جبار رشيد في بغداد سنة 1973م وهو شاعر عراقي بل من اشهر شعراء العراق فقد تربي وترعرعر في عائلة عاشقه للشعر والادب فاخوه هو الشاعر سعد رشيد واشاد بشعره كبار الشعراء مثل عريان السيد خلف وفيما يلي نطرح عليكم قصائد جبار رشيد مكتوبة
قصيدة ضل وياي
گلي شراح اگلك وانته راح اتروح
وليش اتلح عليه وتنتظر ردي
هذا السان حالي دموعي تحچي وياك
وراح اسكت واحچي ادموعي البخدي
وسولف بالدمع وتوسلك عبرات
اود اشبع بشوفك واحتفل ودي
ضل وياي اريدك والبقن چم يوم
وهالچم يوم صارن حدك وحدي
خليني ارد اشوفك گمت احسك طيف
وياعين التكض الطيف اليعدي
صرفنه اسنين حبنه وخلصن تبذير
وعلى يوم النشوفك باچر انجدي
اخذني وياك اريدك ماأريد الغير
وكون ابسدك اگعد واگعد ابسدي
لتخليني وحدي منين اعرف الناس
لااگدر اعاشر لا خلگ عندي
احب اشلون غيرك من اود اشلون
وانه وياك كلش خلصت ودي
ابگد حبك النفسك چنت اناني وياك
ومنو ابگدك يحبك محد ابگدي
يل بيه ويه روحي الطلعه طلعت موت
شيردكم علي لو صيحت ردي
اخذني وياك مني اشعندي باقي وياي
وكلي وياك اخذني وكلشي لتودي
شيصيرن بعد خل اليصير ايصير
خل كلشي الأليه وينگلب ضدي
خل اسنيني تغرگ خله عمري يفيض
خل اگبال عيني وينهدم سدي
خايف صح چنت بس چنت اخاف عليك
والمن بعدك انته وخايف اشعندي.....
قصيدة بيني وبين نفسي
بيني وبين نفسي شكد افكر بيك
واكول اشمعنى انت.. الشاغل اضنوني
مو اول عشك حتى نشل الحال
ولا اول جمال اتشوفك.. عيوني
شجاها الروح يمك ذبت الاسرار
وليش ارجف عليك ..وينخطف لوني
وحتى الناس كامت تعرف بهالحال
وما اعرف.. شكلهم من يسألوني
يطبون بصفنتي وعنك ايدورون
ويلگوني افكر بيك يلگوني
وصاحت كلها صاحت انت بگت افلان
ومو عندي لگوك.. وبيك تهموني
تهموني بمحبتك والله لو يدرون
على ضيم العلي.. ايضل يواسوني
ما يدرون عايفني بمهب الريح
وانه وياك.. عفت الما يعوفوني
يحبوني اشكثر والجيتي ايتانون
واخجل من كثر ما كام يتنوني
عفت الي شروني ومن ارد اشلون
هم اسوة بعد... والنوب يشروني
من سمعو اهلنة العشك دگ الباب
ما خلوك اهلك ...واهلي خلوني
ما خلوك اهلك حگهم يخافون
بس اهلي المحبتك ..شلع باعوني
قصيدة تنساني
تنساني كون الروح لوآني أنساك.خنجر يكص بحشاي
صدكني فركاك أحبك أحبك
جرحتونی بحلو کلام نسیتونی حتی سلام
ودی اهدیلکم عیونی اخاف موکدالمقام
حلفت ما أنسه عشرتكم ولاأنكر محبتكم
ولوعندي كلب ثاني وديته مسج إلكم
حن قلبي الك هليوم ماأكدراعوفك
لوانته ملك الموت هم ودي اشوفك
دمرني حبك ياغزال اعرف حبك صعب
المنال يروحلك فدوه نص الجنوب واهل الشمال
رمش ولك تقدير عن اليرمشون
اتريله ألك بوسات دزتهه العيونرد
سألت اعظم طبيب عيون عن عيوني
شنوفيهاقال وحشة الاحباب مااكدراداويها
سحرني جمالك وحلو الكلام سحرني طولك
وسواد عيون والحنان سحرني كلشي بيك
وخلاني سهران افكر بيك طول ليلي ماانام
صافن وافكربيك وبكلبي دارك..كون الزمن دوار
ويحطني جارك..
قصيدة اسمعيني
ارد اكتب قصيدة وكون تسمعها
وشوف اشگد عشگ شايل بمطلعها
القصيدة بس الك.. واخفيها عن الناس
بس يمك اجي.. ويمك اطلعها
اسولف بيها كلشي وما اضم اعليك
وعلى اجفوف القوافي اسراري اوزعها
گلبي اسرار بيه محجبة امن اسنين
لاذب احجابها بحضنك وافرعها
القريحة تحركت بي واجاني الهام
وما اعرف الفكرة منين منبعها
ارصعك بالغزل كل ضني هذا الچان
القصيدة انوب رادت بيك راصعها
منجم شاعرية وكلها طمعت بيك
وشكو كلمة غزل حسنك مصنعها
مو صدفة العرب كتبت سبع لواحات
وردت بلثلاثة انوب تتبعها
السبعه العلگوهن عالجدار هناك
ملهمهن چنت جنت انت مرجعها
وانه اليوم اجيت وحاير ابدي منين
روحي ال.هوس حبك گلبي يدفعها
دفنت نوحها روحي وتعنت ليك
يبو چفوف الحرير ارحم بمدمعها
جوعانه اشكر للعشگ صار هواي
بلذة شوگ روحك روحي اشبعها
گطرة مطر طاحت روحي وانت الگاع
ترجع للغيوم اشلون تقنعها
يالفكيت بابك لا تسد الباب
وعلي لو مو قفل رزاتك اشلعها
ماخسران كلشي اتصير لو متصير
روحي بنار حبك عيشة مصرعها
يالطبعك نحل لو عسل لو لدغات
ياهي التصح منك ما نرجعها
روحي معلعلة وما صدگت تلكاك
صدگ حتى اذيتك يعني تنفعها
نور النور نورك شاشعل الملگاك
روحي اتحيرة يا حجة تصنعها
اعلگلك شمع عشرة اشتضن تفيد
اخلي اضلوعي مشعولة اوية اصابعها
ومثل شعرة اصبحت واثنينة مجانين
ما تگطعها بيد انه اگطعها
لاتطلب طلب بس گلي اتمنيت
ولك.. انه. بخدمتك عيني اشلعها
وما ازعلك ابد ولو بالشقة اتشاقيت
مثل بايد الخيط الدنية اگطعها
وقبل لتمر عليه بشهر كون تكول
حتى الگاع مدري الگاع شزرعها
قصيدة كون اتشوف
عفت كلشي ...وجبت كلشي
ومدري شلون اجيت امشي ..
أجيتك ردت اگلك شوف ...
ردنه نعوف كلشي وماگدرنه نعوف
كون اتشوف حالي اشگد الك ملهوف ؟..
جبت كلشي اليسولف بيك
خيالي وصحوتي وطيوف
جبت دگات گلبي الگطعن گلبي بجفاك اسيوف
جبت صفنات روحي
السودنت روحي .....
مثل جن ابمسيه وعاليتيمه ايحوف
كون اتشوف ...........
بشفافي الحزن ماخله بسمه تعيش
وكلمن كمت ابوسه بخده اطبع اوف
كون اتشوف ..........
دموع الجدم مايدري وين يروح
والخطوات عميه
وتايهه ابلاشوف
كون اتشوف ....
..خلصت الوجوه وشفت كل الناس
كلهه وجوه غربه ولا وجه معروف
وين الگاك..
يالموصوف اليه و آنه الك موصوف ؟...
يلفرگاك غربه وكلشي مامألوف ...
انه بلياك مدري شبيه مابيه ..
زلف وبلايه ترچيه ...
درب مابيه كل جيه...
نهر فاض وتبع ميه
رجع بس مالگاله اجروف
كون اتشوف
روحي شخله بيها الخوف
مطلوبة نذر وتخاف ...
ماتوصل حضرتك
من بعيد اتطوف
كون اتشوف
روحي شخله بيهه الخوف
مثل دمع العروس الجايه اعله اجناب
وايصبر عليهه
وجابهه الزافوف
وشوف اشخله بي الخوف
مثل حلة مدارس
روحي احسهه اطفال
حلت وتركتني ...
وباقي بس صفوف
ويا وحشة صفوفي ومن يجيني الليل
ويالون الوجه
بعدك الضل مخطوف
ويا قسوة ضنوني الماتريد ارتاح
وانه الصاير اسير
وبيدهن مجتوف
كون الگاك واشكيلك
على جروحي الگيت
الغشمه بيهه تروف
وكون الگاك وابجيلك واسوي خدودي سبوره
ودمعتي حروف
وكون الگاك واحجيلك
بكتاب السنين انحذف كلشي الچان
بس اسمك لگيته الباقي مامحذوف
واذكرك من مسحت دموعي
باخر يوم
على خدودي
أحس لهسه طبع اجفوف
وكون اتشوف
اعيوني مضيف تصير وكت النوم
وهلبت بالحلم لنك
تجينه ضيوف
كون ا تشوف حالي
شكد الك ملهوف
قصيدة لمحتك
لمحتلك الف مرة
وانت تعرف غايتي وما طاوعتني
وسولفتلك سالفة عاشگ خجول
وانت تعرف هو ياهو وما عرفته وخجلتني
وسولفتلي على الحرب والموت والدم والضحايا
وكلمة المحتاجها ما سولفتلي
وكلشي گتلي
وكلمة الميت علية عاندت روحك عليها وعاندتني
وبينن كلهن عليك
وانتفض وجهك بوجهي وصيحتني
وضيعتني...
وهسه من طاحن سنيني تذكرتني
ليش من گلبك رجف ما صارحتني؟
وشبيك من عينك خذتني
تذكرت موقف بچيت وطيحتني
ومن اجيتك حته بحچاية چذب ما جاملتني
وانه جيتك غاسل چفوفي بورد من سلميت
وانت غاسل چفك بماي الغرور وصافحتني
وكلشي ما بين عليك
وانه حتى هدومي تهواك وأحسن فاضحتني
يشكن ايامك خسارات وضياع
وانه چي حبيتك سنيني أحسن رابحتني
چان من ضلعي خشبها بلام عمرك
وعبرت حتى اليكرهك بيهن وما عبرتني
وصاح گلبك من سمع طاري الجرح وچفوفي ركضن صبرنه
وانت ياصانع جروحي اللا عفتني ابجي ولا ما صبرتني
ومرة غازلتك چذب واتورطيت
والف مرة اتعذرت وما سامحتني
وتزعل وتاخذ عيوني وما اگلك
شو خذت كلشي لچن ما صالحتني
وصالحيتك وصاحبيتك
وانت انت
صاحبت شعري وابد ما صاحبتني
قصيدة لا تخجل
سولف گول الك واهس تضلوياي
واذا ما الك واهس گول لا تخجل
ما اقبل احبك وانت مامرتاح
وما ارتاح احبك وانت ما تقبل
اذا متشدني بيك وبيه اشدك حيل
انحل بالسهل من عندك وتنحل
بكيفك من اجيت وما جبرتك يوم
وما اجبرك بكيفك لو ردت ترحل
فكر باليهمك والمهم شتريد
انه كل اليهمني المهم لا تزعل
ما مليت منك اگدر ابقه وياك
بس المشكله خاف انه راح انمل
ميهمني الدرب صار امشي بيهاسنين
ما اندل چنت بس هسه گمت اندل
وما اگولن خساره الراح مني وياك
وي كلمن تحبه الروح ما تبخل
روحي الحبتك تتحمل بلياك
وما ينقص صبره بغيبتك يكمل
مجنونه نعم بس تدري روحياشلون
تنجن بالعشگ وبلا عشگ تعقل
حبيتك صدگ والوكت چذبه هواي
وبمعركته الدغش انه انزلت اعزل
وتعرفني ولو عندك شكوك هواي
وادري لك شكوكك چان عندك حل
من شفتك سنابل روحي اجتترويك
ماي ولا تضن اتصيلك منجل
قصيدة لا تخلينة بمحبتك ننجبر
الدنيا مو دنية عشك يبن الحلال
لا تخلينه بمحبتك ننجبر
أنت أبن العافيه وأبن الدلال
وأحنه ولد الموت ربانه الفقر
وبينه وبينك فرق كلش جبير
ومانكول أسباب كل هذاالفرق
مانكمل السالفه لحد الأخير
من الأساس وياك مسدوده الطرق
ويانه ما ترهم ومانرهم محال
وياك مانكدر ندوم و نستمر
و ياهو كلك بالسهل درب الوصال
وأنت تدري دروبنه مورثه جمر
منين أجيت وبالعشك عندك يقين
منين أجيت و ياهو سوالك درب
أنطيني مهله خل أشوفن وضعي زين
وخل أشوف أنوب هم أكدر أحب
قلبي تيهته وشرد ما أدري وين
وأنا صار سنين ماعندي قلب
وخالي قلبك وأنت بعيونك جمال
كل جمال الكون يمك يعتذر
نبع شفتك يعني كلماتك زلال
والعطش بالروح تارك جم فطر
الدنيا مودنية عشك يبن الحلال
لا تخلينه بمحبتك ننجبر
منين أجيبنلك خلك يرهم عليك
وأنت آية من الحسن وأحلا الدلع
وأنا يافرحه الأحطها بين أديك
وأنا بجفوفي عمر شلت الوجع
وحتى ما عندي إبتسامة من أرد أجيك
ليش تشلع قلبك بقلب انشلع
وليش تطلع خاسر مشلول حال
وتترك الضحكه وعليمن تنقهر
راجع أفكارك بعد عندك مجال
ليش بيه تريد قلبك ينكسر
الدنيا مو دنية عشك يبن الحلال
ولا تخلينه بمحبتك ننجبر
أدري بيك تحبني ماداعي الكلام
وأدري بدموعك صدك تبجيلي
من تجيني لا تكلمني بغرام
وعفيه عوف الشوك لا تحجيلي
أنا ليلي بلايه واهس ما أنام
شلون لوصرت أنت واهس ليلي
وشلون لو حبيت شكلك والخصال
وشلون لو باجر تروح تعتذر . .
هم ترد لمن أكللك تعال
وتنتظر لمن أكلك أنتظر
الدنيا مودنية عشك يبن الحلال
لا تخلينه بمحبتك ننجبر
أحنه ما عدنه الحب يعني الحب عذاب
ولازم من انحب نذب بالحب فلك
لازم نحب باب بيتك والتراب
و نحب كلشي العايد وراجع ألك
و نحب ناسك كلها شيب وي الشباب
ولازم نحب كل عمامك وي هلك
لازم نحبك نحب الخال خال
وكل هذن شويه لتكول شكثر
أحنه ماعدنه العشك صفنه وخيال
أحنه من انحب نطك و ننفجر
نخاف من حبك لأن حبك جديد
ذهب جنه و ياهو ليشوف أنعجب
والمشاعر فقره معضدها حديد
وأنت يم الفقره لتطلع الذهب
وياك ما نصقل بعد لامانعيد
عوفنه ولتكول بنيولي السبب
أحنه ماعدنه جواب لأي سؤال
لأن من شفناك تيهنه الفكره
هم شفت فد يوم كالوا للدلال
شلون متحمل حضن نار الحطب
الدنيا مودنية عشك يبن الحلال
لاتخلينه بمحبتك ننجبر
فصيدة نذرنالك
ايام البعد جبناهه صفنات
بين آمالنه
وحيرت امرنه
تجي لوما تجي گضينا الأيام
وصرنه وياهو يدري
شلون صرنه
صبرنه متاع صار وبعدك بعيد
وتجوع ايامنا
وتآكل صبرنه ..
شبعد يالماتمر مو كافي الغياب
وصار اهواي ننتظرك تمرنه
ونذرنالك تجي وندعيلك اتعود
وعمت سچين
وشيب نذرنه
وعلى غيرك چذب ماترهم الروح
ومن غيرك يسد حاجة نظرنه
يابن الناس غيرك
ماكو موضوع
وهلبت بالچذب شخصك ذكرنه
نسولف بيك
لآخر لحظه بالليل
وترد من الصبح تشغل فكرنه
ماعنت عليك
بساعة غروب
روحك واشتهت تسمع خبرنه
ياروح الگلب
ياعزة الروح
يادمعاتنه وهمنه وسهرنه
يااول عهد
ياتالي الأيام
يلعب اصبانه ياشيبة كبرنه
اشگد گبلك مشو
ما سلو الروح
ولابغيابهم كسرو ظهرنه
البعد نيران كبره
ايبخر الدموع
وبس ايزود يتبخر بصرنه
منين انجيب مثلك
حتى ننساك
ومنو المثلك يعوضك لوخسرنه
الشبه كل اربعين .
احچايه تنگا
واذا واحد يصح جان انتظرنه
تعال الجرح..
جن ومارضه يهيد
وحچينه وياه ماينفع عذرنه
يشگ روحه اعله
طوله وينكت جروح
وگضينه اخيوطنه وملت ابرنه
شوكت يندگ علينه
ويضحك الباب
ويترس بيتنه وصوتك يسرنه
وترد انته ويجن
الراحن وياك
وتجيبه وياك يالماخذ عمرنه
