مصلح بن عياد الحارثي هو شاعر من اشهر شعراء السعودية اشتهرت اشعارة بالبلاغة الشديدة فقد حرص على انتقاء مفرداته اللغوية في موضوعاته الشعرية وبالمناسبة وتميز باتقانه لجميع انواع الشعر الحكمة والغزل والرثاء والمدح وغيرهم واليوم نطرح عليكم قصائد الشاعر مصلح بن عياد يالله يا رافع سماك ارتفاعي قصيدة قويه
قصيدة ياروحي اللي
يا روحي اللي عن الهفوات مانعها
لو كان من صوبها يحداني الحادي
هي ودها تمشي بدرب ما ياسعها
وأنا ماودي بدرب فيه نقادي
أجاهد النفس لين تصد وأقنعها
عن زاد ماهو بقدر لي ولازادي
مطاعة الله في دربي تطوعها
اليا هدى الله روحي صحصح فؤادي
يازين صوت المؤذن يوم ينشعها
اللي يكبر بآيات الله وينادي
الله أكبر على الأفاق ماأوسعها
الخير والشر فيها صار متلادي
المؤمن اللي يفكر في موادعها
عنده يقين إن بعد الزرع حصادي
والجاهل اللي يباريها ويذرعها
يرصد لها في خلايا مخه أرصادي
من طاوع النفس قامت به على أربعها
وأومت به وماي لين يحدر الوادي
إليا انحدر حولت به في مصانعها
مصانع الذل والخبية والأنكادي
النفس تبغا لها رجل يصارعها
رجال ماهو قليل دين وربادي
ترى الرياجيل معروفه طبايعها
صدق ونزاهة ودين وزاد وزنادي
غض النظر واقصر الخطوة وسنعها
احفر بها حفرة الميت والإلحادي
رح للعناية وعاين في ودايعها
جسم بلا روح وأرواح بلا أجسادي
تعين الأجهزة واسمع لعالعها
لاتنشد أحد ولا ينشدك نشادي
حتاك تروي خدودك من مدامعها
تشوف ماشاف غيرك يابن الأجوادي
رح للفقارا وعاين في مضاجعها
وأعلم ترى الخافيات أدهى من البادي
العسر خلى الرجال تعض أصابعها
ياما كسر من مقام وكسر أوتادي
مايطعم المرة إلا من تجرعها
انشد مجرب يجيك بعلم الأوكادي
الطيبة في المكان الطيب ازرعها
انفق من المال لاتطغيك الاعدادي
ابعد عن الشر والفتنة ومولعها
النار تمسي شرار وتصبح رمادي
ارفق على النفس واحذر من تراجعها
خلك مجاهد جهاد صدق ومفادي
على الهوى واصل الرحلة وتابعها
ارجع كما كنت ماعنها تلدلادي
أصل المحلات الأربع لاتقاطعها
حتى لو صدفة من غير ميعادي
ميصالك إلها يذكرك بمنافعها
فزعة وجزعة وتذكير وتعبادي
ترى الوداعة بترجع عند مودعها
والصفحة تبين الممتاز والعادي
لابد من يوم ينزعها منازعها
تدور اللي يذكرها التشهادي
مهما تطول العمار اللحد مرجعها
رعيان الأدباش وإلا ملوك وأسيادي
قصيدة بعض السوالف
يا الله يا رافع سماك أرتفاعي
مدك ولا مد اليدين البخيله
أنا ليا ضاقت علي المساعي
أشكي على راع العطايا الجزيله
وأنا ليا جاني من الربع داعي
يا عنك ما روحي عليهم ثقيله
أقلط بجنب الضيف وأقصر ذراعي
وأشره على راع الذراع الطويله
اللي يلوف ابها الصحن ما يراعي
شق الصحن ما يقنعه عن قبيله
عسى تلوفه مطلقات الافاعي
لا صار لا ينقر ولا فيه حيله
وأنا ليا جاء الضيف مديت باعي
رزقي ورزق الضيف ربي وكيله
يقلط على هبات ريح ومتاعي
ومهيلات مابهن جنزبيله
وأدور أغلى ما يسام ويباعي
وأشريه لو أن الدراهم قليله
أنا أدري أن المدح كثره ضياعي
لكن حاديني على المدح ميله
تحسني هرجة رفيق صناعي
وده يشب النار بين القبيله
يقول أنا الشبعان وأنتم جياعي
والهزل ما تصعب عليه الهزيله
بعض السوالف لبسوها شراعي
مقعادها في بيت أهلها جميله
الناس في نعمه وأمان وقناعي
حتى الفقير اللي قليل حصيله
باساير أصحابي واعيش أجتماعي
وأن ضاق منا مجلس ما نجيله
نضرب تهاتيه الدروب الوساعي
والبعد عن من لا يبينا فضيله
من لا يجي سبع كلته السباعي
ومن لا يشيل الحمل لا يرتكي له
الله من قلب يزوع أنزياعي
زوع الركاب أليا عطن المسيله
عصرية يوم الرعايا رياعي
قدامهن من زين الآزوال زيله
في حايز عشبه جديد المراعي
يوم بعد يوم يعله مخيله
يا مل طرف يصبح الصبح واعي
مابه ولا نجم بدى ما يخيله
قامن هواجيسي هجوم ودفاعي
تصافقن القلب وأعمن دليله
الآولات أخذن طواف الوداعي
والتاليات أخذن قلبي وسيله
أليا أرتكز في ثومة القلب شاعي
أبطى علي الصبح ليلي وليله
قلوا زحازيح الرجال الشجاعي
كثروا مصدين القلوب العليه
هدامة المجلس خباث المساعي
كل على جدلاه يومي شليله
وأن قالوا الليله وعد وأجتماعي
تجمعوا والخاتمه مستحيله
هذا لكز هذا وهذاك فاعي
أصواتهم صلبه والأرياء هتيله
أن كان ما للدار والمال راعي
زل السبل ما باقى آلا قصيله
يا دار وين مشيدين الرباعي
وجدي عليهم وجد مجنون ليله
أقفت بهم شهب الليال الجياعي
اعضامهم تحت النثايل هليله
وجدي عليهم وجد طفل رعاعي
الموت ذب أمه وأبوه وخليله
أليا عطوه الخلف عاف الرضاعي
كنه يولع عند خشمه فتيله
وأليا عطوه الزاد جر النواعي
لا أم تروقب له ولا أبو يشيله
صوته تقطع في حشاه أنقطاعي
وآعزي لحاله ويا عزتي له
أشكي على قوم تحل النزاعي
حكامة بين العميل وعميله
آل السعود مسيرين السواعي
من فوق غبات البحور المهيله
نقالة البيرق حصون الدفاعي
سهوم المنايا أهل السيوف الصقيله
أنظارهم منها يولع شعاعي
وسيوفهم منها العوادي ذليله
أعيال حر ما أبتدعها أبتداعي
قيدوم ركب عقبن الثميله
صقر الحجاز ونجد حر شجاعي
مروي سنان السيف منجي دخيله
أشكي عليهم لوعتي وألتياعي
وعين يغازلها السهر وتغزي له
قصيدة قايد الجيش
يالله ياللى تستر الطير بالريش
يللى على فضلك تعيش المواشى
يارب عبدن فى ضميره نواهيش
تلعب بقلبى لعب صف النواشى
انا اليامنى نويت المطاريش
يخف نومى ويتضايق فراشى
كنه يدق صبى عينى مناقيش
النور طافى واحسب النور واشى
وليا طرالى راعى الكبر والطيش
كنه خشيرن لى معى فى معاشى
يانافخن صدرك تكبر على ويش
والله وماقالت ترى اللاش لاشى
الكبر منهاج الخبول الدراويش
مكبرين ظهورهم بالخياشى
يالله لاتجعل طريقى على الهيش
هرع الكلام المستحيل الهتاشى
رجال فى طردن وراء لقمة العيش
وفى غيرها لد النظر وانت ماشى
والثانى اللى مركزن للحشاحيش
تلقى مساييره هجاد وغباشى
عنده مداوير الرذيله مهاييش
عودن على ضوه يحوم الفراشى
قليل دين وعقله اصخف من الريش
وجهه صفاه وبشرته جلد حاشى
عساه فدوه للرعيال المداغيش
الطيبين الصاملين الهشاشى
الصاملين الصادقين الهشاهيش
زبن الدخيل مصدرين العطاشى
الله من قلب تنوشه مناويش
تومي به اومايت غصون الهواشى
لاوالله الا صار فالجو تشويش
يباع فيه الدم الاشقر بلاشى
يابايع الدم الحمر بالغلط ليش
اهدرت دمك بين مرشى وراشى
مدرى ظلام وفرصة للخفافيش
والا سراج ونور والقدر طاشى
السالفه ماهى هجاد ومغابيش
يبغالها مجلس ارجال ونقاشى
اما زعلنا من زعل قايد الجيش
والا قدحنا النار والعود واشى
مظاهرات الغرب حمر الطرابيش
ماهى لنا ياهل السفر والتماشى
هدم البناء عيب وغلط يا شواكيش
ماعاد نبغى منى مطركم رشاشى
قصيدة يارب تغفر
يارب تغفر زلة مالها سناع
عليه اثقل من جبال الامرين
يوم اتذكرها وانا لازم القاع
اقوم وادرج راسي يسار ويمين
تقول لاهبني على الكبد منزاع
وإلا مصوبني على القلب سكين
عزالله إني من عنا الرب مرتاع
والنفس تجهدني على الزين والشين
يالله عساني في مطوعتك مطواع
يارب ساعدني على القلب والعين
المرجلة ياهل المراجل لها انواع
ثلاث واربع يانشاما وثنتين
خوف من الله واحترام وتشفاع
وحفط على رزق اليتاما والمساكين
وبرالثنين اللي خذو عنك الاوجاع
وسهروا على شانك من الليل ثلثين
شجاعة ماهي شجاعة تفيراع
لاولع الشيطان نار الشياطين
راس القريب مالها فيه مشلاع
على العدا ماهي على الربع الادنين
وصينية يلقابها الضيف مرباع
ولاهزعوا جيلانها بام عصبين
وبرية تشرى من السوق وتباع
وسوالف زينة من الخاطر الزين
والصبر والحكمة وزينات الاطباع
وامقابل الديان في حزة الدين
وحاذرور من كثر الغضب والتجزاع
عند المصايب واختلاف القوانين
وليا بدالك صاحبن فيك طماع
خله يسار الدرب وانته رح يمين
واجزع طريقت للرياجيل مجزاع
وخل الدناوه للرجال الدنيين
لاصار شورك ما يسبعك سباع
مالوا عليك مرجحين الموازين
ليا صار مانته لازرق الجم شراع
خله لسباح يجنب عن الطين
والحذفه اللي مالها فيك ميقاع
تعدها ولا تسبر الحذف من وين
واليا اعترض لك حذفة توجع وجاع
رد السلف لمدور الصاع صاعين
رد ن على بعض الرياجيل في ساع
اخير من بكرة وبعدينه وبعدين
من عاد يقضي لك لزومك ليا ضاع
واعجل ليا شفت الرياجيل عجلين
وان زلت الفرصة توقع توقاع
ولا تقضي قرش غدالك بقرشين
لياصار ماهي لايمة فاقصر الباع
واخذ الدليل ليا اقنعوك الذويين
طرد ورا المقفي بعرضك الارواع
وكثر السناوي ما تملي مواعين
للخير تباع وللشر تباع
وحاذور تنعس والرياجيل واعين
والذيب مايرقد هني ليا جاع
غصب على الراعي يحوي على الضين
وصلاة ربي عد ماهب ذعذاع
على رسول الطيبين الموامين
قصيدة يالله يا رافع سماك ارتفاعي
يا الله يا رافع سماك أرتفاعي
مدك ولا مد اليدين البخيله
أنا ليا ضاقت علي المساعي
أشكي على راع العطايا الجزيله
وأنا ليا جاني من الربع داعي
يا عنك ما روحي عليهم ثقيله
أقلط بجنب الضيف وأقصر ذراعي
وأشره على راع الذراع الطويله
اللي يلوف ابها الصحن ما يراعي
شق الصحن ما يقنعه عن قبيله
عسى تلوفه مطلقات الافاعي
لا صار لا ينقر ولا فيه حيله
وأنا ليا جاء الضيف مديت باعي
رزقي ورزق الضيف ربي وكيله
يقلط على هبات ريح ومتاعي
ومهيلات مابهن جنزبيله
وأدور أغلى ما يسام ويباعي
وأشريه لو أن الدارهم قليله
أنا أدري أن المدح كثره ضياعي
لكن حاديني على المدح ميله
تحسني هرجة رفيق صناعي
وده يشب النار بين القبيله
يقول أنا الشبعان وأنتم جياعي
والهزل ما تصعب عليه الهزيله
ياهل السوالف لبسوها شراعي
مقعادها في بيت أهلها جميله
الناس في نعمه وأمان وقناعي
حتى الفقير اللي قليل حصيله
باساير أصحابي واعيش أجتماعي
وأن ضاق منا مجلس ما نجيله
نضرب تهاتيه الدروب الوساعي
والبعد عن من لا يبينا فضيله
من لا يجي سبع كلته السباعي
ومن لا يشيل الحمل لا يرتكي له
الله من قلب يزوع أنزياعي
زوع الركاب أليا عطن المسيله
عصرية يوم الرعايا رياعي
قدامهن من زين الآزوال زيله
في حايز عشبه جديد المراعي
يوم بعد يوم يعله مخيله
يا مل طرف يصبح الصبح واعي
مابه ولا نجم بدى ما يخيله
قامن هواجيسي هجوم ودفاعي
تصافقن القلب وأعمن دليله
الآولات أخذن طواف الوداعي
والتاليات أخذن قلبي وسيله
أليا أرتكز في ثومة القلب شاعي
أبطى علي الصبح ليلي وليله
قلوا زحازيح الرجال الشجاعي
كثروا مصدين القلوب العليه
هدامة المجلس خباث المساعي
كل على جدلاه يومي شليله
وأن قالوا الليله وعد وأجتماعي
تجمعوا والخاتمه مستحيله
هذا لكز هذا وهذاك فاعي
أصواتهم صلبه والأرياء هتيله
أن كان ما للدار والمال راعي
زل السبل ما باقى آلا قصيله
يا دار وين مشيدين الرباعي
وجدي عليهم وجد مجنون ليله
أقفت بهم شهب الليال الجياعي
اعضامهم تحت النثايل هليله
وجدي عليهم وجد طفل رعاعي
الموت ذب أمه وأبوه وخليله
أليا عطوه الخلف عاف الرضاعي
كنه يولع عند خشمه فتيله
وأليا عطوه الزاد جر النواعي
لا أم تروقب له ولا أبو يشيله
صوته تقطع في حشاه أنقطاعي
وآعزي لحاله ويا عزتي له
أشكي على قوم تحل النزاعي
حكامة بين العميل وعميله
آل السعود مسيرين السواعي
من فوق غبات البحور المهيله
نقالة البيرق حصون الدفاعي
سهوم المنايا أهل السيوف الصقيله
أنظارهم منها يولع شعاعي
وسيوفهم منها العوادي ذليله
أعيال حر ما أبتدعها أبتداعي
قيدوم ركب عقبن الثميله
صقر الحجاز ونجد حر شجاعي
مروي سنان السيف منجي دخيله
أشكي عليهم لوعتي وألتياعي
وعين يغازلها السهر وتغزي له
قصيدة دنياك يازين الوصائف تجاريب
يالله يامحي الحياء عالم الغيب
يادامح الزلات تدمح ذنوبي
الف وليفي حط فيه عذاريب
وانا احسبنه مايبين عيوبي
يعطينى الهين واجازيه بالطيب
وارفق عليه ويلحق النار ثوبي
عزالله انى باركن للمواجيب
الله وانا مصلح يسمح دروبي
لاضاق صدري يابدر رحت للجيب
اما اتجهت شمال والا جنوبي
اما لقيت من الجماعه معازيب
والاصرفت اللى معى فى جيوبي
والرزق عند معشى الطير والذيب
رب السماء والارض مذر الهبوبي
من يوم راحت لحيتى كلها شيب
قدام وقت الشيب شابت هذوبي
تمشى على العوج مثل المشاعيب
اصبر بها وانا خطاى محسوبي
اجملي ابدي فى طويل المراقيب
واعاف من بعض المجالس واتوبي
لى حاجتن تبدي مع الشمس وتغيب
ماهى بحاجة ميتين القلوبي
دهم الخشايب ناحلات المقاضيب
مقبسن تشتب ناره شبوبي
اقنص بها صيد الخلا بالاشاعيب
اما شروق الشمس والا غروبي
واليا لقيت مبعدين المطاليب
افرح بهم واخذ عليهم عجوبي
واخذ حسابى مع طوال الاشانيب
واليا غديت ابهم شويه غدوبي
واحب رفق مكثرين التراحيب
ذباحة ام الذيل وام العصوبي
هاذي دروبي كان فيها عذاريب
وان كان ماهى عيب هاذى دروبي
يازين كب مشذبين العراقيب
اللى ليا قفيت عنك هرجوبي
دنياك يازين الوصائف تجاريب
يمشى بها الصداق مثل الكذوبي
حنا عرب وانا مشاعر واساليب
مالك ومال منفخين الذروبي
الكره يبدي فى النواظر مشاهيب
والخاطر الطيب تراه محبوبي
ان كان مني تقبل العذر وتجيب
والا تراء منته علي امغصوبي
