حامد زيد شاعر كويتي اتقن الشعر ونظمه في الصغر فقد كانت بداية ظهوره اعلاميا وهو في عمر الثامنة عشر من عمره عندما كان شاعر وعضو في ديوانية شعراء النبط بدرجة شاعر ممتاز مع الشاعر حمد العزب والذي تنبأ له بمستقبل شعري باهر لما وجد فيه من علامات الابداع والتميز الشعري وفيما يلي نقدم لكم شعر حامد زيد عن الفراق
قصيدة قدها وقدود
وينقص بعضنا خوه وينقصنا وفاء وعود
مدام الحسد باقي وبعض الناس نمامه
ولا ترجى بها الدنيا من ربوعك يجيك اسنود
ولا تشره على رجل عيونه خانت أقدامه
وقابل خطوة بخطوة وجازي بالصدود صدود
تناسى غلطة الصاحب عليك بلحظة اخصامه
ولا تخطي ترى لصبر الحليم اليا سلاك حدود
تروى واعرف بضرب الحديد تفكك لحامه
تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه
ولا تزعل على رجل بذل لك ولرضاك جهود
ولا تامن من الحاسد رضاه ورفعة ابهامه
نبي نصبر على الدنيا قلوب بالحياة زهود
مدام إن البخت عيت توفق رمعة سهامه
وأنا ما قلتها راجي ولا أطلب بعدها مردود
ولكن الفتى وده يحقق جملة أحلامه
وبمشي لآخر الدنيا ولو كل الأنام اقعود
وعن وجه الزمن بكشف حقيقه وأرفع الثامه
صحيح إني صغير السن ولكن قدها وقدود
وأنا عندي مع الدنيا مواقف ترفع الهامه
طموحي يملي العالم ولابه للطموح قيود
مدام إن الأمل طبعي عرين وصرت ضرغامه
خلقنا الله من ترابه ولأحضان التراب نعود
تحت رمل الثرى نبقى تغطي جسمنا خامه
سلفنا ما لحقناهم تحت قاع التراب رقود
ولا يبقي من الميت سوى ذكراه وعظامه
ولو طال العمر فاني وترى عمر الفتى محدود
وكل يطلب المولى يبيحه يحسن ختامه
وأنا بلغت بلساني وربي والأنام شهود
وصحف البينة جفت وعنها رفعت أقلامه.
قصيدة جمهرة
مشكلتي إني ماعرفت أحسب لصدتهم حساب
قلطتهم صدري على ذكري قصيد وحنجره
صوت يصول بمنبره وأخطاب مامثله خطاب
والطيبه اللي زعزعت صوت الخطيب ومنبره
مافيه دمع صوبوه أحبابي بوجهي وخاب
ولازرق حزني على غالي ولا مج الحرة
كل الزهاب اللي معي ذكرى من أصحاب الزهاب
واللي بقالي من عذاب أشرس طريقي وأخطره
لأني تجنبت الغرق عديت من فوق السحاب
لأن أكثر أصحابي ورقماشفت للطيب إثمره
والله ماحطيت بين الحقد والخوه حجاب
حتى غدوا ربعي يحدوني على الضيق أشكره
أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره
لابارك الله في رفيق تزعله كلمة عتاب
ولاجمع الله الرجال اللي تفرقهم مره
الصاحب اللي مايجي من صحبته غير العذاب
نذر علي إن ماهجرني وإلا أنا اللي بأهجره
من يفتح لفرقاي باب أفك له عشرين باب
وأذا خويي مايقدر خوتي ما أقدره
عقب إكتئاب البارحه ماعاد أنا حمل إكتئاب
الطيب جرجرني وأنا ماني بناقص جرجره
اللي يخاف من الظما يترك لنا طرد السراب
واللي ماهو بقد الظلام ووحشته لايسهره
أنا تجرعت الظما لين أحترق وجهي وذاب
أنا كسرت بخاطري قبل الصداقه تكسره
أنا أكثر إنسان تعلم من كثر ماأخطأ وصاب
أنا أخر لسان يتكلم في زمان الثرثره
جفني وجرحه السهر حيلي وهدت الصعاب
دمعي هدرضحكي ندر عمري وضيعت أكثره
شيبت بعقول العرب هيبت روس ماتهاب
جمهرت ناس عمرهم ما يعرفون الجمهره
ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره
ترى حلاتك لاحملت لصاحبك كلمة عتاب
أن ما نطقت بها بوجهه ماتذمه بظهره
ودك اليامن جاتك الغلطه من الناس القراب
الصاحب اللي ماكسبت محبته ما تخسره.
قصيدة الشعراء
مابقى إلا سود الأيام تحرمك الرقاد
كيف الأوهام أتجرأ لتسريك مغبون
من متى تجزع من الدمع وتخاف البعاد
من متى تقفي بك ظنون وتجيبك ظنون
صرت تأخذ كذبتي صدق ومزاحي وكاد
لو بقول أني بخونك تحسب أني بخون
ماتعرف أن كل شاعر يهيم بكل واد
وأنهم دايم يقولون مالا يفعلون؟
أبك أنا لاقلت بنساك وأنكرت الوداد
والله إني مانسيتك وولاهم يحزنون
من جزع من صفعة الشمس يطمع بالبراد
ومن فقد وجهاته الخمس يلقى بك ركون
إعتبرها هفوة إنسان أو كبوة جواد
لو بتسمح فأنت غالي ولو تجرح تمون
عد صداتك مروة وطعناتك ضماد
خلهن لاراحن طعون ولا ردن طعون
خنجرك يستاهل الطعن ومتوني شداد
ومنك يازين الخناجر ويا بخت المتون
ردلي حنية المزح بإحساس الجماد
خلنا واحد يجي صلب والثاني حنون
موت فيني وإندفن فيك بثياب الحداد
وإن حييت أموت لرضاك وأحيا بك بهون
مره أرقد بالكفن وأنت ترقد بالمهاد
ومرة أرقد بالمهد وأنت ترقد بالكفون
أدري أن شجونك شجون وإعنادك عناد
والبلا أن عنادك عناد وشجونك شجون
ربك اللي سخرك لي تقود وما تقاد
والله الخالق ولله في خلقه شؤون
أزرع ضلوعي من رضاك وأبشر بالحصاد
لعنبو من جيت ترضيه وترد أمحزون
بس تسوالك بلد قول تسوالك بلاد
أنت كل العالم بكون ولحالك بكون
مابعد محبتك حب ومرادك مراد
غير كونك سيد حشاي تدري من تكون
نعمتين إختصوا الخلق من جود الجواد
كافل الأرزاق من حيث مالا تعلمون
البنون ونعمة المال بعيون العباد
زينة الدنيا بلا شك في كل العيون
مثل زينة دنيتي بس عندي شي زاد
من عرفتك صاروا المال وأنت والبنون
أنتشي بك نشوة التيه لعناق الرشاد
وأفزع إلك فزعة القرم لشهاب الزبون
وأحصنك تحصين الأرزاق عن درب الفساد
وأعشقك عشق المظاليم لفراق السجون
لو تزيد الشوق جمرة تحولني رماد
لو يزيد العشق شعرة بوصل للجنون
خل هقواتك كبيرة ونظراتك بعاد
كأنك أنت بكبرك تهون من اللي ما يهون
أزعلك وأرهن حياتي تحت رحمة زناد
تهبى لا والله إلا أنت والموت تهبون
عاد إذا ما أرضاك هرجي ولا اللي قلت فاد
أننا لله وإنا إليه راجعون
وأنت باكر بتعرف على ناس جداد
والكلام يجيك من كل شكل وكل لون
لاتحسب أن كل كلمة بتسمعها وكاد
ولا تصدق هرج شاعر وتخدعك الظنون
دايم أعرف كل شاعر يهيم بكل واد
وأن هم دايم يقولون ما لا يفعلون
حتى أنا اللي قلت أعشقك وما أطيق البعاد
يمكن أطلع ماعشقتك.
قصيدة امن السبع العجايب
اسمعي والكل منا له هواه وله ميوله
لاتمسين بكلامك شعرة بروس القرايب
ان حكيتي ماوفيتي وان تحديتي عجوله
تحسبين ان كل فعل تفعله يمناك صايب
تحسبين انك خذيتي بالحشاء صولة وجوله
تحسبين اني ذكرتك مع نسانيس الهبايب
والله انك لو ذبحتي خافقي لالقاك حوله
عاشقه تشقىبفلب من طريق العشق هايب
كم رضيت اسكت عليك من القهر وانتي زعوله
خايف اضحك واستفزك واهجرك واعيش ذايب
ادعيت انك خجوله وادري ان منتي خجوله
وادري انك تخجلين الشمس من فوق السحايب
مايحببني بقلبك يالهنوف الا فضوله
وماينسيني غرامك غير تكرار المصايب
عاشقه جيتي ورحتي يالحبيبه يالعذوله
مابنيتي لي طموح ولاتركتيها خرايب
تستبيحين القلوب وتستحقين البطوله
واستحق بعدك تايب واموت تايب
ياكثر ماشال قلبي شيء اكبر من حموله
واعفيتي عن غلاه ولابخلك بالوهايب
كنه ارحم من همال المزن للزهر بذبوله
وانتي اقسى من سموم القيض وكفوف اللهايب
وانتي ادرى في غلاك بداخلي شاللي يزوله
وادخلي دخله على الله واحفظي ذيك السبايب
ماخبرت اللحظه اللي حللت قربك تحوله
ولاهقيت اني بشدد للجفا قلب وركايب
ماهقيت انك تحسبين الزلل وانتي جفوله
وماهقيتك تكرهيني كثر حبك للطلايب
كن قلبي في وصالك وابل لحظة نزوله
وفي فراقك مثل دمعه تنحدر من عين شايب
كنت ابي وقفه حبيبه تنهض القلب بخموله
طافح بالعشق وانتي عايبه والحظ عايب
كنت عصن كل كف غير كفك مايطوله
كنت درب ودمعتين وقلب وجروح عطايب
كنت ابيع العمر كله وارخصه عرضه وطوله
للعيون اللي هدبها ثامن السبع العجايب
بس ابرضيلك غرورك واكسر القلب بذهوله
وقتها ماكنت افكر صايب او كنت خايب
والرجل لو ماعلى بالشهامه والرجوله
صدقيني صعب يقدر يملك قلوب الحبايب
صدقيني مايوالف خافق البنت بسهوله
بالهوى يابنت حواء غير طلاب النشايب
والسهر والعشق الاول والهوى واللي ينوله
شيء اقسى من همومك وألعنه حاظر وغايب
والهموم اللي دعتني من بعد سن الطفوله
كلها من تحت رأس العشق ملعون الصلايب.
قصيدة السفينة
ضاقت وساع القوافي والوعد متن السفينه
للطريق اللي دعاني بعد أمان الله وأمانه
أتناديني وصوني قلبك الله لا يهينه
لا يراهن في رجوعي لاجل ما يخسر رهانه
ليه ما أرحل عن غرامك بعد ماذقت الغبينه
أذكري لي شي واحد يستحق أقعد عشانه
قلب ماحن لوصالي ماني بحاجة حنينه
وأشهد أنه ما يعزر بالرفيع إلا هوانه
الهوى الغدار حد الله ما بيني وبينه
والرجل لاخير فيه إن ماحفظ قدره وصانه
واحد مثلي اليا من حدته عوجا سنينه
ما شكي لأقرب بن اأدم لو هو أغلي من إخوانه
يوم قلبي ماعصاك وماقدرتي تذبحينه
ليه خنتي فيه وأنتي معه من نفس الديانه
كان ذبحي بيدك أرحم لي من اللي تفعلينه
وأن طلبتك تذبحيني ما ذبحتيني لعانه
كل جرح من جروحي تذكرينه تنكرينه
كان مالك في نزيفه يد خانت بالأمانه
ينزف الخافق تواضع لين لطختي جبينه
والا أنا ماكنت أبيها تاصل لحد الإهانه
قلت من باب الميانه صاحبك وتعذبينه
لعنبوك إرخي معاي شوي ماصارت ميانه
طعت عقلك يوم قيل إن العقل للبنت زينه
لكن الشرهه علي إن كنت أحسب إنك تكانه
من بعد ما كنت أنتي في حشاي أغلى سجينه
بوعدك بإطلاق سراحك وإتهمني بالإدانه
وين رايح؟؟ لاي درب ما يرجع للمدينه
ليه رايح؟؟ لأن قلبك ماترك قلبي وشانه
كيف أنسي؟؟ ربي اللي ملهم القلب السكينه
مثل ماعانه بقربك لأنوى فرقاك عانه
كان قاسي يجرح أطراف السكاكين السنينه
ما يطيح وبنت مثلك حبها هزت كيانه
وإلا أنا خابر خفوقي ما يمد إلا الثمينه
وإن بغى يغيظ الثريا قعد القمرا وزانه
مزعل لأجلك هنوف رجت قلوب رزينه
وإن تهادت بالطريق الجرهدي تزهر جنانه
جادل كن الجمال إقبالها كتف يدينه
والقمر لو شاورت له ينزح وتقعد مكانه
كانت أول من تحكم في فروع الياسمينه
وإن تعدتهن ثنتهن خيزرانه خيزرانه
بعتها لأجلك وصارت لأصغر أطرافك رهينه
وألا هي لفتة هدبها تغمرك ثقل و رزانه
والخفوق اللي تغذى من معزة والدينه
مشكلته أنه تعلق في زمن ماهو زمانه
كل مازادت جراحه وأكتشف غلطة ضنينه
صدقيه أن قال ما به شخص يستاهل حنانه
يوم نادي يا فلانه. مارضيتي تسمعينه
لين صوت يا فلانه يا فلانه يا فلانه
كنت أشوفك زعفرانه تقرض الورد وتدينه
يمكن أني ما قطفتك بس أشوفك زعفرانه
كنت أهاب البعد عنك وأطلبك لا تذكرينه
كان خوفي من الفراق وخطوة الفرقا جبانه
ما إقتنعت أن الخيانه للرجل تلوي يمينه
لين ما ربي بعثك وذقت من طعم الخيانه
إسمحي لي مابقى فيني مكان تطعنينه
وأقبلي من جوف قلبي كل عطفه وإمتنانه
والله الله في عذابك بتركك عينك بعينه
دلليه ولا يرده عن شقاك إلا لسانه
وإلا أنا قررت أسافر وأمتطي ظهر السفينه
لأنه ما به شي واحد يستحق أقعد عشانه.
قصيدة الثريا
ليه تطعني وانا ميت بليا
ماكفاك الي حصلي قبل ساعه
كن بين همومي وبينك حميا
جيتكم واحد وجيتوني جماعه
انت منا والمصايب من هنيا
كلكم ضدي ترى ماهي شجاعه
ما ابشع من جروح طعنات القفيا
غير سكين تصيب بهالبشاعه
لاتتوب ولاتذوب ولا تريا
جرحها جرح وفظاعتها فظاعه
ترتوي من فيض دمي والتفيا
وصار قلبي مثل اخوها بالرضاعه
وانت ليل لو ضويته مايضيا
ضعت فيه وشفت نفسي في ضياعه
اتهيا وين ما اشوفه تهيا
وارسي بمرساه وشراعي شراعه
من عرفته والمحيا بالمحيا
ومايروح الا ذراعي في ذراعه
ان رضيت ارضيه وان عييت عيا
وان طلبني قلت له سمع وطاعه
ما عشقت من النجوم إلا الثريا
وماملكت من الكنوز إلا القناعه
وانت وجيوش الموادع والجفيا
كيف اوقف ضدكم وانتم جماعه
لوبجيكم بالشجاعه والحميا
البلا ان الكثره تغلب الشجاعه
قصيدة غرام احباب
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني
تبعته لآخر دروبه .. ألين أن القمر قد غاب
تعب قلبي ولا تعبت مسافات توديني
لقيت الليلة الجردا هدب ظل وسما واعشاب
بعد ذاك الظلام اللي يتوهني عناويني
صدفتك معجبه فيني وياليت..الغرام اعجاب
وتراك انتي الهنوف اللي هقيتك تستحقيني
عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني
أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني
رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني
تعالي واعتقي ذاك الخفوق المولع المرتاب
مهب لاجلي عشان الله يجازيك ويجازيني
تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني
وشيليني على متنك خفوق باري منصاب
ومن فوق الغرام العذب .. شيليني وحطيني
ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني
أنا ما أمشي ورا غيرك ولو أنه يطق الباب
وترى عيب علي أطعن..ولو كثرت سكاكيني
زهود ما يطيق الدم لا داين ولا طلاب
شجاع وعارف نفسي وأظن أنك تعرفيني
غيور ماعرفت أضحك مع الغدر ببرود أعصاب
أبيع عيوني الثنتين قبل أنك تخونيني
إذا شد الغرام .. اترك خفوقي بين ناب وناب
لفرقى تكسر ضلوعي .. ولا عشق يوطيني
أنا رجل ولي غيره .. وإذا شفت الهوى كذاب
تثور بقلبي الفزعه ولا تهدى شياطيني
سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني
عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني
أبي عشق تحسب له كل نظرات العيون حساب
وابي قلب علي قلبي وابى دين على ديني
وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني
وابي درب على العذال صعب ومتعب وغلاب
وابي نفس الطريق الصعب يبعدهم ويدنيني
ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني
أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني
ما دام أني لقيتك في طريق أسمه غرام أحباب
دخيل الله وبعد الله دخيلك .. لا تخليني
ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني
قصيدة مدح الشيخ زايد
الحكم حمله حمل واهواله اهوال
والذود عن مصالح الشعب كايد
ياريت كل شعوبنا قد الآمال
وياليت حكام العرب مثل زايد
الله خلق صرح البطوله للأبطال
وماللريادة عرش من غير رايد
عديت كلمة حق والحق ينقال
لاعودت يم الفعول الفرايد
خلوا سواليف الحزاوي والاطلال
واخذوا من الواقع علوم وكايد
الفعل والله فعل زايد لياقال
ماهو بفعل متبعين الجرايد
اكرم من اللي يطعن البخل بريال
والهب من احساس الحطب بالوقايد
واصدق من الدمعه على خد الاطفال
واثبت من اسوار الحصون السدايد
فعله لحال وفعل خلق الله لحال
قايد ويحسب عن ثمانين قايد
الكامل الله بس هو كامل افعال
سموه زايد لانه انسان زايد
رحمة من الله جت على شكل رجال
عضيد لكن عن جميع العضايد
لو ما القصايد تكتبه فخر واجلال
اجل من اللي تنكتب له قصايد
يا بعد عمر الشعب والجاه والمال
يا ذخر ربعك في الليال الشدايد
يارهبة هزت سراجيف الانذال
ياشوق تلعات الرقاب الرغايد
بنيت جيل وصرت نبراس الاجيال
عدل على سبع الامارات سايد
رغم الكلل علمتنا نيل الامال
ووحدتننا رغم اختلاف العقايد
لك صرح حافل بالمحبه ولا زال
وان بادت صروح الغلا منت بايد
لو بالابوه كلبونا لك عيال
ولو بالمروه كلنا لك سنايد
يا شيخ درعك درع ورجالك رجال
شعب زرع لأرضا زعيمه شهايد
تعلموا من نخوته ضرب الامثال
وصارت لهم تصرفاته عوايد..
ان قلت زايد زايد سلوم وخصال
وان قلت قايد عن ثمانين قايد
ما اقول طيبه لاحضر يعمل اعمال
ومحبته تجمع قلوب وبدايد
اقول لو ا لطيب مخلوق رجال
يحب الارض اللي تحت رجل زايد
قصيدة التمثال
عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبري بغربالك
انا عيب علي انقض كلامي والرجال افعال
واذا قلت اقطع حبالك تراني بقطع حبالك
عشان اكسب هدب عيني تجرعت العذاب اشكال
وليتك تراف بحالي علشان اراف بحالك
مسوي في حياتي شي مايذكر ولا ينقال
حتى العدو واهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لاجلك وانا حملي يهد جبال
رحلت من العذاب وما وقفت الا على جالك
علامك كلما اجيك متواضع جيتني تختال
معاك اليا متى باصبر وصبري معك يحلى لك
مثل ما اقبلت لعيونك لزوم تلدلي باقبال
ومثل ما قد حشمتك حس واحشم قلبي اشوالك
انا محد بجابرني اساير معك هالمنوال
ترى ماني تبيع لك ولاني اصغر عيالك
انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك
انا ما همت بك عاقل انا كنت اعشقك بخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن الي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
ابي قلبك يحس انه فقد بمحبته رجال
ملكته من هدب عين وخسرت ارضاه باهمالك
صحيح ان الفراق اقسى ولكن الوصال محال
وانا صعب على ارضي غرورك واضعف قبالك
بعد ما حققت عيني فبعدك للرقاد امال
اعود للسهر ياخوي فال الله ولا فالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك
ابرسم بالثرى وجهك وابدفن صورتك برمال
ابشكي للعرب فرقاك واضحك عند عذالك
ابهديك الوصال فراق واهديك الفراق وصال
باسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا وابشر بعد بهبال حب ماهو بهبالك
واذا قصدك تهين اسمي عشان تشمت العذال
ترى لا انت ولا غيرك ولا عشره من اشكالك
قصيدة الحلم
بوقت من البطاوبليل تترقص شياطينه
بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه
وانا اللي من تفارقنا وأنا ماغمضت لي عين
غريبةكل حلم يمر برقادي تزورينه
والاغربكيف أحلم الحلموارجع واحلمه بعدين؟
قبل يومينشفتك بالمناموقمت من حينه
ونمت أمسورجع نفس المنام اللي قبل يومين
أنا اللي قبل اسافر شلت قلبي من شرايينه
تركته في يدك الأمانهواحفظيها زين
ترى حفظ الأمانه دينمجبورة تردينه
أجل مافيه أحد قال لكحفظ الأمانة دين؟
مرد المقفي بيلفيويستوفيوتوفينه
بعدليلهثلاثهأربعهعشرهشهرشهرين
إذا انتيماانتي بقد الكلام اللي تقولينه
حراماستامنك حاجةوإذا جيت اطلبك تنسين
تخونينوتبين أرضىواحد يرضى تخونينه
أنا لاجيت أخونكمع حبيبة ثانيهترضين
من أول مارجعت من السفر ماشفت لك بينه؟
وأنا اللي كنت أحسبك قبل ادوس ارض المطارتجين
تكونين أنتي أول شخص عيني تحتضن عينه
وكنت أتخيلك من زود فرحة رجعتيتبكين
وأشوف بدمعتك حكيكوأعرفه قبل تحكينه
واجيب أحلى من اللي بتحكينهوأتركك تحكين
تقولينالوطن نوروأقولبنورمضوينه
تقولي ليغديت أحلىوأقولعيونك الحلوين
كلام نام بشفاهكوخفتي لاتصحينه
ذخرتيه لغرام للي ينامويترك تصحين
تغانمتي غيابيلين رجحتي موازينه
تعلم من يدك لمس الكفوف وعلمك تجفين
وليتك لاقيه به شيفيني ماتلاقينه
مهو بغرورلكن خابرك مالك أمل تلقين
تغافلك بغلاوالإ الحلا مهو بمن زينه
تزينه الصور بس الصحيح ابن الحلالزوين
وأنا ماني بنقاص عنه يوم أنك تبدينه
نصيبيهو نصيبي لو يسددها من الصوبين
قنوع بمظهريوالسم مايذبح ثعابينه
على قول المثلماني حلولكني ماني شين
إذا أهداك الزهر مرهفأنا اهديتك بساتينه
وإذا ألهاك بفرح ليله فانا تهت لبكاك سنين
وإذا استضعفتك أملاكهوشتتك ملايينه
أنا حتى فتات الخبزة أقسمها معك نصين
طموحيبس أجي وأظفر بشي تستحقينه
تدينتهتسلفتهسرقتهمومهم منين؟
كأني من كثر ماارضى بكل اللي تمنينه
لو انك تطلبين الله يعنيني بقول آمين
أنا ماالعب على الحبلينوقت الطيش وسنينه
تبين الحين يوم أني كبرت العب على الحبلين؟
ترى عند البدو بالذاتعيب اللي تسوينه
حلاتك لاعشقتيتعشقيني ليوم الدين
غرام نسكن ضلوعهحشيمه من مجانينه
جفايجمع معزتناولاعشق يذل أثنين
كثار اللي تحدوني وقالوليتحبينه
امانهلاتخليني صغير بعينهم تكفين
لاني كل ماقالواتخوناقولمسكينه
عليك الله وأمانهعلميهم منهو المسكين
أنا خايفلياطاح الجمل تكثر سكاكينه
وأنا ماعاد بضلوعي مكان لطعنة السكين
مثل ماقالواالمكتوب واضح من عناوينه
لو ارحل منك للغربهبسافر من ظلامك وين؟
كفايهكل حلم يمر برقادي تزورينه
كفايةمن تفارقناوأنا ماغمضت لي عين
قبل يومين شفتك بالمنام وقمت من حينه
ونمت أمسورجع نفس المنام اللي قبل يومين
