متعب التركي متعب بن فهد بن خضير بن تركي العبيوي المطيري ولد عام 1968م شاعر سعودي تخرج من كلية العلوم الاجتماعية وسلك متعب حياته العملية كمدرسا في مدرسة حفر باطن بالمملكة العربية السعودية ومن اجمل قصائد متعب التركي ما يلي
قصيدة هذا الخبر صدمة
هذا الخبر صدمه وحزن وعلامه
على محبة كل الامه لخطاب
هذا الخبر والهم هذى خيامه
شرع للأحزان النوافذ والابواب
ألحقت من جاب الخبر لى ملامه
صعبه على الانسان توديع الاحباب
البارحه غابت عن العين قامه
قامة رجل زلزل قناعات واحزاب
ترجل الفارس وذب العمامه
واستقبل الموت بحفاوه وترحاب
ترجل بصمت ووقار وصرامه
حتى وفاته شى يدعو للأعجاب
من يعتبر فقدان كفه وسامه
أكيد ماهو لحظة الموت مرتاب
وجه واهو مسجى بدر فى تمامه
ميت ولكنه واهو ميت مهاب
أومت له كفوف تمنت سلامه
بكته الامه قبل تبكيه الاقراب
خطاب ماهو بس رمز الشهامه
خطاب نجم فى سما الامه وغاب
حر شهر والطلع دار الكرامه
والحر مايعنيه تحليق الاسراب
فعله فرض على الجميع إحترامه
واسمه ملا الدنيا بطوله واهو شاب
ماكانت الدنيا مثار اهتمامه
بالعكس كان لنصرة الدين وثاب
لو كان يبحث عن نفوذ وزعامه
كان امتلا صدره نياشين والقاب
الاخره كانت على طول امامه
فى هالزمن خطاب واشباهه اغراب
اختار بديار الجهاد الاقامه
ومن كان هذى رغبته لازم يثاب
واختار بالاسلام ذروة سنامه
الصبح ساحة حرب والليل محراب
يكفيه فخر ان الشهاده ختامه
ماحسب لدنياه ولعمره احساب
يارب تغفر له وترفع مقامه
وتعظم أجر إمة محمد بخطاب
قصيدة وش ينفع اليوم ؟
وش ينفع اليوم لو جيتيني بليني
كسر الخواطر مصيبه بيد جابرها
روحي وخلي جروحي منك تدميني
والسالفه لو يطول الوقت ابسترها
والياانشدوك العرب وش بينك وبيني
قولي حياتي قصيدة كان شاعرها
قصيدة رجع بي طاري الذكرى
رجع بي طاري الذكرى على ذيك العيون السود
وأنا اللي قلت ماعاد الهوى يطري على بالي
تناسيتك وشفت الشوق في قلبي عليك يزود
اثرني مانسيتك بس من همي يورالي
غديت وطاري الذكرى سواة الملح والبارود
ليامنه قرب لي ثار شوقي وانقلب حالي
تجي وتروح لكن في ضميري باقي موجود
على حد السراب اللي زما طيفك تروالي
تمر الثانيه في حسبه الساعه على الموعود
اجل ربي يعينك لاغدى راع الوعد غالي
سهيت ولا وعيت الاوقلبي للغلى مشدود
تنبهت وبغيت الحق عليه ولا تهيالي
وانا اللي خابر كل العلوم ونقصها والزود
أضيع في موازين الحكي لا شفتك قبالي
اسامح وادري اني بالجفا مبطي وانا المقصود
وانا اللي لو من اولها جفيتك يمكن اشوالي
على هونك توقا ماهي بكيفك نعيم العود
تحاسبني وانا اللي راحت ايامي على الخالي
حرام تضيع من عمري ليالي مالها مردود
تعابير الشماته شفتها بوجيه عذالي
انا ماني بعاجز لو بجازيك الصدود صدود
يضيق المنزل بغيري ولا غيرت منزالي
كريم النفس حتى بالمشاعر لاعطاك يجود
على كثر العطايا مانشدتك ويش يبقالي
تمهل واعرف اللي راح لا يمكن عليك يعود
خذاه الوقت لاتستنقض المبطي مع التالي
ابقطعها حبالك لو بها حبل الرجا معقود
وابلقا عن مقيلك بالسعه لي في وظلالي
قصيدة انتهينا
انتهينا وصار اكبر خطاي الوفا
انتهينا وعند الله جزاي وجزاك
ادري ان الزعل حجه عشان الجفا
ادري وقلت ابسمعها من شفاك
تختفي وانت خابر جرحنا ماخفا
كلهم شايفين الجرح وانت بعماك
قلبي اللي صفالك ماللغيرك صفا
جاك من طيبه وعاف الهوى من رداك
القدم من طويل الدرب مل وحفا
والنظر طاح من دونك وسرب وراك
قصيدة رغم التعب
رغم التعب والتناقض منزلك عالي
لو كنت في خطوتك تكثر تعاريجك
عنيد لكن عنادك حيل يحلالي
ولو كان للعند تاج اعلنت تتويجك
لكن ترفق وشوف وجيه عذالي
تفرحتأيد صدودك لي وتحجيجك
يكفي تشوف بعيونك ثوبي البالي
اللي تمزق تحت قسوة كرابيجك
حزين رددت للاحزان موالي
وانت اتغني فرح واسمع اهازيجك
لازلت احبك ولكن وعد يالغالي
لابداوقف دعاباتك وتهريجك
وإن كنت مهر ولا روضك خيالي
جيت وعلى جثتي عسفك وتسريجك
قصيدة لاياعلي
لاياعلي الوضع هذا مايناسبني
قله يفارق ترى لي بان تزييفه
يروح يبعد وثم يرجع يقربني
يبيني اتبع هواه واخضع لكيفه
يخطي ويزعل ويرجع لي يؤنبني
اسكت وانا اسمع تفاهاته وتخريفه
ماني بتمثال وقت الضيق ينصبني
عنه اتلقى خطأ غيره وتهديفه
عذروبي اللي يعرفه مايعيبني
كتاب مكشوف واضح فيه تحريفه
الموقف اللي حصل بالحيل متعبني
ولا يحاول بثوب الكذب تلحيفه
قله فراقه ترى ماعاد يرعبني
ماعاد يسوى بعيني ربع تعريفه
انغام عزفه ترى ماعاد تطربني
عندي تساوى برود شتاه مع صيفه
ماني معاتب وقله لايعاتبني
جوي تعكر ولا اطلب منه تلطيفه
نهر العطا جف قله لايحاسبني
القلب مما علق به صعب تنظيفه
قصيدة متى ذكرتيني
متى ذكرتيني على شان تنسين
خليك مره صادقه وانصفيني
في وقت واحد تكرهين وتحبين
انا تعبت استحملك واعذريني
حب سرق من عمري ايام وسنين
مثل الهوا مايمسكنه يديني
قصيدة هذي اللي غلاها
هذي اللي غلاها مايبي قول قايل
هذي اسباب غيضي والرضا والهيام
هذي رسومها بين الضلوع النحايل
هذي اللي على صدر القصيده وسام
الاصايل يجنك مثل اهلهن اصايل
والوكاد انها منهن بليا كلام
يوم فلت على الخصر النحيل الجدايل
واستدارت خجل مدري تصنع غرام
عودها مال لو هي ماتبيه يتمايل
ماهو بكيفها من لين ذاك القوام
واقف وكن رجلي فوق جرف متهايل
للجمال بعيون العاشقين احترام
قلت في خاطري ماني عليها بعايل
لكن القلب سابقني برد السلام
ماني اللي حذف عند الزناد الفتايل
يومها ولعت ناره تغطى ونام
واجد الزين عند الحاضره والقبايل
شفت واجد ومرني مرور الكرام
بس هذي وصفها علوم وهوايل
كنها قطعة من نور بدر التمام
ياكثر ملحها والا الحلا له دلايل
حور عيونها والخشم سلة حسام
كن ذيك الخدود بروق ماتنتخايل
لاكساهن شعرها شفت برق وظلام
تعسف الخيل ونفوس البشر تنتحايل
مير خيل القصايد مايطيق اللجام
إنتحيت ولقيت القلب مامن صمايل
كل ماذعذع الغربي من الشوق هام
ياكثر ماني من الشوق والحب شايل
من عشق مثلها وشلون بالله يلام
هذي اللي حلاها مايبي قول قايل
ماهي أول غلا لاشك مسك الختام
قصيدة ضحيت بالواقع
ضحيت بالواقع على شان الأحلام
وضحيت بالغالي على شان غالي
حتى الغرام اللي كسر قلبي العام
ماني بحاله كان ماهو بحالي
ماينخسب عمر البنادم بالأعوام
بعض السنين نعيش فيها ليالي
قصيدة لك بقلبي غلا
لك بقلبي غلا وإعجاب ماهو زايل
لو عن الارض زال طويق والإسنام
كن دمع العيون اللي على الخد سايل
صافي الما وهو يسقي ورد الخزام
رواي العوادة لا قاصر ولا هو بطايل
ينعرف وزولها ولو هي بوسط الزحام
