القصيدة الحسينية هي انواع القصائد الذي يمزج ما بين الرثاء والمدح العقيدي وهو قصيدة ممتدة ولها تاريخها الخاص وهناك العديد من الشعراء الذين اتقنو فن كتابة القصائد الحسينية وفيما يلي نطرح لكم مجموعة من قصائد حسينية مكتوبة مسلم الوائلي
قصيدة غير انتة الحنين
عباس يبني .. وياك اخذني
خيمة وفي لبت علي واطيها متني
غير انتة الحنين .. وانا ام البنين
ياعباس .. يا عباس
احقق اريد هالامنية هاي
ورة اختك اصير وخواتك وراي
الم روحي جود واصير الها ماي
حر وعطش وشلون اذا فزت رقية
عاد انة اذا يمهة تجي تنام اعلة ادية
زينب عليكم لو بجت بالغاضرية
يبنيتي اكلها تدللي وحگج علية
دمع الگلب فاض .. خافنه يغتاض
روحي تريد لكربلة عاجبها الاركاض
كلبي ايضل حزين .. وانا ام البنين
يا عباس .. ياعباس
ردت من تطيح واصد عيني ليك
اجيك واكول انعم الله عليك
وارد للحسين واشبكه باديك
لو كتلي يلة توكلي وكومي امشي وياي
منا لحد ما تنذبح ما اشرب الماي
روح انتة طيح وزينبك هاي الهة وي هاي
ماتطلع عليها شمس وانة امك فياي
ما اريد احلفك .. تاخذني اعرفك
امك وفرحلك ردت من تنطي جفك
بس كلي تجين .. وانا ام البنين
يا عباس .. يا عباس
اذا طاح اخوك واجوا ع الزغار
اغطي الخيام واضم كلشي حار
واكل للحسين اطمئن ماكو نار
ليلية اصيح بكربلة وافتر ع الخيام
كلكم تعالوا لخيمتي وخل زينب تنام
باجر ركض والركضة بيها مجلبة الايتام
وادري الجمر ماينطفي من تسحكة الاجدام
ازغار بحضنها .. مورم متنها
والام تنذل بالسبي لو مات ابنها
المائلها معين .. انا ام البنين
يا عباس .. يا عباس
مثل ظهر اخوك عليك انحنيت
واريدن اموت واكول انسبيت
واضل عدلة عيب اذا ما مشيت
وشلون الاكي اختك بعد لو دكت الباب
لا محترك طرف بعباءه ولا اكو تراب
لا وجهي بي دمي وترب لا هزلة الثياب
لا طايحة من الناگة لا ضلعي التوه وعاب
خل امك تروح .. ونشوف الجروح
عاشت ماتت مو مهم هو انتة مذبوح
يا اخر ونين .. وانة ام البنين
اشوف الحسين امان وسلام
اسلم عليه ويرد السلام
واشم حيل اديه كبل لا انام
من صاحلي يمة وكمت وتعذرتكم
تمنيت لو عندي اربعه غير اربعتكم
ابراهيم احسبوني ولخوكم قدمتكم
لو كال اذبحيهم سوة جا ذابحتكم
وين السهم وين .. خل يترس العين
بزري وبزر اخر مرة يستاهل حسين
ترخصله سنين .. وانا ام البنين
يا عباس .. يا عباس
ييمة انتي نور هذني الثنين
ردت ماتجين الي امن اطي عين
اريد من اطيح يجيني الحسين
يمة اريد اطيح لوحدي بس اني وياه
هو الاخو بلاية الاخو مايحلة ملگاه
لو ما ادية مكطعه وانا بثناياه
جا جلبت بي من طحت ضل يالاخو هنا
معذورة يمة .. وكل حزني اضمه
مغمض يمشي البي عشگ والدنيا ضلمه
انتة اول جبين .. وانا ام البنين
قصيدة طايح بين خياله
شفت بعيني وادري حسيني .. طايح بين خياله
ثلث ايام ضل عريان .. محمد بالجذب شاله
اكعد لا عذر يحسين لا توصل لها الحاله
يحسين بتوابه تنام جا گلب اختك اشماله
الماسح براسي وكمت امسح لحيته
خذنه صدره السهام وجيت وكتله شلونك وسلم
يقنعني يريد يگول انه بخير يتبسم
ولا شيبة بقت بحسين ماصابغها لون الدم
اول خير فوك الكاع واول نعمه ما تنلم
الباقي جاوينه ومو كله لكيته
ركضت بعمري هذا عليك ادور بالحثث وينه
ولا ميت عبدته حسين ما فكيت امس عينه
كثر مابيك سحكت خيل تيهتك يبو سكينه
لكيناك وخذانه الليل بگد مابيك لمينه
تارسه الهيمة هدمه البلحوافر
زينب لا تكل لحسين بس اشرلي اسمعنك
من كد ما جنت عطشان حار اسمي طلع منك
شني بعز السموم اتبات وانته الفي رغم ونك
ابونه حسين لو موجود جان دنه الشمس عنه
وفياي لحسيني سويت بعباتي
حزنانه على الطيبين اجر ونه
الساحكته الرجال منين اجيبنه
كلكم نمتوا وعفتوني لحالي
شفتهم ع الرمح غالي ورة غالي
فرهود بالخيمة صاحوا من طحت
حسين هيبة زلمنه الطاح محد شاله
العركة مو هيجي يوالي سحك بالخياله
سباع متروسة الدنيا ورايده الشياله
هاي عند العرب ما موجوده بس سووها
هاي عاده عند العرب لو زلمها تنتجل
ما يأسرون النساء ولا يصعدوهن هزل
حسين الحك حرمكم طرن الهيمه
قصيدة بالفرگه جازوني
انه اليحبوني بالفرگه جازوني
رادوا يموتوني من صار الفراگ
كلما يجي الليل اطلع ذكرياتي
واحچي ويه العيون اگله هنا خذانه
وافرش عله الگاع رسايل من خواتي
وتأيس الروح ورد كلشي المچانه
چفي اليدور عليك حزنك خذا وين
من أيس امن الباب دگ الحياطين
انحب لحد ماطيح وانشف لماموت
وارجع واگله الروح يستاهل حسين
معقوله هاي انه البقت وحدهه ياناس
وانه الجنت اغفه وافز بعيون عباس
اكتبهه بالگاع وصيت هاي العيون
لاثار الجدام حجيت وي النياشين
من الضعن راح خفت عنهم يعطشون
چا كثروا بالماي عليكم راس الحسين
كلما اكض الماي وجهك يجي وياي
ياربي سترك ليش تعرضلي بالماي
مدري شلچمني عليك وتراجفت حيل
شو من اگول حسين گمت اعطش اهواي
ما ادري بس كلش خفت وتغير الحال
وچفوفي احس اتچتفت وحدهه بحبال
حته المرض بچفاك يغفه ولچمته
لو ما كتلني اعليك ذمه برگبته
مو مثل اليعشگون عاشگتك انه
ثوبك گعد وياي گدما ندهته
هذا الگلب المن يدگ ارد افتهم ليش
لايگدر يرد المشوا لايگدر يعيش
قصيدة طبيعة الي يحب
طبيعيه اليحب معذور لو بانت عليه خله
ومدري اشبيه لو ذكروك جدمي يتعثر ابظله
العشگ مابي كرامه اوياك حلوه ابابك الذله
عشگ هاي الخلق چذاب بس بيك العشگ يحله
يبعد الوجعني منين ماچان
انه اول محترگ من غير دخان
كلشي انطاني گلبك
مدري شگد احبك
يسألوني
اخذني لعالمك مابين كل هلي وأحس غربه
ومثل لون النوارس صار لون العاشگ وگلبه
قريت سوالف العشاگ لگيت اهل العشگ چذبه
ولگيت المايحب طاريك محد يفتهم حبه
الكلت وجهه وتعابيره التجاعيد
يوج وينطفي ابنار المواعيد
واضيع ابغير دربه
مدري شگد احبك
يسألوني
مر نسمه هوى للمخنوگ من الدنيه وايامه
مر بيه اليحب يرتاح لو مر خله بحلامه
مر بيه الدمع مرخوص للينتچي اعله اوهامه
اي والما غفن بجفاك ليل الهجر مانامه
اخذني وسولف اعله جروحك وياي
واسولفلك اجروحي ونطلع ابراي
ولو جرحك يعذبك
مدري شگد احبك
يسألوني
اصوغ من الدمع مكتوب كلما اغازل عيوني
واسولفلك عليه اشلون كلما تسأل شلوني
لون العافية ابلياك مايعرف شكو بلوني
ويلوموني الخلق وارتاح چي بإسمك يلوموني
يلوموني ولا مهتم للنگال
غار جروحها من طبع الجبال
المهم خليني گربك
مدري شگد احبك
يسألوني
هاك عيوني يالمحبوب كلما تعطش ارويها
وهيه عيوني ماتسواش لو ما تنترس بيها
ماترتاح حگه عليك لذتها يالذة بواچيها
لون بيدي بعد يحسين حته سنيني ابديها
اعله بابك عمري من يطشر ارتاح
واگولن عمري فدوه لخاطرك راح
المهم يقبلني ربك
مدري شگد احبك
يسألوني
قصيدة مشاي بصف مشاي
لبيك واحسينا لبيك واحسينا
عباس امربينه .. خدام مخلينه ..
شعلينه بهاي الناس
من اتشوف الرايه .. شيل اجفوفك غايه ..
الخاطر جف العباس
دگ ولطم حيل شد روحك شد أنذوره
والزار حسين حته الله بعرشه يزوره
ما يحتاج الناس .. لو زار العباس
محترگين بناره .. باجر عدنه ازياره ..
مشاي بصف مشاي
ما نتفارگ باجر .. حسين بشمس العاشر ..
واحنه اندورله افياي
وما نشرب ماي بالموكب نشرب غيره
تمطر زوار باجر كل غيمه بديره
والخاطركم مولاي .. باجر نركض حفاي
باجر حته السابعه .. وي زوارك طالعه ..
والفوگاها يخدمون
ما تمشين بهيمه .. باجر فوگ الغيمه ..
شلج بالتل يم عون
باجر تمشين عالكوكب مو عالناگه
والعالوا بيج مهدينه يعور اطراگه
باجر يحسين الثار .. يطلع وي الزوار
هالخدمه شمحلاها .. العالم يتمناها ..
واحنه تربينه وياك
يالرازقنه أيامك .. كل جمره من اخيامك ..
تجوينه وما ننساك
باجر يحسين مشايه انطب عالشام
زينب بقصور خلهه واحنه الخدام
ونحطلك راس يزيد .. برماح ونطلب عيد
يحسين احنه برايتك .. ما فارگنه قرايتك ..
طشر وتلم بينه
والعادانه براحته .. ما نهتم لحجايته ..
جا غير انته مربينه
ترزقنه وياك كون الطف ونشوفك جاي
وي السبعين نتبدل غيره وماي
وتحطنه اعله السبعين..خدامك ها يحسين
قصيدة عباس اعتنيتك ...... واتعثر اجيتك
هاي بطيحتك ياخويه تدري
اول مره احط ايدي ع ظهري
واتعثر اجيتك
تمنيتك وطريت الميادين
ووليدي علي فارگني توه
ضلت فاهيه عليك الصواوين
مدري فراكك بزينب شسوه
من اتخوصرت صاحولي يحسين
هلمره الفراگ فراگ خوه
هلمره انچفه العباس مو ماي
ومو خوك اليكلهم راح فدوه
غير جدامي يهدن.......اوصله ويردن
حگي تخوصرت ومدنگ الراس
غير الطايح ع الكاع عباس
واتعثر اجيتك
من بعيد شو ماعندك جفوف
طاحن لو عيوني الوهدنني
ما اعرف شصاير اني لاشوف
كون اوصلك ويعمن هذني
انه حسين ما اموتن بالسيوف
بس فراگ عباس الكتلني
امشي وذكرياتك ترسن البال
ومدري ليا كتر عنك خذني
گبالي وماعرفتك.....انه امشي وعبرتك
حگي مدوهن وما اندل منين
اول مره هيجي يصير بحسين
واتعثر اجيتك
اكعد يالاعز من ولد الحسين
فدوه لطيحتك يرحون ولدي
هيه البلوة مو بس موت وفراك
ولا بلوة خيول تدوس جبدي
بس سبعين الف شامت يعباس
كلهم شافوا دموعي اعله خدي
كون اكبالهم نتشابك وموت
مو عباس اليخليني وحدي
اول مره عباس .....بيه تشمت الناس
تدري عيوني مو هين بچيهن
هاك جفوف اديه وكوم بيهن
واتعثر اجيتك
چلمه خويه ما تنكال بجفاك
وداعت خوتك تحرم عليه
كضيت الظهر من طاح عباس
وصارت عادة لليفگد اخيه
حيرة تفارك اليندلك شبيك
وانته بلا حجي وتعرف شبيه
اول مره هاي يغثني عباس
من مديتهه وما كظ اديه
وسفه ياعضيدي...ماكضيت ايدي
الف وتسمعية جرح ياناس
كلهن طلعن من فراك عباس
واتعثر اجيتك
الله وياك لكن الله وياي
وين الله واموت وتكعد انته
من كد عازتي لحضنك يعباس
حته السهم كضيته وشبگته
اوصل للخيم والوجهك اشتاك
واركض وانهطر والكاك سكته
كسرة شيخ يم المالها شيوخ
هيجي حسين بفراكك كسرته
اول مره الحسين.....تفزعله النساوين
حسين الما مخلي بخاطرك يوم
يحط ايده اعله زينب يالا يكوم
واتعثر اجيتك
قصيدة كلبي ضامي وابعثلك سلامي يلمحبوب
ياوجودي عطشان اعله مودي يلمتعوب
جبيره جبيره واكبرهن جرح العاشر
حصيره حصيره اتشيلك من جوه الحافر
اشلون ابحصيره تنجمع ماكواعله كد طولك نعش
المومنل الداستك جاضاعن ابليل اهدعش
يغالي يغالي دليني ابحزن اعيونك
سؤالي سؤالي بشريحسين اشلونك
اني اندل اجروحك وين بس انه هاي احلامي
اتمنه اشوفنك زين مو منذبح لوضامي
مره وحده اتمنه ارسمك بيه
تشرب الماي اوفرح كاظيه
ردت احاول والقلم من ايدي طاح
ظحكتك حته الرسم ناسيه
ضحكتك ضحكتك محديكدريرسمه
يغالي اولجمتك موكل واحديفهمه
اسمك نهربس عطشان والعطش ترس احروفه
حزنك ضوه ابصف عميان جيب الي بكلبه ايشوفه
انته حزنك مولطم واقرايه
الهسه تبجي اعليك المسنايه
حيرتنه ولادمع يرهم عليك
اولااطيب اجروحك المشايه
جبيره جبيرواكبرهن جرح العاشر
حصيره حصيره اتشيلك الحافر
اشلون ابحصيره تنجمع ماكواعله كدطولك نعش
هم لمومن الداستك لوضاعن ابليل اهدعش
يغالي يغالي
لاجاي اعرف الياذيك اولاشفت كلب ادموعي
كون الله يرزقني ابخيل ادوس فوك اضلوعي
كون الخيل تسحكني حته البيك يوجعني
قصيدة ساجيني حزنك
ساجيني حزنك ونصلب شفه عل بيبان العطش
يرسملي طولك عل ترب بحوفر الخيل نفرش
شلون بحصيره تنجمع ماكو عل كد طولك نعش
ملمض من داستك لو ضاعن بليل هدعش
مابارحت حزنك يوم ولا لا لكت عليه هدوم
كل عمري خلص كربلاء غربت بنات مدلله
يحسين اجيتك محترك مجمر دليلي من العشك
بعيوني شايل كربلاء ومعزب بصدر السحك
كل خطوه تكظي من الدرب نتسامر بعين الدمع
سولفلي عنك بل سحك راح بسنابلهم ضلع
بعيونك مكابر عطش يل من ذبح ذبحت شمع
من ثوبي وياك استحي عريان اشوفك منصرع
يحسين يا حزن الله مسلوب ثوبك غفله
من ثوبك المسلوب امس يبدي الستر يابوالشمس
يحسين اجيتك محترك مجردليلي من العشك
بعيوني شايل كربلاء ومعزب بصدري السحك
وزاء السمه من عل رمح راسك يبن حيدر صعد
اب شيبته توضاء العرش والقبله عيونك سجد
بس انته يحسين وجذب يشمخ نخل عل كاع ابد
من عينك لحد عينك ومامش وراء عيونك بعد
راسك بل رماح يبات يسكي بضواه النجمات
بس انته بعيوني العشك والباقي غربه عل صدك
حسين يااباعبدلله
يحسين اجيتك محترك مجمر دليلي من العشك
بعيوني شايل كربلاء ومعزب بصدري السحك
من غربت ضنونك بدات كل الموسم والسفر
ليل وحزن يشرب حزن والغربه لجمات وسهر
شما يمحل بروحه العشك يسكيني من عندك مطر
وذكر عطش كلبك وحن ولتم رذاذ على نحر
ماي عل كلبك يا ريت اتبدا كون تمنيت
بلك الله تبره من السما وعيونك تلم السماء
حسينيااباعبدلله
يحسين اجيتك محترك مجمر دليلي من العشك
بعيوني شايل كربلاء ومعزب بصدري السحك
يمتد علينا فيايك ونلتم حدر العشك
بعيوني يعرض طولك مطشر حدر خيل السحك
ياخذني يحسين الهظم وهجر صحبتي واحترك
كلما شفت ماي السبيل اعلى درب حيل اختنك
عطشان وبلايا فيان متعين وانه اشرب ماي
منومني با فياي الخيم ومنم بكلبك سهم
قصيدة زعلانه
زعلانه كالوا مني زعلانه
زعلانه كالوا مني زعلانه
يابويه جي ماخذتج ويانه
خوفي عليج من الدرب
صح ضلتج شلعت كلب
يبنيتي ضلي امنلج اهنانه
زعلانه كالو مني زعلانه
تشابكنه وبجينه وكالت مسافر
مدري البينه ياهو اليسكر الخاطر
مو قصت ثكيله عله الضعن باجر
بس خوفي عليج بليلة العاشر
خوفي الجمر بالطف تسحكينه
صعبه اعله ابوج يشوفج ابعينه
هنانه ضلي بالغرب
صح ضلتج شلعت كلب
يبنيتي ضلي اامنلج هنامه
زعلانه
قصيدة اجاني الليل
عباس اجاني الليل واشتاكيتلك
وتذكرت كعداتنه وحنيتلك
يل امس يمي شلون اعيشن باجر
ليل اهدعش ضلمه وضواك مسافر
ويا الهوة عتاب شكثر دزيتلك
عباس اجه الليل اهدعش
وليوجعني التمن بيناتنه ليل ودرب وليل مايتامن
مجبورة احجي لوحدي محتارة اسولف المن
عباس بس انت الجنت تعرف عيوني شيحجن
وشكثر جانت حلوة ياكعداتنه
مدري شجفه وطب الجفه بيناتنه
مجبورة افك عيني اعله كسرة خاطر
ليل اهدعش ضلمه وضواك مسافر
ويا الهوة عتاب شكثر دزيتلك
ربيتك بحيل ودمع واترجه انام بكترك
شلتك لمن طاح المتن ماشلت عون بكترك
اكضي بدلولك وكت واهس جنت من زغرك
ومن كثر ما لوليت الك حتى اثر جفي بضهرك
يلحضني مهدك طاك كلبي لشوفتك
شو جنهه يم النهر طابت نومتك
ماصدكت تغمض جفني مساهر
ليل اهدعش ضلمه وضواك مسافر
ويا الهوة عتاب شكثر دزيتلك
ياخويه اذكر من جنت كل يوم يمي مسير
ملهوفه اجيك بلا فكر جنك عمر متاخر
وجه اختك الجانت كبل عن شوفتك ماتصبر
ماتدري هسه بفركتك ذاك الوجه متغير
ذبلت يعباس وتغير لونهه
صارت عبايته ويلون متونهه
لون العيون بلون نحرك صاير
ليل اهدعش ضلمه وضواك مسافر
ويا الهوة عتاب شكثر دزيتلك
معذورة فاركتك ضوة دمع المفارك يجوي
ماجنت محتاجه كمر من جان خدك يضوي
بس ارجع يهون العطش بالماي شنهي نسوي
هي التفارك جربتك حتى بنهر ماتروي
تانيتك وغير الدمع ماعندي
ليمت ترد مو جفني ماكل خدي
غركانه روحي ولضواك تناطر
ليل اهدعش ضلمه وضواك مسافر
ويا الهوة عتاب شكثر دزيتلك
احا يبو فاضل صحت مجبورة من شتموني
يابعد لوني من رحت محد يكلي شلوني
هسه عرفت ليش انلجم لو كتلي بعد
عيوني
همه الرمو عينك سهم اني انذبح رادوني
يدرون بيك بعينك مخليني
صابوك حتى يفرهدون سنيني
عميه بغيابك يلخذيت الناظر
ليل اهدعش ضلمه وضواك مسافر
ويا الهوة عتاب شكثر دزيتلك
ياحيلي يانبض الكلب يادم شراييني
ياجلمه الخوة البعد مالاحت اعله الساني
يالحاطني بعينك ضوة وين الكه مثلك اني
عباس وانت اعله الرمح مرفوع ماتنساني
حتى اعله رمحك عيني اعله ضعوني
ويصيح راسك اخ لو ضربوني
شنزف الدم تتمنه كونك حاضر
ليل اهدعش ضلمه وضواك مسافر
ويا الهوة عتاب شكثر دزيتلك
كالولي منج يستحي خويه وكلت عاذرته
هو اليصير تلث وذر شتريد من عنده اخته
راح اوصل لام الوفه واتمنه لو شايفته
واحجيلهه شسوة الكمر وانشدهه شمرضعته
لمن نخيته النهر جابه بجوده
جي ما وصل ذب جفه من زنوده
واحجيلهه شلون نسحك بالحافر
قصيدة عباس ابونيتك ضاگ صدري
رايح . اول مره هاي انطيك ظهري
خويه وزين ظلت روح بيه
زين ولحگت زينب عليه
رايح . رايح
لا تحيرني ابجفاك . اتگوم لو اموتن وراك
امده الموت الخذاك وماخذاني
مدري اسكت مدري انوح . گمت اجي يمك واروح
منين اجيب للخيم عباس ثاني
تگعد لوسوه انموت لو احتار وحدي
هوه انه يعباس چم عباس عندي
عباس . حيرت الحسين وتاه دربه
عباس . فك عينك لخيك وگف گلبه
كلش حيرتني وزاد نوحي . اول مره هاي ابچي اعله روحي
رايح . رايح
يالمعودني عليك . عادي گوم ابلايه اديك
سوي كلشي ولاتظل عالگاع سكته
من اروح اتون وراي . وترضه ماترضه اعله هاي
حسين يم نسوانكم نزلت دمعته
سوهه لخاطر حسين فاضت نار صدري
ولدي الكلش اعزاز ماكسرولي ظهري
راحوا . زينب من بچت گلتلها سكتي
عباس . وانته الطلعت روحي ودمعتي
لا والغاثني ابطيحتك هاي . انه ابچي وعدوي يضحك اوياي
رايح . رايح
انته بعيونك سهم . وانه عيني اعله الخيم
آخ لن من الخيم طلعن حرمنه
آخ خويه اركاض إجن . اگبالهم وتعثرن
آخ والسبعين الف شافوا خدرنه
ريت ومن امس كون لاصبح صبحنه
نسوان من الخيام طاحن واحنه طحنه
زينب . گومي وللخدر ياخدري ردي
زينب . اغله من عباس عندي
بس لا بيه اجيچ ولا اعوفه . ولا اگدر اشيله ولا اشوفه
رايح . رايح
من وره هذا السكوت . مادري بيا ساعه اموت
بيا وكت عباس هيچ ايصير بيه
كلشي يمي اعليه ناح . الخيل والدم والرماح
الضحكوا اعليه بچو هسه عليه
لاميت ولاظال لاكف مني نوحي
گاعد واحچي وياك بس ماهيه روحي
روحي . لوبيه صدگ چا ليش ياناس
روحي . كلما يشهگ إيطلعها عباس
طحنه اثنينه إعله الگاع ميتين . زينب تيهت ياهوه الحسين
رايح . رايح
خويه مادامك مشيت . وانه الحسين وبچيت
هانت الدنيه وبعد مابيها خوه
انه موش حسين ذاك . ردت اموتن من وراك
بس هذني ال بالخيم كضني گو
باچر كلنه نشتاگ وفراگك يذلنه
وبفراگك يعباس كون انموت كلنه
عالنوگ . عباس الحرم باچر يفوتن
بالسوگ . خاف ايطبن السوگ ويموتن
نسوان المخيم تون كلها . راح اتموت عباس اگعذ الها
رايح . رايح
