ولد طلال الرشيد في مدينة الموصل شمالي العراق وهو شاعر وكاتب سعودي بل أهم شعراء السعودية له العديد من القصائد التي أثرت في وجدان الشعب العربي ومن قصائد طلال الرشيد
قصيدة ياصغير مايكبرني لقب
ياصغير مايكبرني لقب
ومايصغرني إذا أنكرني صغير
ماخذينا الصيت من جمع الذهب
ولانسابة شيخ أو قربة وزير
كاسبينه من هل السيف الحدب
الجنايز كان ماجاك النذير
صيتهم نجم على راسه نهب
سمعوا الصقهان به وأجهرضرير
في الوفا تاريخ أبيض ينتصب
لا حكوا بالحق حيين الضمير
ضيغميا للسنا عيسى انتسب
لابة ظل نابها عرش كبير
عند حدك ياكثير الهرج تب
ولاتمر النار وثيابك حرير
كان لك عز بذلي اتعقب
والله إلا تبطي وحبلك قصير
أحسب أنك من صناديد العرب
أثر ساترتك عباتك ياغرير
ما حسب للسوس ذراع القصب
والقراده مادرى عنها البعير
ولو حسبنا للحسايف والتعب
مابذرنا يالعصافير الشعير
عن هلك ابراي لله وأحتسب
الرجال اللي مجاراهم عسير
من قريش المصطفى وأبو لهب
والدغالب ماغشت عتمه غدير
للرجال الرجاجيل العتب
والزكاة تحل في حال الفقير
لعنبو وقت غيدنابه حطب
تحرقه نار يثورها أجير
ما ألومك الزمن سوى العجب
هو بقى غير الكرامه للجفير
ما أزل وراسي يشم المهب
لوبقى من شمر طفل غرير
وما أهاب ولا يزلزلني غضب
الشجاعة ورث والعاقل غزير
ياصغير مايكبر باللقب
غير منهو كان من دونه صغير
قصيدة لحن البدو
حنا ولا من قلت حنا تحنا
كل الكلام بعطر تاريخ الاجداد
المجد هم وهام فينا وغنا
حتى علينا من على روس الاشهاد
يا كبر حظ الي نخانا وثنا
نشد له فوق الفخر سرج وشداد
ان هلل التاريخ غطرف وطنا
وان سولفو عنا رجاجيل واجواد
وان بان لك شمس ترى ذيك حنا
نشرق مدام الظلم ظلماو حساد
يا بنت يمي كان رمشك تمنا
اشق لك ثوب السماء جود وعناد
واشدلك زمل جفن المعنا
واسري بوجهك لاغشى وجهي سهاد
يا حلو قدك يوم قدك تثنا
محدا تغنى فيك من خوف الالحاد
حنا البدو يابنت هذا لحنا
نحبك اكثر لاغدى حبك جهاد
وحنا البدو يا بنت لامن نخنا
بناتنا يثالث العيد الاعياد
وحنا البدو يابنت وان قلت حنا
فاح الكلام بعطر تاريخ الاجداد
قصيدة الليلة إحساسي غريب
الليلة إحساسي غريب
عاشق وأنا مالي حبيب
حبيت
كل الناس لاموني
حبيت
كل أحبابي باعوني
قلت أحب الحب أحسن
قلت أحب الحب أضمن
لا أحن ولا أتوه
ولابعد في يوم أحزن
رضيت بأقداري ونصيبي
صرت محبوب الحبايب
وصار كل عاشق حبيبي
الليلة غير
شعوري غير
أشواقي غير
حتى الأغاني غير
صدري سما وإحساسي طير
بس طيفك ماتركني
ظل ساكن تحت جفني
كان وافي
كان يذكر وإنت جافي
إنت وينك
كان هذا الفرق مابيني وبينك
جيتني تشكي الزمن
وجيتك أبي أدفى
لقيت في قلبي وطن
ولقيت بك منفى
قصيدة ما قلت أحبك
ماقلت أحبك ولا قد قلت ما أحبك
أحب مالي عيوني وإنت تسواها
لو تدري إش كثر تعني لي تعرف إنك
آخر أمل في حياتي وأول مناها
ياكثر أحس إن بك مني وبي منك
روح قسمها على شخصين مولاها
لا تقول شتحب فيني أعشقك كلك
من ليل شعرك لشمسك وآخر أقصاها
سميتني نصفك الثاني وياشحك
أنا بسميك كلي وإنت معناها
تعبت أوديك له ياقلب ويردك
لاخذ حلومي ولا خلاني أنساها
كل الحمام ناح واستراح في ظلك
والورد الأصفر سقته الروح من ماها
ليتك بعمري ثلاث أشخاص ما أملك
واحد معي دومواحد روحي يملاها
والثالث بجفن عيني لافقد حسك
أو غمض الجفن جاني فيك يتباهى
مو بس أحبك أنا والله من حبك
أحب حتى ثرى الأرض اللي تطاها
قصيدة قال حاقد
قال حاقد قلت ياجاهل هلي
كيف ابطرف باصبعي عيني وأصيح
انت مثل إبليس حقرك الولي
لاتسر ولاتريح وتستريح
من يصدقبي وأنا الشمس اعملي
مايذريها عجاج جاب ريح
لويطيعك بي غرير يجهلي
ماتطيعك روسوهم بي ياكليح
هم هلي ياجاهل وهم منهلي
لوتضيق ألقابهم كون فسيح
عودهم له طاعة واجب علي
شيخنا اللي مايوفيه المديح
ماسفهت من العقول إلا الخلي
وماحقرت من الكلام إلا النبيح
الصباخي ماتربع بالولي
والردي للطيب جحاد شحيح
والعتم لابد يوم ينجلي
وأسود النيه يجي يوم ويطيح
الردى بعد السما عن مذهلي
ماتعلمت أجزي الطيب بقبيح
شمت عنك أبي المراجل منزلي
وفي ضلوعي شايب عيا يبيح
ماأعتلي بالشعر..هو بي يعتلي
دام ميزاني بحسادي رجيح
لاتصدق في حصانك يا اجملي
كنت أنا وما زلت وأبطي لك نصيح
ماعرفت الغي وأخفيت إجهلي
علموني مستبيحين المريح
لو تبين قلت خلو ذاك لي
بس دامك كالنساء مالي نطيح
قل مدام إني بكذبك مبتلي
كل كذب دام اهو فيني صحيح
ماأخضر من الذنوب إلا هلي
ذنبي اللي يرفع الراس الفليح
قصيدة قالت قدر
قالت قدر و أقول يومك تبيني
غصبن على الدنيا يدك في يديني
لا تظلمين الوقت وش ذنب الأيام
لا تظلمين الحظ لا تظلميني
غديت ما بين ارجا فيك واليأس .
هذا يبي مني وهذا يبيني
