طلال بن عثمان مزعل السعيد مواليد نائب سابق في مجلس الامة الكويتي وشاعر كويتي عمل سنوات طويلة في الصحف اليومية ومذيعا بعدة قنوات تلفزيونية قصائده ثمرة لعقل ترعرع ونشأ في عوالم الثقافة والمعرفة وفيما يلي
قصيدة يا عين
ياعين شوفي كامل الزين يا عين
شوفي حبيبك وافرحي في قدومه
جودي بدمعات الفرح لا تخشين
دمع الفرح ياعيني اليوم يومه
هذي حلات الحب صافين الاثنين
كلن يبيع الود للي يسومه
ان كان قالو بالسنه بس عيدين
اليوم ثالثهم وبانت رسومه
احنا فرحنا وما نسينا المحبين
ما ينسا ربعه من يقضى لزومه
الله يهني قلوبهم قولي آمين
واللي يلوم العاشق الله يلومه
قصيدة يا عيوني
يا عيوني خاطبي دمعة عيونه
جاوبيها خففي ثورة ظنونه
حاولي تنسين نفسك لو دقيقه
مايبي منك سوى نضره حنونه
لاحظي الدمعات تحكي عن عذابه
لاحظيها كل ما طبق جفونه
وده يحكي ويتكلم عن غرامه
ومن حيا يخاف تعبيره يخونه
صدقيه اللي حصل ماهو بمنه
غصب عنه فيه ناس يمنعونه
ياعيوني معذره هذي الحقيقه
حالت العادات من دونك ودونه
اعذريه وسامحي هذي النهايه
دمعتك صارت صدى دمعة عيونه
قصيدة النار تحرق من وطاها
تقول الناس عينك وش بلاها
على خدك تنثر كل ماها
صحيح الناس مايدرون عني
ولا حسوا دموعي وش وراها
ولا يدرون ليه أسهر لحالي
ولا يدرون حالي وش برها
ولا عاشوا دقيقه في عذابي
لأن النار تحرق من وطاها
أنا يا ناس مجروح فؤادي
جروح خافيه محد يراها
ثلاث سنين متحمل عذابي
موصي النفس لا تبيح خفاها
ولكن للأسف خلصت صبري
وكفتني المحبه من عناها
ولا أقدر على جور الليالي
كت عيني وجاها ما كفاها
أترجم همي بكلمات شعري
أبي الكلمات يبكي من قراها
يقدر عبرتي من عاش مثلي
ويبري علتي رافع سماها
قصيدة وشلون باصبر؟
البارحه هاجت علي التفاكير
ليلي قضيته بين هوجاس وافكار
ولا لقيت لما وطا النفس تفسير
وأصبحت كني راعي النار والغار
حزن بقلبي كسر القلب تكسير
لولا ضلوعي تردع القلب كد طار
على الذي له داخل القلب تقدير
الصاحب اللي بيني وبينه أسرار
دار الزمان وصار بالعهد تغيير
مدري غدر بي مدري الوقت غذار
قبل الموادع قال تذكرني بخير
إبعد وانا ابعد وافرض الحب ما صار
حنا نوينا وعاكستنا المقادير
وهلت دموعه يوم فكر بالأقدار
قال النهايه جعل دربك مسافير
حاول تناسا اللي مضا صير صبار
قلت الله اقوى ما طلبتيه بيصير
غصب عليه قلت ماكنت مختار
ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار
قصيدة ياللي زعلت
أشرب كدر ماي البحر كانه أرضاك
ياللي زعلت إزعل ولاني مراضيك
بأعز نفسي عنك مدراك
لا تحسب أني عقب صدك بداريك
راضي بتعذيبك لأجل قلب غلاك
أربع سنين وأنا متحم ل تغليك
وأدوس قلبي لينه يقول خلاك
وخليتني واليوم والله لأخليك
ليمن يقال فلان هانك وورآك
قبل توريني الحساير بأوريك
وأنسى الغرام اللي مضى وأتحداك
كانك تحداني فأنا أقبل تحديك
الله يحرمك كل ما كان هناك
ماني بقايل لك عسى الله يهنيك
فوق الغرور اللي عن الماضي أعماك
عسى العمى ياخين العهد يعميك
حيثك تجاهل صوت محروم ناداك
وعساك ما تسمع قريب يناديك
لينك تندم ليه غيرت ممشاك
وعسى الشلل يعوق رجل تمشيك
يلقى بها الفرصة عدوك ويشناك
وعسى حياتك بس فرحة لشانيك
يصبح عليها الصبح ويموت طرياك
وعسى الليالي اللي تجيني بطاريك
آمين حتى اللي تمناه يجفاك
وعسى المنام وكل راحة تجافيك
وأمك تشق الجيب من عظم بلواك
وعساك ما تفرح وتكثر بلاويك
نار الجحيم ونار دنياك تصلاك
وإلى مت جعلك في جهنم تصاليك
غشاش خاين من من الناس داناك
الله يكره فيك حتى دوانيك
أمسك ويومك عنهم الغد يجزاك
هذه النهاية روح والله يجازيك
قصيدة قالت تغزل
قالت تغزل ليش ساكت ومنظام
لا ياخذك صمتك ويطويك ظله
عطني قصيده حب من شعرك العام
قول وتغزل عنك الصمت خله
قلت ايه ماذقتي طعم مر الايام
شعب بدون ارضه يعيش بمذله
شيء جرى ماصار حتى بالاحلام
بالليل امان ونصبح الصبح ذله
جونا بغفله والمخاليق نيام
اهل الحسد والحقد من كل مله
لا تبحثين الي غدى قلبه اقسام
مشردا يشكي ثمانين عله
وين اتغزل والبلد بيد صدام
وين اتغزل والبلد مستحله
ماهوب وقت اسرار واشعار واحلام
واقول احبك وانتي الحب كله
تبدلت امالنا كلها آلام
وضاع الطريق الي من اول ندله
يابنت انا ماني على خبرك العام
هاتي بلادي واخذي العمر كله
قصيدة تعاتبني
تعاتبني بنظرات خفية
وأجاملها ولا ادري وش وراها
أجاوبها بنظرات حزينة
تعبر عن ضنا الروح وشقاها
أسايرها وأجاوب كل نظرة
وأخبي الوجد وأبحث عن رضاها
قبل ما شوفها ظنيت قلبي
دله عن سيرة الحب وسلاها
وعقب ما شفتها عرفت قلبي
تناساها ولكن ما نساها
غلاها يزود مع زود الليالي
وباع الناس قلبي واشتراها
وصرت أغار أنا منها عليها
خطا نفسي وآنا أتحمل خطاها
وأغار من أمها حتى وأبوها
وأغار من الذي بأمره ولاها
وأحسد اللي تبره بالرعاية
وأحسد اللي بأحاسيسه رعاها
وأحسد البنز لا قامت تسوقه
أخاف أنه يشاركني غلاها
وأحسد الريح لا حرك شعرها
وأحسد عيون غيري لا تراها
وأغار من القمر لا شع نوره
خذت نور القمر واصبح ضواها
وأحسد الشمس لا بانت عليها
أشعتها تسبب في أذاها
وأحسد الأرض لا داست عليها
أثر خطواتها تحيي ثراها
وأغار من النجوم إليا تعلت
وشافتها وعيني ما تراها
وأغار من الهدوم اذا لبستها
عساها ما تجرحها عساها
واغار من الخواتم في يديها
وساعتها وكل اللي معاها
وأغار من القلادة في نحرها
وأغار من الشعر لامن كساها
وأغار من القصيدة لا قرتها
ولو هي قصتي واشكي جفاها
وتشمل غيرتي حتى المرايا
يحق لها بشوفتها تباها
نعم وأغار حتى من الوسادة
وأحسد فراشها ويا غطاها
آلا يا من يساعدني عليها
يوصلني هوى النفس ومناها
عجزت أعالج جروحي بروحي
جروح القلب ما تشفى بلاها
قصيدة الدار صدت
الدار صدت ما تلقي جابه
الحر الأشقر كسرت مخلابه
لاهو على الصيدات ما دماها
معاقيد من صيدته مضلابه
ما راح نشوف أكثر مما شفنا
صرنا شحم جنزير للدبابة
قلنا خلصنا من عيال الخكري
وابو براطم ذاك هوه اصحابه
وترجع لنا الديرة مثل ما كانت
والبيت بالمفتاح سكر بابه
لكن بلانا صار منا فينا
حنا فتحنا الباب للنهابه
خير البلد للغير هذي البلوة
وراع البلد من هالتعب وش نابه؟
ما المشكلة عاش الغريب امدلل
ولا تعيش أم أحمد الخطابه
المشكله صرنا ابلدنا قلة
نسبة وتناسب وين هالحسابة؟
ضاع الكويتي بالكويت بلاده
كيف الوطن بأهله تضيق ارحابه
ابن الولد شاف الغبن بعيونه
ولو صاح بأعلى صوت ماحد ثابه
الواضح أصدق وصف لابن الديرة
غريب ببلاده وبين أحبابه
يا ناس صرنا جاليه بديرتنا
راعي البلد ماحد يحسب احسابه
تلقى الغريب بدارنا متفرعن
ناره على راعي الوطن شبابه
في ديرته ياكل تبن بايدينه
وفي ديرتي يرفع علي مصلابه
في ديرته مسلوب حتى رايه
وفي ديرتي يفتل علي اشنابه
في ديرته يهاب حتى الشرطي
وفي ديرتي حتى اللوا ما هابه
واذا تكلمت ابتلشت بعمرك
بين المخافر قصة واطلابه
الموت تلقى الحق دايم معهم
عيال عمه فزعته واقرابه
والقاضي راضي والهوى وياهم
مبروووك لازم تلعب اللعابة
هذي سوايانها وفعل ايدينا
اللي جرا كلنا نعرف أسبابه
من جاب هذا الأجنبي لبلادي
من وقع الفيزا وخط اكتابه
قبل تلوم الناس حاسب نفسك
لا تلعنه العن ابو اللي جابه
يقولها راع الوطن متحسر
صاب الهدف ولا بعد ما صابه
الدار جارت ولا حنا جرنا
الحر الأشقر من كسر مخلابه
قصيدة صمت الوداع
فارقت من لاكان ودي أفارقه
عقب الصلاة وتوها الشمس شارقه
الفجر يوم الناس تسعى لرزقها
أنا عيوني بازرق الدمع غارقه
بكى وأنا أبكي يوم وقفت أودعه
والكل منا يذرف دموع حارقه
سلمت ويديني بياديه ترتجف
ويديه بيديني من الخوف عارقه
وأقفا وأنا قفيت والصمت حيلتي
عز الكلام ودمعة الياس فارقه
وحسيت كن القاع حدري تزلزلت
يوم ألتفتلي وأستهلت غوارقه
سرقت من دنياه لذات دنيتي
برضاي سارقني وبرضاه سارقه
همي وهوجاسي وحبي وغيرتي
للي بوسط القلب ناصب بيارقه
وعودت للمطلاع حزين ملتجي
والقلب مني طارق الهم طارقه
ضلع ورا المطلاع شوفه يريحني
عسا الحيا يسقيه لالاح بارقه
كتبت في عاليه حرفي وحرفها
ورسمت قلب الحب والسهم خارقه
ذكرى غرام مات من قبل ينولد
بفراق من لا كان ودي أفارقه
قصيدة ودعتها
ودعتها واخفيت عنها دموعي
خايف تحس بحسرتي والتياعي
ودعتها والقلب مني جزوعي
جزع من الفرقا قليل المساعي
حيث الفراق لمن تولع يلوعي
لوعات فرقاء ماوراها اجتماعي
في لحظة التوديع هديت روعي
بيني وبين النفس قمة صراعي
اخفيت ما حسيت بين الظلوعي
خايف عليها لا تحس بضياعي
قالت فمان الله وانطر رجوعي
واشرت بالتوديع حال استماعي
ساكت ولارديت ماهي طبوعي
من عبرتي تفرض علي امتناعي
حان الرحيل وحان وقت الفجوعي
واقفت وأنا عيني عليها تراعي
بين الرجا واليأس صبري يموعي
على الوداع اشلون قلبي استطاعي
من عقبها اسهر مسندي راس كوعي
لأنام خالي البال تميت واعي
تومي بي الحسرات من غير طوعي
هذا الغلا ماهو غرام صناعي
اقنب كما ذيب تقفاه جوعي
لامن ذكرت فراق حلو الطباعي
اللي لاجله هان عندي خضوعي
والله مانسى دمعته في وداعي
