دموع سلمان بن خالد وقصيدة تبكي الحجر

سلمان بن خالد هو شاعر قطري اشتهر ولمع نجمه بعد تقديمه لبرنامج فيض المشاعر على قناة صوت الخليج القطرية ومن هنا بدأت مسيرته الشعريه حيث اطلق العديد من القصائد بعدها التي تحولت الى كلمات غنائية لاحقا لشدة روعتها ولمسها للقلب وفيما يلي نطرح لكم دموع سلمان بن خالد وقصيدة تبكي الحجر

قصيدة  ولا تزعل

ولا تزعل ورب البيت ما أقصد إذا ترضيك ماقصد  تسامحني؟

لو أجمع كل دمعاتي ب باقه  بتاخذ باقتك؟..ما راح تاخذني

حبيبي لو حبيبي كافيه يكفي بعدي هالحزن وياك ساعدني

تعبت من الصور من عطرك المقرف تعبت من الكلام أو لا كاتمني..

شقول اخطيت ما اخطيت لكني إذا فعلا خطا وأخطيت عاتبي

وش اللي يقتل شعوري تبي تسمع هو إنك عارف شعوري وعارفني

أغيب ابلا عذر وأرجعلك الضاحك كأنك مطلق يديني و حابسني

أنا من عالمك فوضاك شوشرتك أنا ياء التملك فيك سامعني.

تأخذ شنطتك و أشيائك و نفسك وأنا؟ راضي تسافر بس .. وادعني .

قصيدة وتمشي

هذيك الاراء لو فكرت فيها هذيك

راي يوريك هالدنيا وراي الحبس

ثقافة الناس معدوده ومنك وفيك

ياوجهي اللي وفي نصف الحديث يعبس

لا يشغلونك هل الكذبه وتمشي عليك

وانا اعرفك ماتحب اللي يقال ب قبس

كتبت ف الشعر ماعجزوا عليه وبيديك

تعجز اللي خذى الشعر الحقيقي لبس

الله اكبر على الدنيا لا صارت تبيك

تدبسك ف الجميع وفي ماكنك دبس

وحبيبي وجهك المخلوق من سيراميك

هو فيه منه قطع اخرى او انه وبس

وحبيبي والله إني حسبي الله عليك

ماكنت احب الدموع إللي كذا تحتبس

مافيه كسر يدوم الا كسور الشريك

تبقى ولا يفيد فيها لا لفاف وجبس

عليك أصوت وأنا مشغول في شاغليك

ولافيه ريق من الأشواق لك مايبس

لا تقول ويني وأنا للحيني ما أجيك

إن كان ودك تجيني مرحبابك وبس

قصيدة لا تخليني 

لا تسأله  لاختنق منك سبب الاختناق

 عارفك طيب  من اي شي تسأله ليه ؟.

 ولا تسأله  لا تواصلتو الى الأتفاق

 هو إنت راضي على ما ابيه وتبيه 

 ولا تسأله  عن سبب صمته والإنغلاق

 ماهو ضروري من الصمت المزيف تجيه 

 مرك وسلم عليك  اشتاق لك ب إشتياق ؟

 حتى ولو ما سأل  مره وسلم عليه

 وإن شفت منه الاذى والكذب ولا وفاق

 عانقه لآخر رمق .. وأترك بعدها يديه

 الجرح ف البعد ما يجرح لكن العناق

 لا صار في وقت قبل البعد هو الكريه

 لذلك اتعب على الفرقى وشكل الفراق

 وأنسى المكان الأخير إللي تفارقت فيه .

قصيدة الصمت

الصمت لوهو يجعل الصامت شتات

الصمت لومانا اتكلم يكلمني

ترى السكات احيان ما والله اسكات

خص ليا صار البني ادم يندمك

واكثر كلام الذات تانيب للذات

قصيدة  خل الحزن عنك

ليه تمشي مشية إللي لو تخير بين 

موته والحياة  

أختار موته وليه تسكت سكتة إللى لو تحير.

أعرفه حتى من المزعج سكوته وليه رحت 

وألف من ليه تتغير ؟ وإنت من 

تشرق حياتي بشق صوته.

يا وجد حال اللي همومه تعاقب يصك باب .. 

و تنفتح له دريشه عنده مثالب.

بس عنده مناقب و لا زال تايه بين عقله 

و طيشه واثق ومتبلد وحاير وثاقب

بينه و بين الموت محبر و ريشه شعور يقتل 

و انت جالس تراقب عمرك يروح و منت قادر تعيشه

قصيدة احبك

رجائي ب كلمتين بحب أو لا حب تمشين الدموع الطاهرة وتمشين

حبيبك لا أنتهى التوديع ماله قلب عشاني  لوحي بيدينك الثنتين

حلوه مشاعرك يالصادق لو تعاني ف لا تبكي عليهم  كلهم ناسين

تحب إللي تحب وتسمع أغاني بعدها ؟ بذمتك تتوصل إليا وين؟

لاتاخذين الأيسر ب صدري خليه مادامه رجع لي بخير

الباقي ب عمري هو ل عمري ماودي أعيشة ل عمر الغير.

وللمرة الأخيرة .. ببتسم للوقت و أحاول آتناسى جرحك ب جرحك

ولكن لا تقول اشتقت لي ما إشتقت أنا كل ما تقول إشتقت لي بضحك

منك الجروح إن جات مارجعها كل جرح أحسه مايبيني أرحل

إلا الأخيرة كلها وأقسم لك .. إن الأخيرة كلبوها تقتل

مومهم أحتاج من وصلك وصل المهم أغيب  وأرجع لك وأغيب

ايه أحبك من أمل او لا أمل أانت عندي شي أكبر من حبيب

يكفيني إتصالك بس مهما صار يكرهني إتصالك.. فالأنانية

فلامني ذكرت إني عليك أغار أبي تأخذ مواضيعي بجدية

هذي اهتماماتي وهذا الجرح عينك علي شتشوف بعيوني؟

بعض الحزن فيني خطيئة صح وبعض الفرح من ناس خلوني

متى صرت أتعودهم مع الروتين هنا صارت بدايات الحزين بأوف

أنا واجد عليهم  واجد بحزنين حزن يعطي فرح والآخر المألوف

مومهم احتاج من وصلك وصل المهم أغيب وارجع لك وأغيب

ايه أحبك من أمل او لا أمل أانت عندي شي أكبر من حبيب

أنا إنطفى قلبي قبل لا يحترق وأنت إتجاهل كل شي بداخلك

فلا تنتظر كلمة بعد ما نفترق أنا بعدما نفترق بشتاق لك

حبايبنا ولو ماتوا ورحلوا أنا المسكين  وإنتوا ما مداكم

نسيتوني وأنا من يوم غبتوا أطالع فالبشر وألمح حداكم

وللمرة الأخيرة .. ببتسم للوقت و أحاول آتناسى جرحك ب جرحك.

ولكن لا تقول اشتقت لي ما إشتقت أنا كل ما تقول إشتقت لي بضحك.

قصيدة لأنك أنت

كثر ماكنت احبك كنت داري ما أبدي راي

ورغم ظلمك حبيبي جيتك من اقصاي

أشوه قلبي المتطمن الشكاك

ظلمته قلت له ماباعني وياك

أحبك كنت

وحتى خنت

وذا ابسط حقوقي والحقوق كثير

عمر أطهر دموعي كان معك قصير

جحيمك رد لك شكرا على المشكور

وسامحني اذا حسيت فيه قصور

كذا تطمنت