الشاعر محمد بن فطيس هو من أشهر الشعراء في قطر والذي ذاع سيطه بعد فوزه في مسابقة شاعر المليون وكان بذلك أول متسابق يلقب بشاعر المليون وأكثر ما اشتهر به شاعرنا بعد فوزه بالجائزة أعلن التبرع بالجائزة والتي قدرها مليون درهم مناصفة بين ذوي الاحتياجات الخاصة بقطر وبين أطفال فلسطين وفيما يلي اشعار بن فطيس تويتر
قصيدة ريقك عسل
وش قومك وش فيك ولا علامك
قد لك معي كم يوم وعلومك علوم
وانا ادري اني يامرامي مرامك
لو تقعد الدنيا ولا تقدر تقوم
عطيتني قلب وبخلت بسلامك
وش فايدة حبك انا منك محروم
لا عاد تزعل واحيني بابتسامك
ضحكك يزيل اوجاع وجروح وهموم
وكلام عينك ما يهمش كلامك
كلام عينك كوم وحكاك لي كوم
لاغبت عن عيني روح انشد غرامك
تلقاك في قلبي مقلط ومحشوم
بعدين ياغلا الناس وفر ملامك
ترا الغلا يجفل على كثرة اللوم
دونك خفوقي ممتلي من سهامك
ولا شكيتك جرحه وقلة النوم
القلب مثل الطير وفر حمامك
ان افلس قبال السما يقلب الحوم
لكن قبل لا انسى بنبهك دامك
مسلم وباقي كم شهر يدخل الصوم
لايذبح الموضوع قل اهتمامك
طعني وشوفلك شيخ يفتليك اليوم
ماظنتي يازين يقبل صيامك
ريقك عسل علمني شلون بتصوم
قصيدة مأجور ياللي من فراقك تعلمت
مأجور ياللي من فراقك تعلمت
ان الزمن يومين طيب..وخيب
فاجئتني بمفارقك ما تولمت
كذا بدون اسباب عني تغيب؟؟
مامت من فرقاك لكن تألمت
وراسي مشيب لو ما راسي مشيب
ولولا السحا من عاذلي ما تلعثمت
طاولته اللي في يدي من قريب
اضحك واسولف وان لحقني سهر نمت
لكن قسم بالله ماني بطيب
اكافح اهل الشمت بالسمت ..والصمت
ومن شوفتك صدفه قعدت اتهيب
اخاف اشوفك واكسر الصمت ..والسمت
وادعيك تو الناس وانا مغيب
جيشك علي ما فاز وانا استسلمت
وذل المحبه ذل ما هو يعيب
تدري من المخطي ولو ما تكلمت
ياللي لضني ضنتي ما تخيب..
قصيدة شطر حفظته
ماني بمن ياتي ولا يدري به
شطر حفظته ما أعرف كتابه
شطر يناسبني لمثل الليله
وآشوفني في ذا المكان أولى به
أبا أتكل بالله ونعم بالله
اللي ما يوصد دون خلقه بابه
باقول واللجنه تقيم قولي
ومن كثرة الشعار ماني آبه
الحمد لله واثق من روحي
وإن كنت ذيب فالرجال ذيابه
ما أقول أنا أشعر واحد في العالم
لكن قصيدي كفو وأنا أدرى به
الشعر جمعنا لو تفرقنا
حدودنا وظروفنا الغلابة
الله يبيض وجه راعي الفكرة
عز الله انها تنحسب لحسابه
والله يبيض وجه من يرعاها
محمد الله يحفظه لأحبابه
محمد ولد زايد عريب المجنى
ولي عهد الديرة الخلابة
الشعر تاريخ لنا من مبطي
وإعلامنا يوم السنين انهابه
الشعر بيت والوزن عمدانه
معناه طنب وقافيته حجابه
الشعر واد فيه صيد واجد
وكل على الوادي يهج ركابه
والأفكار صيد وكل شاعر قانص
وكل يدسم شاربه مخلابه
أحد خياله حر .. وأحد وكري
وأحد خياله كوبج بقطابه
وأنا خيالي كل ما هديته
حول على الوادي وصاد عقابه
شاركت أمثل ديرتي وربوعي
وكل يمثل ديرته وأقرابه
والله إلى الله راد والله قاله
إني لا أسلمها الفخر وكتابه
داري قطر .. وأنا هنا أمثلها
المجد مطلوبي وأنا طلابه
عهد علي إني لا أشرف داري
ترك صبي ما يعز ترابه
شوفوا دمي من حبها عنابي
وحماستي من ضوها شبابه
شاعر خليجي والعروبة بيتي
والبيت ما ياقف بدون أطنابه
وإن عودت بين القبايل فزعه
أنا أشهد إن لي في اللوازم لابه
لي في القبايل ربع .. وأقدرهم
ماني بمن يجهل مقام أصحابه
وإن عودت لأصلي .. فأنا أصلي مري
من صلب يام أهد القنا وخضابه
قوم لنا فوق المعالي بيرق
والسيف قوة سلته بنصابه
الشعر طوقني وأنا طوقته
قمت آتمشى به وأفك أبوابه
يا بنت ياللي تفرقين بعودش
ما ألومهم لو كثروا الخطابه
لامر بش دربش على خلق الله
قالوا كذا بالأصبع السبابه
زينش يزينه فعل أبيش وجدش
وإنتي بدورش للنقى كسابه
قومي تباهي بي .. وفلي راسش
عليش من ستر الشرف جلبابه
وإن ما سترتش بالفعول وباسمي
فعقبني الفنجال يا صبابه
قصيدة شفتك وزاد بي الولع والشوق
شفتك وزاد بي الولع والشوق
..غنيتها من ساعه اقبلتي
عيني ماقد شافت كذا مخلوق
.. كنش على ذوقي تشكلتي
قلتيلي اصبر بس انا المطفوق
..عجلت في شوفش وعجلتي
اثر معك لي مرسل ومسبوق
..عز الله انك قلتي وطلتي
عين وشفاه وعاتق منتوق
.. وجسمن تغطينه ولاحتلتي
الليل عن وجه القمر مفهوق
..والعود مالومش الا ملتي
غصن على ساقي وفيه عذوق
..وش الغريبه لو تمايلتي
لكن قبل تمشين انا مسروق
..من صدري قبل شوي وش شلتي
اتلا العهد به قابضه معلوق
..من ساعه اقبلتي وحولتي
ماريته خالي وفيه فتوق
.. رديه واعدش تجملتي
قصيدة الحب مثل النوم
الحب مثل النوم .. والوصل .. الاحلام
والشيين من الاحلام..صد المحبيين
نوم طويل عمره اشهوور واعواام
وان قمت.. ففهمها فرااق وسهر عين
وانا رقدت وعمري اربع عشر عام
وصحيت في شهر اربعه عام الالفين
نوم ثقيل كله احلام واوهاام
ونصيبي من احلامه الجانب الشين
صحى الفرااق اقلوب في عكسه..نيام
وغاب الفرح وانا بعكسه الى اللحين
ياحزن كبدي حزن من ضاق ثم حام
اخذت فروخه مادرى ليه ولوين؟
بعد ما شاف العش عيدان وعظام
خاالي..تفكر فووق ويساار.. ويمين
خلا عشاها فيه ومن الوطى شاام
زبن على روحه وفل الجناحين
وياوجد حالي وجد من نام ثم قام
على صياح امه وهو دون رجلين
عويق وامه تنعته والنعت سام
وهو خابر انه يقسم الصف صفين
حبا وصاح بصيحة تاصل الشام
منها تقطع في خفوقه شرايين
على وليف قسم اظنوني اقسام
واقفى وانا ما اعرف طرد المقفين
راح وترك في صدري ووسووم واعلام
وصى علي طيفه وقفى بقلبين
ليته تعذر كان ماهو بملام
بعد ماشااف الدرب بيسير دربين
اشوى عليه شوي..من عظ الابهام
واشوى علي شوي..من دمعة البين
تمشي بنا الاقدام والموت قدام
وميعادنا يمفرق اثنين بعدين
ياعين لا تبكين وعيونه تنام
عادش الى ما خاب ظني بترضين
لو الدموع اتفيد فادن الايتام
ولو الكلام يفيد عادت فلسطين
ولو النباات يطلعه دمعة هيام؟
شفتوا على وجهي ورود وبساتين
الحب سجن..وبعد الاحباب الاعدام
وقلوبنا السجان مدري مساجين
الحب نوم عمره اشهوور واعوام
وان قمت ففهمها فرااق وسهر عين
قصيدة لك بعيني شوق ماله عدد
لك بعيني شوق ماله عدد والى قبل ..
وفي خفوقي لك من الود قامه وقعده ..
ولك من الشحنه بكبدي مثل ضو العبل .
شبها التايه للاجواد في راس قعده
وحبل وصلك مرتخي وانت فكيت الحبل .
وامس ما جابك عسى الوصل بكره وبعده
والجفا طول وانا مذهبك مانا بخبل ..
ما بغي اتهمك لكني هنا ريح جعده
قصيدة يا سارقا قلبي
لك بعيني شوق ماله عدد والى قبل ..
وفي خفوقي لك من الود قامه وقعده ..
ولك من الشحنه بكبدي مثل ضو العبل .
ياسارقا قلبي أتتك جوارحي
طوعا بلا أمر ولا استئذاني
فأنا الذي أهملته وتركته
كنزا للص هواك حين أتاني
فارفق به مادمت تملك أمره
واحفظه حفظ الصدر للرئتاني
وإذا لقيتك فأعطنيه دقائقا
ليجدد الحب به شرياني
فإذا قضيت فخذه مني راضيا
سبحان من من دونه أحياني
وإذا لقيتك لاتسل عن حالتي
فملامحي بالشوق خير بياني
للدمع والليل الطويل تركتني
وتقول لي في البعد ماأضناني
عجبا لأمرك كيف عن حالي تسل
أو لم تكن في الهجر من أرداني
عجبا لأمر العاشقين لما أرى
لايكره المجني عليه الجاني
دع عنك ماقد فات واسمع مايلي
فالعمر مهما طال طول فاني
داو المسامع بالكلام وداوني
بالوصل إن فراقنا أعياني
في ليلة قمرية كي أحلف
إني رأيت بليلة قمراني
واسمع عيوني كلما لاقيتني
فأنا عيوني في اللقاء لساني
شبها التايه للاجواد في راس قعده
وحبل وصلك مرتخي وانت فكيت الحبل .
وامس ما جابك عسى الوصل بكره وبعده
والجفا طول وانا مذهبك مانا بخبل ..
ما بغي اتهمك لكني هنا ريح جعده
قصيدة تالي عصير
الضيقة اللي دايم تالي عصير ..
.. وش حيلتي وأردها لا تجيني
لا طال ظل العود حزة عشى الطير ..
.. كنها على سجن الحديد تحديني
يضيق صدري كل ما جات وأسير ..
.. ولايخفف سوج رجلي حنيني
لا حولنا مشراف ولا اقدر اطير ..
.. يالله قمسة خير لا تبتليني
وعقارب الساعة توقف عن السير ..
.. ولاكن في الدوحة سواتي حزيني
والعبره اللي تاصل الحلق وتحير ..
.. يا قربها لو قيل لي يا عويني
أمل شوف الناس ورد ومصادير ..
.. واللي يقول اشفيك كنه يهجيني
يعني على ما قيل من باب تصوير ..
.. لاحد أبي قربه ولا أحد يبيني
أروح أدور خط مابه دواوير ..
.. وأدور اللي هادها تهتديني
وآخذ مع الهاجوس سجة وتفكير ..
.. وأراجع اللي فات بيني وبيني
وأحسب ذنوبي وأدور التكفير ..
.. عساي ما قصرت في والديني
وعساي ما قارنت من ينفخ الكير ..
.. واللي يحمل المسك جعله قريني
ويطري علي يوم الحشر وأطلب مجير ..
.. ما أعطى كتابي في شقيقة يميني
ويطري علي صدقان كثر الدنانير ..
.. اللي اتعاديني إلا كثر ديني
وراعي الهروج اللي سوات المناشير ..
.. أصد عنه وأدري انه يعنيني
الله حسيبه يوم عرض القواوير ..
.. والله حسبي من صواب مكيني
وإلا طرالي واحد كانه اصغير ..
.. أم أصغر بيومين ولا سنيني
دريت وش قومي وعينت تفسير ..
.. للضيقة اللي من زمن تعتليني
حبه بصدري سالفة سر في بير ..
.. وكن الفواد يقول هذا زبيني
أشفق على علم يجي منه من غير ..
.. لا يسمع اللي سولفوا به ونيني
يا كثرهم غيرهم ولكن خبر خير ..
.. ما غير شوفه في الوجود يهنيني
رايي كذا يا عاشقين الغنادير ..
.. ماله على وجه البسيطه وزيني
العام أجيهم من حساب المسايير ..
.. واليوم حال عداي وينه وويني
خطاي تعليق الأمل في المدابير ..
.. الين راح وشفت حقري بعيني
صبر جميل وخابر إنه مقادير ..
.. والله على تخفيف حزني عويني
ذي حالتي لين اتغبا الشمس واصير ..
.. معطى سراحي عقب مانا سجيني
واذا امتلى جوف الشجر بالعصافير ..
.. طلبت من رب العباد يهديني
يعتقني المذن عقب ضيقة عصير ..
.. اللي على سجن الفراق اتحديني
قصيدة سرحت فالقلص من عزبة تميم
سرحت فالقلص من عزبة تميم
تبغي الدوره قبل شيخ النهار
سرحت فالقلص ينسلها النسيم
قلص من طوله يسكر له مسار
ايتيامن ويتياسر كنه ييم
وان قطع توك قطع كنه قطار
قلص هجن جنسها قدهو عديم
الركاب النادره هي والبكار
وسمها المشغار والمربط مقيم
والشرايا اللي تغيض اهل العقار
كن شواذرها حرامات الحريم
واللثامه برقع خيطه اعذار
وفالختاميات هي عوق الخصيم
لا ارتفع من توها بيب الستار
والشعار ادعم ولا احد به غشيم
عادته يضهر فالايام الكبار
روحت مثل القطا في يوم غيم
ناش تاليها الصتم واقفت طيار
او نعام صوبوا فيها الظليم
واقفت امن الخوف سايقها الذيار
عندها تختف لو انك حليم
لا تعزل عجها عقب المغار
الوروك اخياش من سكر نعيم
والغوارب زادها قصر الفقار
النهايه عندها قومة فطيم
وخفها كن وطيته وطية حوار
وفالرصيد الحمد لله كسر تيم
والله ان يبطي وهو محور حوار
ما يحطم لو يحط سباق ريم
ولو يهجن بين الادمي والمهار
قصيدة صباح الغلا المنقي من الشك والتزوير
صباح الغلا المنقي من الشك والتزوير
صباح الوفا ياروح روحن معذبها
غرامك وجور الوقت والبعد والتفكير
بدنيا العنا كيف اتحاشا مخالبها
اطرش لك اشواقي مع الشكر والتقدير
لون بسمة فوادي عنا الوقت ناهبها
ومع اشواق قلبي شعر ماخانه التعبير
بيوته مثل ماجات ماني مرتبها
تهلل علي في ساع ماجات بالتقطير
وانا صوب صدر الصدر واقف واقربها
واحمل عليها الشوق والعذر والتبرير
مع ونة من قاعة القلب جاذبها
مع عبرة فالحلق ما عينت تحرير
حجزها الحيا فالحلق والعين تسحبها
تحنحنت ما ابغيها تواصل مسير السير
لكن شوقي الماخوذ للعين راح ابها
وجمت بها عيني مثل ما تجم البير
لذكراك ياللي عين خلك معاقبها
خيالك علي مع كل شبة صباح ايغير
وذكراك لا جا الليل جتني ركايبها
خيالك مهو بالطب لكنه التخدير
وذكراك طرد رقاد عيني مطالبها
فلا مصبح مثل العرب طيب وبخير
ولاممسي مثل العرب من سبايبها
الى جاتك اشواقي ترا تحتها تحذير
دخيلك اتحسبها وتحسب عواقبها
تراني مقصر واعترف بانقطاعي غير
تحمل اتجازيني الى زان مظربها
