لمع نجم الأمير محمد السديري منذ صغره وفي سنوات شبابه فقد وجد فيه والده المواهب القيادية مما جعله يسند اليه امارة منطقة الجوف وظل اميرا عليها لمدة 7 سنوات ثم انتقل الى جازان وكان اميرا عليها ثم انتقل ليتولي إمارة منطقة الحدود الشمالية ومن اشهر قصائد محمد الاحمد السديري ما يلي
قصيدة نشدت اهل الموده
حياتي كلها صبر وجلاده
وغيري عايش عيشة سعادة
انا للي عاشق بالغي مغرم
غريق في هوا راع القلادة
بعيد عنه ديار بعيده
ولحد جاب لي منه الافاده
يجيبنه حلوم الليل عندي
وحط الخد للغالي وساده
والى مني صحيت وقمت اراعي
ولين الليل يفجعني سواده
تصور لي عزيز ما نسيته
حبيب ما سلى قلبي وداده
عذولي لا تلمني بالموده
جريح هائم في حب غاده
تهل الدمع عيني من عناها
وسفك الدمع للعشاق عاده
نشدت اهل الموده وارشدوني
يقولون الهوا صعب جهاده
اقوله مصخر من روح روحي
حياتي كلها صبر وجلاده
قصيدة يا زين جرحك
قل لي بعد روحي علامك تصدي
وش مزعلك يا قرة العين وش جاك
يا زين جرحك بالحشا مستجدي
وعز الله اني واله القلب لولاك
حبك لخفاق الضير امتعدي
ولا همي الا من تزعلك وارضاك
ياللي على عمري تحدا تحدي
يالله عسى مولاك بالحب يبلاك
يا مورد الخدين بيحت سدي
ارحم عزيز ذل يدعوك باسماك
ان غبت عني ما لقلبي مقدي
غيرك من الافلاك ما عرف الافلاك
كان انت يالمملوح للحق تدي
اذكر عهدنا يوم تضحك ثناياك
يوم انت يمي بالغوالي تلدي
وتمد لي بمعاقد الود يمناك
نسيت يا مركوز الانهاد ودي
وانا لك الجا من ابوك ودناياك
شف الدموع اللي على صفح خدي
اسبابهن من جور حبك وفرقاك
يا عمير ملهوف الحشا مستردي
يا عمير يالبراق يا عمير ابنخاك
قصيدة غيض الطرف
عفا الله عنك يا طيف الليالي
يذكرني من الخلان غالي
يذكرني مليح غاب عني
عزيز صورته دايم قبالي
غضيض الطرف ممشوق قوامه
ولا غيره بها الدنيا زهالي
احبه ما نسى قلبي وداده
على فرقاه دمع العين سالي
الومه وا نسى عهد الموده
وساعات قضيناها عوالي
الومه وان نسى عهد التلاقي
لنا من جنة الدنيا ظلالي
رعى الله ساعة فيها التقينا
جرى لي من غرامه ما جرى لي
رعى الله ساعة فيها قطفنا
زهور الورد من روض الجمالي
رعى الله ساعة فيها طربنا
ترعنا الكاس من صرف زلالي
أقبل فاه بسلوم المحبه
وشف اشفاه فيها اشفن لحالي
اعب الراح من ثغر الجواهر
وخايل في ثناياهن خيالي
قصيدة بعدك يزيد القلب
يا مبعد عني وانا فيك مفتون
دنياي عقبك ما سوت ربع ساعه
بعدك يزيد القلب كون باثر كون
ومن جور حبك صار قلبي رعاعه
خذني معك وانا على السد مامون
واعطيك من فلذات قلبي رتاعه
وارفق بقلبي يا حبيبي على الهون
وحي يودك يا ريش العين راعه
ما فيك بخل لصاحبك يا اسمر اللون
وهو الذي ما قلت يا زين طاعه
يا روح روح الروح منك اطلب العون
واللي يودك منك يبي الشفاعه
غاليك قلبه من عنا البعد مشطون
ويقنب قنيب الجايعات السباعه
يعول عويل وخافق القلب مطعون
عليك يتبع خفقته باندفاعه
قلبي معك يا هايف الخصر مقرون
متولع بك صار مثل الوداعه
حبك يخج القلب بسهوم وطعون
وعليك وصله بالرجا وانقطاعه
اعطكف عليه بجاه من له يصلون
قلب هواك من المعاليق لاعه
يمشي بشف ارضاك لشفاك مرهون
ويا زين حمر شفاك فيهن متاعه
الحب للعشاق يا عمير مسنون
وحي نوده ما بغيره طماعه
يا عمير به ما طعت ناس يعذلون
ومالي سواه بخلق ربي بضاعه
قصيدة ذكرتني يا زين
يا ناتل قلب الخطا من عراويه
ارحم عزيز في هوا حبكم تاه
يطلب رضاك وكل شيء يخليه
ويتبع هواك ومبعد عن دناياه
انت الذي بالود بيحت خافيه
وفرحوا عليه اقرب دناياه واعداه
ما غيرك احد بالموده يسليه
لا والذي صور جبينك وسواه
اقل عطف منك يا زين يرضيه
فضل ينوشه منك يبعد مناياه
ذكرتني يا زين ما كنت ناسيه
والقلب جض وتاه وأظهر خفاياه
العام من كأس المحبه تسقيه
وارضاك غفران لماضي خطاياه
ذكرت شيء قبل ما ودي اطريه
يوم انت بالقبلات تبهج ضماياه
واليوم ضيعته بوادي من التيه
يصفق براحاته يمينه بيسراه
يوم انت باسرارك وحبك تناجيه
تقبل حسناته وتدمح خطاياه
يا عمير حبه بالضماير مخفيه
لا شك فاح وباح وشلون ابكماه
عيني تخيله وقلبي يباريه
ويا عمير حبي واصل رأس منهاه
ان كان حبل الوصل جذه با ياديه
عز الله اني واحد من ضحاياه
اغضب نظير العين والقلب مدميه
ودمعي على الخدين يا عمير مجراه
قصيدة روحي من اسبابه
العين رفرف جفنها من عناها
والقلب جض وماج والرجل ساجت
والصدر ضاق وعبرته ما قواها
والوجد زاد ودمعت العين هاجت
على الذي زود بكبدي ظماها
اللي له النفس العزيزه تلاجت
ما انساه دايم الريح يذري هواها
حي جروحه بالمعاليق لاجت
روحي من اسبابه تدانت خطاها
ولا لغيره وطية الرجل داجت
عليه عيني نثرت كل ماها
وروحي وروحه بالموده تناجت
ابعد وحالي جور حبه براها
واوجست انا دنياي يا عمير ماجت
تغطلست ما عاد اميز سماها
وكثر الهموم لخافق القلب فاجت
قصيدة اللي سباني بالهوى فارع الطول
البارحه لكن بالعين سملول
والا الحماط مداخله شوك حاذي
اسهور وقلبي بالهواجيس مدهول
ويدق به من جاير الحب هاذي
يدك به حب تعظم لمجمول
اللي قسم مكنون عقلي فلاذي
ان قلت وان ما قلت وان كان أبقول
مالي سوى مضنون عيني ملاذي
افديه بالروح العزيزه وما نول
وعيوني الثنتين هاذي وهاذي
اشفق عليه وخاطري فيه مشغول
شوفه مرام النفس للروح عاذي
الللي سباني بالهوى فارع الطول
حي لنون العين دايم محاذي
ان غاب عني يصبح القلب مذهول
وعنده سبب موتي وعنده نقاذي
ان مت باسبابه فانا عز مقتول
ان رشي من فيض دمعه رذاذي
راع الهوى قلبه من الحب مشلول
يحس من جور الموده مواذي
لو حال من دونه صناديد وفحول
ما نيب عن مجمول الاوصاف جاذي
اجيه ما أسمع قول عاذل لمعذول
ما صن سمعي للعذول المهاذي
قصيدة حار قلبي
حار قلب ما دريت
يوم نادتني هلا
جيت ارده ما قويت
عن حبيبه ما سلا
ضاع قلبي ما اشتكيت
بالمحبه وامتلا
يا حياتي لو نيحت
زاد عندي لك غلا
بعت بالقلب وشريت
بالملاحه والحلا
اعذروني وان بكيت
ذاب جسمي وانحلا
انت بدر واعتليت
ضاح نوره للملا
العجب مت وحييت
منك يا ظبي الفلا
والله اني ما سليت
من عرفتك يا هلا
قصيدة قلب صفق
قلب صفق من بين محني الأضلاع
وعين تهل دموعها من ولعها
بغيت اعذل القلب لا شك ما طاع
ان خايلت عيني خيال تبعها
قلب لها في كل الاحوال مطواع
يمشي مماشيها ويتبع سنعها
ترميه ببحور طويلات ووساع
مجنون ليلى خاضها ما قطعها
ما للقدم والقلب والعين رداع
هامن غباب نوح الأول ذرعها
منهن بليت بجادل توجع أوجاع
بسود تعالى شان رب صنعها
سود نظرهن يودع القلب ينلاع
ومما عمل هاروت سحر نشعها
لوجا نظرهن فوق صم الصفا ماع
ولو طرفهن شاهد لرضوى صدعها
الجادل اللي ذكرها بالملا شاع
ومنها جميع هموم قلبي نزعها
وأن ضرني بالحب ماهوب قطاع
وليا طلبته حاجة ما منعها
ولاني على ما يجرح العرض طماع
ونفسي عن الهسه شرفها ردعها
اللي مشى لك شبرقم وامش له باع
ونفس الرخيص بسومة الرخص بعها
الزين من دونه رواصيد وسباع
لا هايب منها ولا اخشى فزعها
انا بعون الله على الكود بتاع
واطلع جبال ترهق اللي طلعها
ان غاب عني كل عقلي معه ضاع
ودنياي عقبه عفت باقي طمعها
لا شاري فيها ولا نيب بياع
وعجزت تسعني ربعة من ربعها
وان هب لي من يمة الشوق ذعذاع
الروح من بين الضماير شلعها
قصيدة سود الليالي
الله على وقت مضى فات يا حسين
وعزى لمن بيض العذارى كونه
يا حسين وين اللي بشوفه يسلين
اللي جعلته للضماير مضنه
عليه من بعد النيا تذرف العين
والقلب ونات الحشا يوجعنه
سود الليالي تلحق البين بالبين
وما بيضنه بالموده محنه
العام عام الود عام المحبين
لو فيه نيران على القلب جنه
واليوم اهل مضنون عيني بعيدين
وسود الليالي عن دياري حدنه
الله لحد ما فيه حي يعزين
وعلى زمان فات جريت ونه
والحقتها تسعين ونه وتسعين
من عقب ما هي بالحشا مستكنه
ونات من هو طاح بين المثارين
خيل تعدنه وخيل وطنه
فرسان ربع عن مطيحه مقفين
وفرسان ضده شاهرين الاسنه
من فوق قب كنهن الشياهين
في حومة الميدان تشاوحنه
بغا المنير وجوهل الخيل عجلين
والخيل اعاقن نيته واعجلنه
وطبو عليه وسدو الدين بالدين
والخيل فوقه كظمن بالاعنه
