نقدم لكم اليوم مجموعة من القصائد عن الخوي الكفو السند الوفي فقد كتب العديد من الشعراء عن الخوي الكفو وقامو بمدحه في اشعارهم وهذا ما نتناوله معكم اليوم وهو شعر عن الخوي الكفو الوفي
قصيدة مدح الخوي الكفو قصيرة
والله ماني على مدح الرياجيل بخيل
خاصة لا جيت أمدح في زحول الرجال
المشكلة مدحهم حمل لا شلته ثقيل
من ثقلها ما يقدر عليها كبار الجمال
حتى لو تحاملت على حملها لا بد يميل
مال الجمل حيله على حمل الأثقال
أجل وش حيلة قلم بالقصايد يخيل
في معانيها صدق من مزون الخيال
قصيدة ما هي غزل فالطرف الكحيل
ولا هي عتاب وشكوة حال دون حال
قصيدة مدح في ذاك الشهم الأصيل
شعر عن الخوي الوفي
انا عزاك وعزوتك لا جرالك
من تاعس الدنيا هواجيس واهوال
ماني من اللي لاغتنى ما وفالك
لو لك عليه من الجمايل والأفضال
وماني صديقك كان وقتك صفالك
أنا صديقك لأدبرت فيك الاحوال
خذني عصى موسى إذا كنت هالك
لمسحلك بحور القهر قول وافعال
فالك عسى الله يسعد اليوم فالك
فالك عقب صوم الدهر عيد شوال
وبالك يجي في خاطرك يوم بالك
انك تغيب ولاتجيلي عل بال
لا لا تفكر انت في مثل ذلك
إني اتخلى عنك لو الزمن طال
ما اقول انا ياعم مالي ومالك
ماترخص العشره ولا تغني اموال
اسمع جوابي قبل ما اسمع سؤالك
خارج حدود التغطيه وارسل ارسال
على محيط السالفه حط دالك
أجيك رجلي كان ما جيت خيال
انا لياشح الزمن في وصالك
تمدني النخوه على وصلك حبال
انا عمى عين العدو لا نوالك
انول روحه قبل ما روحك تنال
بينك وبين الشمس شجرة ضلالك
ماللشجر قيمه إذا ماله ضلال
والليل لو الليل مظلم وحالك
ترسمني الظلمى على صدره هلال
ماني ولد عمك ولا اغلى عيالك
خطوى الخوي يسوى بني عم وعيال
قصيدة مدح الخوي قويه
نزعل ونتكبر وحنا من الطين .
والكل منا صد لا أقبل خويه
نفخر نقول إنا على الصد قاوين
وهي علينا في الحقيقة قويه
نشفق على الطيبة و كسب الكريمين
وهذي بنا لاشك فعلةرديه
ننسى نهايتنا وعلى وين ماشين
وننسى الزمان اللي جمعنا سويه
المشكلة ماهي ب حاجة ل تخمين
ولاهي بعد ياناس صعبة القضيه
دق الرقم كيفك هلا فيك وأهلين
أنا الخوي اللي مزعل خويه
قله تغيب وصورتك داخل العين
ويبقى ل حبك في خفوقي بقيه
أخوان حنا لو يجي بيننا شين
و مانفترق دام المحبة نديه
خلك قوي لاتحتكرك الشياطين
قبل الفوات وقبل وقت المنيه
كلم خويك ب اطيب الهرج واللين
وأعرف جميل الهرج يمسح رديه
هذي هي الدنيا من الحين ل الحين
لابد بين الناس تحصل خطيه
ومن لايقدر غلطة أحبابه الحين
يقرأ حروفي ويعتبرها هديه
باكر تمر سنين وسنين ... وسنين
والكل يرحل في الدروب المديه
صدقني تندم وأذكر حروفنا زين
تندم على خلك إذا غاب ضيه
دنيا غريبة وأكثر الناس ماشين
وكم صاحب والله دفنته ب يديه
قصيدة عن الخوي الكفو تويتر
طبع الصديق الكفو يعذر صديقه
ولا شاف زلة صاحبه يرتفع فوق
وان عادها يبحث عن أسلم طريقة
ويخبره باللي صار بإحساس وبذوق
والثالثة الله يسمح طريقه
مااحد بمجبورعلى خوةالبوق
فبعض العرب صحبته هم وضيقة
لا فعل يجمل ولا زين منطوق
لما اعتزيت بخوته نشف ريقه
وابشر بضحكة ناب وبهرج منموق
يحلف لك انك مثل خوه وشقيقه
وقلبه بنار الحقد والغل محروق
أدري المعاني كلبوها عتيقة
وشعر الصداقة فيه ألفين طاروق
لكن مشاعر والمشاعر رقيقة
ولا اخفيتها ردت لي الطاق مطبوق
وزادت على قلبي جروح عميقة
ولما دفنت الجرح يطلع له عروق
وأعمى البصيرة ما يشوف الحقيقة
لا صار قلبه عن سنا الحق مصفوق
تلقاه يسأل عن عصاه وبريقه
وهي في يده والقلب جا للبصر عوق
يطرد سراب يخدعه في بريقه
ويقعد يغني كل مطرود ملحوق
وبعد التروي قلت با اكتب وثيقة
تضبط علاقاتي مع كل مخلوق
وما عاد أصاحب بالطبع والسليقة
أصبح علي حقوق وأصبح لي حقوق
باختار لي كفو يمينه طليقة
وقلبه لسري ولخفاياي صندوق
نفسه لهامات المعالي عشيقة
ولا شاف مني زلة يرتفع فوق
صح البشر من آدم أبو الخليقة
لكن لكل إنسان ميزات وفروق
وصلاة ربي كل وقت ودقيقة
على النبي وعداد ما لاحت بروق
عبارات عن الخوي الكفو
اخوك لا تخسره لو انه عنيد
يخطي مية مرة وتسمح له خطاه
وان كان شد الحبل حاول ما تزيد
ارخيه قبل الشد يوصل منتهاه
ولا تنصحه وقت الزعل ما يستفيد
واعرض عليه النصح في ساعة رضاه
وليا طلب رايك عطه راي سديد
وان ماطلبك الراي لا تبحث خفاه
واعرف ترى قرب المنازل ما يفيد
واحيان يبدي شي ما ودك تراه
بس لا تقرب ولا تنزل بعيد
خلك على قول المثل حذفة عصاه
واحفظ حبال الود حفظك للوريد
اللي معلق فيه موتك والحياه
ترى الاخو مهما حصل يبقى عضيد
وترى عيال العم ما عنهم غناه
الناس دايم ما تهاب اللي وحيد
اللي ليا منه وقف محدا معآه.
قصيدة عن الخوي قصيرة
حلفت باللي غيب الشمس مناك ..
والصبح بأمر تظهر الشمس منا . .
إن أسعد الأيام شوفك ولقياك . .
وإن أقشر الأيام لاغبت عنا . .
ودك تلاقيني وودي بلقياك . .
لكن ظروف الوقت ما ساعدنا . .
سلام يا حر على بيض الاوكار ....
حر مواقيعه بروس الجبالي
حر ليا وقع وحر ليا طار ....
وحر يهابونه قروم الرجالي
حلياه تذهل كل عاشق وصقار ....
عند العرب يضرب بطيبه مثالي
سر يا قلم و أكتب من المدح ما طاب
في الي جزيل المدح يستاهلونه
ناس مزايين و الرجا فيهم ما خاب
الروح و القلب فدى لهم لو يطلبونه
و أكتب لهم شيك محبه مفتوح الحساب
يسحبون من رصيد الغلى و أبد ما ينقصونه
الوفاء في غير قلبك مالقيت.
وإن مدحتك بالقصايد ماوفيت.
أعتذرإن كان في يوم قسيت
.والعذر إن كان صديت أو جفيت.
فأنت السيف لامني اعتزيت
.وإنت أغلى شخص في عمري لقيت.
شعر بدوي عن الخوي
نفوسنا على اخويانا صبوره
نموت والشكه ماتلحق مدانا
لو شانت اموره نزين اموره
قدام ينصانا يعين حدانا
وان ماوقفناله بوقت الظروره
نحلق شواربنا وننتف لحانا.
الصاحب اللي يرفع الراس نشريه
نوفي له الميزان ونكرم جنابه
ونزيد في حقه وناخذ ونعطيه
ولانسمع النمام مهما حكى به
نبقى على طول الزمن في حراويه
ونفز لامنا سمعنا جوابه
يالله عسى الطيب على هقوتي فيه
لاجا نهارا فيه قامت حرابه
ويالله حي اللي ليا احتجت ندعيه
أنا أشهد أنه فالمواقف يجابه
نفرح ليامنا مشينا نخاويه
الجود طبعه والمراجل زهابه
وليا نخيته فز ماقال لك ليه
ياسعد منهو فالمواقف غزابه
حي القبيله وحي منهو مربيه
الاصل واحد والذيابه تشابه.
من عطاني قدري أعطيه إحترامي
ومن تجاهلني تجاهلته وطفته
من يدور قربي أعطيه إهتمامي
ومن يقفي عني أهملته وعفته
والمكان اللي ينزل من مقامي
تنكسر رجلي ليا جيته وحفته
والرفيق اللي بظهري ما يحامي
والله إن إسمه من الخوه حذفته
والحسود اللي لبس ثوب التسامي
علموه إني عرفته واكتشفته
والقريب اللي حسبت إنه حزامي
بان بالوجه الغريب وما عرفته
والطموح اللي كسر عزم العصامي
من فضل ربي بكفيني عسفته
عايش بدنياي والعليا مرامي
ولا جرفني سيل هقواتي جرفته
للكفو تقديري وكل إحترامي
والردي لا مر في دربي نسفته.
قصيدة جزله في الخوي
انا خويك من صدوف المقابيل
لا عازك من صدوف وقتك عوايز
لو للجمايل سبق بين الرياجيل
المركز الأول لنا والجوايز
العز لو دونه مثل غبة السيل
نروح صوبه لو نعود جنايز.
نسوق لجل الخوي بالروح ونخاطر
والغلطه ان جات من غالي نعديها
الكلمه اللي تحس وتجرح الخاطر
على رفيقك تجنب لا تبديها.
والله أن القاف لو أني طرقته
في مدح مثلك يتعب الاسم
الخوي اللي اذا احترت وزهمته
كل شي يسهله لو كان يصعب.
