح بروحتك؟ كلن يجيني
ماني مكااابر .. ولا حتى مدااري
أنكسرت من الفراق وشوف عيني
شوف عيني وأنت تدري .. بنكساري
قصيدة سمني هاجري
يارفيقي لاتواخذني على عزة كياني
وأنخذيتبها فعذري معي قرم أو من عبيده
سمني ياهاجري والا عبيدي وأقحطاني
كل منها يرفع الرجال ويزود رصيده
أسم واحد من الاسامي؟ ذي؟ يبنيله مباني
كنه أيشجع على طق الحديده بالحديده
وعلم؟ اللي يوم بلش أبصيغة الاحرف حكاني
داري أن أسمي لاجا فالسالفه؟ جمله مفيده
لايحسب أنه نقص من قيمتي والا حداني
الجبل وش ينقصه؟ لامن تهاوت منه؟؟ حيده
ول ياخمر السوالف في مزاجيه؟ الاذاني
أفتعل قتل الطموحات ؟ القريبه؟ والبعيده
ساقها؟ من برحة الوادي؟ ليا حد المواني
وقال؟ نامي ياغناة الروح وأحلامس سعيده
مادرى؟ أنها؟ قد تحلت بركة الهرش العماني
أمن؟ أناسيمه الاثفنته لا يده لا قيده
حب الاحرف ضيع أحساب الدقايق والثواني
يامضيعة المبادي في رجا؟ نشدة نشيده
ياسلام الله على اللي حبها؟ بين المحاني
فارعن بلحالها؟؟؟ تسوى ثمانمية؟؟بديده
ماتسلت؟ في مسليت؟ الاصابع والاغاني؟
وماتقول؟ أنا الوحيده وماتسموة؟ بالعنيده
من طهرها؟ تستحي حتا؟ تصححلي لساني
كني؟؟ أذبحها ليا من جيت اسمعها؟؟ قصيده
ياغناتي من تعرض ذكر ذربين اليماني
عقبوه أمطويت الاكفن؟ هل الاريا السديده
وكانها بالطيب؟ ماعقب الحصان؟؟ الا الحصاني؟
وكانها بالجيد ياطيب أخر المعنز؟؟ وجيده
وكانها في فبركة ضرب المعاني؟ بالمعاني؟
الشعر يسجد لوجهي؟ كل ماسوي جديده
علميه؟ اني من أملوك القصايد؟ وأقحطاني
وأن بغا التفصيل؟ قولي؟من بني هاجر عبيده
قصيدة التوبة
من كل حرف وكل شهوة صبابة
استغفر الله وتعوذ من إبليس
أعوذ باللي آوى عبد وسرابه
لاجي نهار الحشر امرئ ألقيس
يارب يارب الكرم والمهابة
يالي لك أعلام الاوادم منا كيس
جردني من النابية والسبابة
ولبسني من دروع هديك متاريس
تعبت من مسك القلم والكتابة
والشعر وفتن النساء والأباليس
والمدح في عزوة وشيخ وقرابة
واللاء .. . لدعوات الراضين والليس
والحب وما حوله وماله وهابة
والدمع لاهبت على النسانيس
والشوق وغفال العقل وانغلابه
والليل وخطط ألدها .. .والجواسيس
والشهرة وحكي العرب واللبابه
وزملوق شف ماتعسة عواسيس
وحصر اسمي فشاعر فساحة غرابة
شعارها فيهم رخوم وملاحيس
تاكي على إرث الاسم بالنيابة
واقطف خلاصة ماغرسوه الغوا ريس
أقفي من الله ولأمل والرضابة
وأروح أدور من ورا إبليس أحاسيس
أسهر على فن الكلم والخطابة
وأصبح ولين اللي جمعته حما ليس
قلبي لعزاف الأودام ربابة
وراسي لخطوات الشطانه دواعيس
تقودني نفسي ولا أشعر وألا آبه
مالت عليها عاصيات الهواجيس
من عنده إن كل الشعور يتشابه
روس مع اللي في الدحادر مرا ويس
الإثم ماحاكه في خفوف وخفا به
والخير ماشاعتة روس النواميس
كم شي صار وصار ويندرابة
وكم نومه ماكدرتها كوابيس
ترى ماأحد له في رقبتي طلابه
بس الصراحة من شم الفواعيس
والرجل إذا مايعتبر في شبابه
يعيب قبل يشيب ويشيب ويخيس
ياراجي ارجي اللي ماينصك بابه
لاترجي الو هبات من هيس أبن هيس
أستغفر الله واتقي عذابه
اللي فرقني عن حياة المتاعيس
من قبل لاأعرف الهدى واعنابة
أنا همي والحزن face to face
والحين لله .. . الفضل والإنابة
متعافي .. ويمشي على زندي التيس
هادي .. . يشوشني طزيز الذبابة
لأعد الأيام الغبية ولا أقيس
شريت عقلي في سؤال وإجابة
أنا اعبدا لله .. . وألا أعبد الوساويس؟
نده خفوقي وانجلابه ضبابه
سجدات ليل ظالمينة منا عيس
ف أجواء مكة والحرم والرحابة
لايابعد روما ولندن وباريس
هذي ديار المصطفى والصحابة
وهذيك دار إبليس وعويل إبليس
قصيدة علم النفس
في فن علم النفس وانماط الحياه
مصيبتك طلع وراها فايده ..
لاينتثر فكرك على كذا اتجاه
الخصخصه فن العقول الرايده ..
وان ساد من حولك شعور الاشتباه
خذ لشعورك منطقه محايده ..
الثقه سقف العقل والناقص ذكاه
من حسسك بأن فيه حاجه زايده ..
والابداع؟ماهو لعب شد الانتباه
على حساب الغاء فكره سايده ..
والضيق ضيق الافق واكظام الشفاه
وفهم الحياه على انها مزايده ..
افضل وسيله للسعاده والنجاه
سهله على الراغب ولا هي كايده ..
توحد الله صدق وتقيم الصلاه
وجعل الفواحش عن حدودك نايده ..
وتكف يدك وتحمد الله على الغناه
وتخشر هنودك معك في المايده ..
ولاتخاوي لاشيوخ ولا رعاه
خاو اصدقا تفكيرك وفرايده ..
والشيخ من تواضعه يسبق عطاه
يتعودون الناس من عوايده ..
والحب ذروة كل شي ومنتهاه
ومحلا من وضوحه سوى مكايده ..
يبكي الرجال ويبحث خفاه
ويعلمه شرح الحظوظ الباديه ..
واللي يحب احدن ماهو في مستواه
يبطي وعينه بالمدامع جايده ..
ياوجد حال الشاعر ويا امه واباه
وجود من هاوش لأخوه وصايده ..
اللي اتمنى اعيش واتوفى معاه
حتى فعيده ماقدرت اعايده ..
الحزن طاقه للدعاة وللطغاه
وانا طلعت من الجروح بفايده ..
ان لم تزد شيئا على هذه الحياه
فتأكد انت حاجه زايده ..
قصيدة اللوبي
العقل بيت شيوخ والحلم جاسوس
للنفس يقطع من تركها ثواني
خذني وطلعني ولو الهوا كوس
ابااتنفس شي .. صافي وهاني
داخل تصادم فكر ومزاحم نفوس
على فتافيت الغوى والغواني
في هاللوبي كل شي ضايع ومعكوس
ماكن في هالكون رب واماني
اثاثه الغامق وتصفيفه الكوس
تدل على ذوق راقي .. .. وداني
شفهم وشف كيف الفشل يجعل الروس
اشيا .. .. كماليه مبين الاذاني
وشف كيف هذا ثمل ويعتثر ويدوس
على مسمى جده الأولاني
وشف كيف هالشايب برغبته محبوس
تحت شعار ان اخر العمر فاني
احس عنده عيله .. وبنت عروس
تخجل من ابوها كثير وتعاني
وشف الاثنين هناك؟ ترهم ج ..
رجال بس رجال من نوع ثاني
ضحايا نفط وقل طاعه وناموس
والام كانت طيش والاب اناني
وشف هالجمال اللي مدثر ومحيوس
مثل الكلام اللي بليا معاني
فتاة تعرض جسمها الغض بفلوس
ويبيعها فاليوم عشرين زاني
كل الزوايا طافحه قبح ونجوس
تسبح وفالركن الاخير المواني
واحد يغني وعنده حثالة جلوس
كأن مافي هالحياة الا اغاني
ياوخز قلبي وخزة الجرح بالموس
ياعالمن مافيه حلم وتفاني
في هاللبي مافيه ريس ومريوس
الكل بايع نفس والكل جاني
والكل عنده عذر واهي ومدروس
لو قلت ليه انت كذا؟ قال اعاني
انا اللي اعاني من القوس للقوس
هذا مهب جوي ولاهو بمكاني
بركض وابي اركض معي الف فانوس
اللي صباحات الغلا والتهاني
روح معي والواقع احيان كابوس
وانا ماحط اللوم على زماني
احمد ربي كل ما دق ناقوس
واعرف حدودي واستحي من كياني
وأصمت ليا جا للحكي روس وعسوس
واضحك ولو وجهي من البكي حاني
لو كل شي محسوس ياخوك ملموس
شليت اخر جرح بين المحاني
قصيدة يا أنيقة
يا أنيقه آسف بشده على هالحوسه
غرفتي تشبه كثير أوضاعي المحيوسه
ما توقعتك أبد بتجين فاجأتيني
ع العموم الله يحيي الطله المحروسه
في لحظات بين عيوني التعبانه
لين أرتب لك أريكة قلبي المشموسه
واجلسي بين الزراير والحشا الافريقي
وائذني لي للبكي .. بيذاكر معاك دروسه
شاعرك .. فوضاه علمته يرتب حبه
أنتي .. ثم الحزن .. ثم دموعه المحبوسه
والدموع اللي على وصلي ووصلك تنزل
ترفع بنزولها أعلامنا المنكوسه
هذا إنتي؟؟ ماني مصدق .. ولا ني مكذب
آه من برد الجفا ورياحه المتروسه
وايه حنا ناس غير الناس يا حوريه
روسنا ما هيب لضعاف البشر مريوسه
لي افترقنا نبتسم ولي التقينا نبكي
ويا فديت جنوننا واشياءنا المعكوسه
مرحبا .. ترحيبة البدو العزيب الرحل
بالمطر .. لاول هشيم الماحله المعبوسه
صح هذا انتي وهذا عطرك السمياكي
وهذي بوهة وجهك اللي بالضحى محموسه
وهذي ربطة شعرك البيضا .. وذي خصلاته
كنها في زيت زيتون الشفق مغموسه
وهذي الوانك .. وهذا المعطف العنابي
وهذي ساعة يدك المحظوظه المنحوسه
لا هي اللي طالت أصابعك وتشابكها
ولا هي اللي قريبه من عاتقك وتبوسه
وهذي مشيتك اللي من صغرك ما غيرتيها
هالبشر يخجل يضر القاع ولا يدوسه
الجمادات الرذاذ .. تهمس لا مريتي
مرحبا يالناعس المحشومه الطاووسه
قولي والله انك انتي معي ماني مصدق
لا تلومين الحواس الشرد المهووسه
كل ما غنى لي الغيد بصوت مواصل
شلها قلبي وركبها على منكوسه
صورة في البال لك معامد اتخيلها
أقرب احيانا من المحسوسه الملموسه
وانتي لو ما كنتي فيدي ولا كنتي لي
لحظتك عن عام .. كل ليله مع عوسه
لانك الأفخم إسم .. والأبسط انسانيه
ولانك الوجه التقي .. والطيبه المغروسه
ولاني أحبك محبة عمق .. ما هي نزوه
أسمى من حب الجسد .. وللهوى ونجوسه
يا أنيقه .. آسف بشده على هالحوسه
لهجتي تشبه كثير أوضاعي المحيوسه
ما سألتك ليه جيتيني .. ولا ضيفتك
ما ابي أخرب على جو الوصل وطقوسه
ليه جيتي؟ أسألك .. وانا اعرف وش جابك
طاب شجر الغاب والحطاب قرب فوسه
لا تقولين اني أرخصتك .. وانا ما ارخصتك
ولا تقولين اشتراك المشتري بفلوسه
ولا تقولين ان هالمره .. هي آخر مره
اتركي لي حلم بعد احلامي الميئوسه
انا شاعر .. حلمه اللي سوا منه شاعر
الذهب والعالم الجديد .. دم ضروسه
يا أنيقه .. لو خذوك وسافروا بك عني
الارض صدري .. والسفر من قوسه ليا قوسه
ليت صيت الجد ما ينفع سخيف احفاده
وليتها هالحين وان الكل شارب موسه
وليت .. نقطه نقطه نقطه نقطه نقطه
ما ابي أغلط في الزمن والعالم المنفوسه
ما اعرف شو اقول .. ولا اعرف ايش اسوي
الحزن .. طلت من ابواب الليالي روسه
انسي كل اللي حصل هاللحظة وضميني
يا خسارة عمري اللي راح ويا ناموسه
والله ان امه دعت له تحت باب الكعبه
واحد حطك في بيته يالغلا عروسه
