لقب سعد علوش بالمرعب وأفلاطون الشعر وقد دشن سعد عبر موقعه الرسمي على الانترنت مسابقة فريدة وغريبه من نوعها تتمثل في وضعه جزء من بيت شعري وهو محتاج لك والحاجة أم الاختراع ودعا إلى من يكمله وتم اختيار القصيدة الاجمل وفاز سعد ب 20 الف ريال سعودي والغريب ان لجنة التحكيم تتكون من فرد واحد وهو سعد علوش وتم نشر القصيدة الفائزة عبر مجلة المختلف الكويتية ومن قصائد سعد علوش غزل ما يلي
قصيدة هيبة ملك
الله يعزر فيك والله يقبلك
أن كان عرفك للضياع أقتادني
من يومني صغير أعشقك وأتأملك
حتى تفرعنبي غلاك وسادني
كبرت أحبك بس صرت أتخيلك
غبي تعلمني غلا وأجادني
من أولا اشوفك ولع وادللك
وأحب خيط العذر لامن قادني
والحين لامني ولهة وجيتلك
قام ايتصيدني الحزن وأصطادني
فالشارع اللي هيبته هيبة ملك
اللي تهجا خطوتي وأعتادني
من تحت شبااكك وودي أسألك ؟
يغلا من أغليته غلاك أش فادني
لو أدري أن مستقبلي مستقبلك ؟
ماكان نقصني الغيابوزادني
هنا وبس ولا تضايق وأزعلك
بقفي فمان غيابك وماعادني
لا اقفيت عن عينك رجعت وقلتلك
تكفى ليا قفيت عنك نادني
من حشمتك لو أوصلك ما أوصلك
ياخي بثور من العذاب وهادني
أحساسي أني ذنب فعيون أهلك
أحساسي ب الاحساس ذا أبادني
قصيدة الطايش
الطايش اللي محتمينه ما قووه
كل العيون اللي تحبه باعته
أوفى شهوده ساع ما بيع جحدوه
وأغلا شموعه يوم قفا ما عته
يهل السخافه و اللقافه جنبوه
خلوه يخطي دامني شماعته
خلوه يجمد و يتبعثر كلبوه
ما دامني في حكمه و في طاعته
لانه خليط من التغاضي و النبوه
ومواقفه تبني على قناعته
قاسي و لو تضايقه ما قال أوه
وقساوته آخر دلع مياعته
مدلع خلقه و ناسه دلعوه
والنفس ما تشبع به اليا جاعته
يغيب و يدري أن المعاليق فقدوه
ويرجع بصوت جعلني ما ناعاته
فلابث رقمه شاشت الجوال أتوه
وأقول يا ربي تبارك ساعته
جوالي ليامنه دق وقال ألوه
تذوب أذانيي على سماعته
لبيه يا كلماته و لا فض فوه
أموت في ضحكته و أستمتاعته
لا تنشدوني ليه أحبه أنشدوه
حبه محببني سبب وداعته
من كثر ما أحبه أحب أمه و أبوه
بالمختصر أحبهم جماعته
قصيدة فيلسوف
شاعر وفذ أو فيلسوف أو مفكر
وشريحتي فالمجتمععن شرايح
من دلة أهجوس الحثاله مشكر
ولالالا أشرب الالالا نادرات القرايح
صادق مع أهل الصادقه وأمتنكر
للعالم اللي معرفتهم فضايح
بانيلهم فالقلب بابن مسكر
حواجزه توه وفوقه لوايح
وأحب من وسمه على القلب بكر
من 95 وأوله طايح
سكاته أمن المروأحكاه سكر
وأرضاهتحريضه وضيقه نصايح
اللي ليا قفاوبالي تعكر
يصيحله بين المعاليق صايح
أضيق من غيبته لين اتذكر
أنه ليامن راح فالعمر رايح
قصيدة قاطع طريق
النفس خزنة ملك والحزن قاطع طريق
الجروح يوجر عليه المسلم اليا أحزنه
وأنا من العام وأنا أشعر بيبسان ريق
فرج سجيني مع عيني وأرد أسجنه
من بين طيات صدر شل ما لا يطيق
ا جاع حزنه تعشى جروحه المزمنه
مجسم إنسان من داخل رمادة حريق
قودها المغريات ونفسي المؤمنه
أحيانا أبكي من الخشيه لحد الشهيق
أحيانا أقبل على الأذان ولا أذنه
ما عاد أنا أياي يالله لا تخلي عويق
اقبته عيون روس مدلبحه وألسنه
كتل هوامش بشريه تنام وتفيق
ديان وحتى الردى بالضبط ما تتقنه
لكن على كل حال الطلق يبقى طليق
و عاينته العيون وضدته الأزمنه
عذر السنافي معه والعذر حبله وثيق
وحس رعبوبته وإلا جفا موطنه
رعبوبتي يا وجودي يا غلاك العتيق
نه مكان لقيتك فيه عاما .. عنه
يوم الشجر صاير لوجهك مشجع فريق
ن وين ما أفتر .. تتغير معه الأمكنه
للحين باقي بدربه من رحيقك رحيق
وللحين يتمتم حكينا العذب ويدندنه
يو إني أشر على صدري وعينك تويق
وأقول إنتي هنا .. وتقولي أنت هنه
الهاء .. في آخر كلماتك بصوت رقيق
يشطب على برمجة سمعي ويستوطنه
منتي بشر جعل من جابك ضحيه زريق
شارعك يحسب لك بالأمتار يا مفتنه
إليا إنتصفيه يضيق وكل ماله يضيق
كنك كوكايين .. وأرصفه .. خشم مدمنه
رعبوبتي ما خبرت انه تحرك طويق
شاعرك مجنون خلقه والشعر جننه
قولي لهم ينتهون ولا يطول الزعيق
الميسره ميسره والميمنه ميمنه
وقولي لهم للعراقه رأس صبي عريق
ياكم سر يعرفه بس ما يعلنه
أتنوخذ البحر ولا أرسي بجال المضيق
والشي بالشي لا اعيبه ولا استحسنه
الا الرفيق إللي يستغل طيب الرفيق
هذي اللي ماهيب مقبوله ولا ممكنه
يا صاحبي كان لك مال الشقيق لشقيق
والحين جمع بقايا ما مضى وأدفنه
ويا قلبي اللي وساويسك تنجس غريق
الله لا يصغر إبليستك .. ولا يلعنه
ماهو فخر في سنه تعرف لك مية صديق
الفخر؟ تتعلاف بصديق .. لميه سنه
قصيدة القلوب البيض
متعب الحنجين لامنه ضوى
زرفل برجلي على شين الدروب
ولا خذ الا أنا من الهم اعوا
تضرب أنفاسي بسمعي هوب هوب
هوب كانت قبل لا أعاني هوا
بس صارت بعد ما أعاني هبوب
كل عرق بخافقي المرهق ذوا
كن خفاقي على جسمي مغصوب
دامني الصادق وأنا مالي لوا
ابك ياصادق وعيد يا كذوب
حتى في حكيي مع نفسي اغوا
صار بيني وبين ماعندي أسلوب
الا في الشعر أبقى شيخ المستوى
أحترق لأجله وانا ادري اني اذوب
ما هو شعر اللي الى قل ارهوا
اما شربوا خمر ولا أكلوا حبوب
عزتي لي واشهد أن حالي طوى
طوي زل المصمكي قبل الغروب
ما هي بلحية ولع ولا جوا
أعوذ بالله العرب شبوا شبوب
كل ما تعطي مجرحهم دوا
كنك تعطيهم من ذنوبك ذنوب
القلوب البيض ملعونة ثوا
لا تشل ولا تزل ولا تتوب
ويش أقول وويش أعيد ووا .. ووا
أخذها من كف صاحب ومحسوب
بيض الله وجيه سمحين النوا
ولعن الله أبو سودان القلوب
قصيدة مهاو
اخر حركات التدلع والغنا
اللي اسمهامهاوفي الدلعمهاو
فرفوره تسلف الشمس السنا
مغويه ويطرد وراها كل غاو
ان وقفت كل شي ماتباعد دنا
وكل شي متلخبط مع الوقفه تساو
واليا مشت؟قال النملالله لنا
تقاو ياجوعي على صبري تقاو
ذروة ترف .. ذروه غنج .. ذروه هنا
جمالها مايستوعب وماينتقاو
في جنبهانورهوعبيرومنى
شباب .. .وعند البل وكشختهم فراو
مخلوق لامنه انثنى يعني انثنى
كل الزوايا تستقيم اليا تزاو
يابوي شي لايوصف ولا ينجنا
يسبب لك جروح لايمكن تداو
مثاللاجاعت وطال بها العنا
كل الحلاو اللي على هالارض جاو
هي جايعه؟؟يارب تاكلني انا
هذي سواليف الحلاو .. .مع الحلاو
واليا كلت اطرف حلاوه من هنا
كل الحلاو يشوفها ويقولوااو
قصيدة كبرياء فرعون
الوفى خصمج وكرهج له باين بالصدور
تعشقين الغدر وقلبج ماوفى بقلبن حزين
لاهيه بالغدر وأيدج بس تطعن بالضهور
ومدري شنهو تستفيده لا بغيتي تطعنين
جايده دورج ولكن ماتصيديني بدور
انا لامني عشقت غصب انتي تعشقين
والغدر اللي تبينه ما أظن عندي يدور
لني أملك من وصوفن صعبه انج تملكين
صبر أيوب وخداع أبليس جعله مايثور
وقوة الفارس صلاح الدين اللي له ندين
كبرياء فرعون وحنكة حضرموت والغرور
يشبه غرور المدمر هتلر اللي تعرفين
وبالطغاة مثل صدام العراقي ما أشور
أتوكل وأفعل اللي شافته عينن وعين
أفهمي قصدي وعقلج لا يجي عندي يخور
ماهو انتي يافلانه من قدر فيني يهين
حاولو قبلج اوادم دمهم دايم يثور
ومقدر بللي تبينه جان قصدج ماتبين
قصيدة رجاله
عاذرك ياقلب من كبر الخطا والهاله
أسجد أبعوج المحاني وأدع ربك وأرجه
حالتك من حيلتك يرثالها من حاله
كل مهنا سقتها مصلوبه او منعرجه
فاقدلك واحدن يسوى العرب بلحاله
لبا والله أعيونه .. الجرايه المنحرجه
أشهد أن الا .. تقال ال غيره والا .. له
صاحبن في بيد قلبي .. قاطعله فرجه
غايبن قدله ليالي وأنقطع جواله
م ن يعوض ضحكته والا يعوض هرجه
الخيار التحفه الرعبوبه الرجاله
الدماث .. البعثره الكبرياء .. المرجه
أول أجروحي فباله .. يوم جيت فباله
وآخر أجروحه بقلبي زاويه منفرجه
قصيدة تحفة
حبيبتي تحفة من النوع الفريد
ولا جيت ابمدحها اخاف اذمها
لأن المديح بها ينقص ما يزيد
و لأنها خيال و طايش ماهمها
متمردة و بعقل هارون الرشيد
و بالزين ما عذرا توقف يمها
لو قستها مثلا على الجيل الجديد
تحط حليمه بولند بكمها
من غيها السادات سواد العبيد
تحر و تبرك عند ركبة عمها
ومن غيها لامن تثنت كل حيد
وده يصير انسان لأجل يلمها
ومن غيها حتى الدهن عود العتيد
يسيل في يدها عشان يشمها
من غيها لامن خذت نفس جديد
تهاوشت الانفاس على فمها
لبيها ام الفكر وام القصيد
لبيها من ضحكها لى غمها
اللي بقوله جعلها الحظ السعيد
والله يخليها لأبوها و وامها
قصيدة الله .. الله
لا تقيس الدين بالعقل يا عقلي .. ونام
فيه غيبيات أأمن بها .. بلا مقوت
لأن إيمانك بها يعني انك في سلام
من غضب ربي وسخطه وتخريب البيوت
لا تفكر في مسائل نتايجها اثام
يكفي ان الوقت ملبسني من الاثم كوت
آثم بس اعرف ويش تالية الغرام
بين شيخان العقيدة وشيخان البشوت
تالية حب الطرفين ضيعه وانقسام
تنعكس على من يدور لمضناه قوت
السكوت يزين لا صار من حولك كلام
بس ماهو زين لا صار من حولك سكوت
ويش اقول؟ اقول يالله جعلهم للعدام
لا .. بقول انا اتمنى قبل عمري يفوت
ودي اني ماتعداك يالبيت الحرام
وودي ان اعيش فيك العمر كله واموت
الله اكبر لا اذن المذن وكبر الامام
واصبحوا زاكين الانفاس من خلفه صنوت
وابتدأ يرتل ونظم بترتيله زحام
وانتهى من ركعته وابتدأ يدعو قنوت
الله الله الله الله على شعور الوئام
جعل صوت ابن سبيل بعد مليون صوت
يجعل بيوت الشياطين في عقلي حطام
كن صوته ينتشلني معه من بطن حوت
لاسمعته .. يصغر الكون فعيوني .. وأنام
وأمن إني مؤمن ابما يقول بلا مقوت
