مساعد بن ربيع الخياري الرشيدي شاعر نبطي سعودي.وضابط برتبة عميد في الحرس الوطني السعودي هو واحد من أدباء الشعر المبدعين فهو واحد من أكبر الشعراء العرب ومن عباقرة الشعر السعودي دون جدال وفيما يلي قصائد مساعد الرشيدي مكتوبة
قصيدة سمها
سمها ذكرى مزوح اللي تسمي
انت ابو خضر الطعون وسمها
انت ياشيخ البها سيدي وعمي
تنثر ايامي عبث وتلمها
انت همي ول يامحلاك همي
مع ياملح السنين وهمها
قبل اقول لسود الحلوين سمي
من غلا سودك غرقت ف يمها
ان ندهتك تنبت نواويرك بفمي
المحك شمس نهاري يمها
جيت لك من جمر الشوق متحمي
كل ماتبرد طعوني ضمها
جيت لك واقصى معاليقي تومي
هم يخطيها وهم يخمتها
ان ضميت اشرب سواليفك بدمي
وان تثاقلت الدروب ازمتها
وان خذتك مني عين ماتسمي
العن الدنيا وابوها وامها
قصيدة حب جديد
حب جديد وقصيدة عشق مجنونه
الله يحييك ياحب لفى توه
حب لكله وحب بس لعيونه
حبين باقصي خفوقي بس له هوه
ايه انصتي ياشجون الروح ممنونه
جاني رقيق المشاعر ناوي الخوه
جاني حبيبي وعمري فرحة غصونه
ربيعها يوم سال السيل من نوه
يوم انهمر لي حنانه باعذب لحونه
قلت الله الله صفا جوي على جوه
والله لاحبه ولو حظي وقف دونه
مافيه قوه تصد الحب بالقوه
بس انتظر يازمن لين اعلن المونه
ومن بعدها اللي تسوي يازمن سوه
قصيدة وردتين حمر
جت في يدها وردتين حمر
قبل الشفق والشمس محمره
النق نافر والسوالف خمر
والموت بين العنق والغره
والريح تاخذ من شعرها غمر
تلعب معاه شوي وتثره
ذاك الثليل اللي جمرني جمر
اللي بغيت اموت من حمره
قلت انورت كل الدروب السمر
والعيد جا يمشي على الجره
برق السنين ومجهمات وقمر
جيتي وخفاقي نفض شره
الليله ليله من ليالي العمر
واحلى ليالي العمر بالمره
قالت غيابك وانتظارك جمر
وابطت تعاتبني وتتشره
قلت ابشري والرمش يا مر أمر
يالول وجداني ويادره
واللي جمعنا يا انتظار العمر
ما اعود هالفرقا ولامره
قصيدة جابك الله
جابك الله على غاية المطلوب
من مواطيك بالعشب لأهدابك
جيت يالمترف الناعم الرعبوب
مرحبا فيك لأقبلت وأهلا بك
تنثني كنك النايف النبنوب
وانثني وأنشد الصبح وش جابك؟
تبتسم للنسايم تذوب قلوب
وابتسم وأهدي الوردعنابك
ضحكتك غيمة وبلها مسكوب
ظللتني نهارين بغيابك
فيك من لفتة الشادن المرعوب
كل ماهزك الشوق وانتابك
مرة كنك الشمس وقت غروب
ومرة كنك الحلم متشابك
كل ماجيت أبي استلهمك وآتوب
ضعت بك ضيعة العطر بثيابك
قصيدة جيتك بقايا
جيتك بقايا حي كل اكثرة مات
وصلت لك با اخر رمق من حياتي
جيتك خوي الخوف في رحلة الذات
بين الرجا وظروفي القاسياتي
جيتك من الفرقا كثير التلفات
جيت انتحر في نجلك الناعساتي
جيتك مزيج جروح ودموع وأهات
نديم لعيون الاسف والشماتي
جيتك شظايا تشتعل شوق بسكات
ما ادري حزن مدري سعادة اسكاتي
جيتك لوانتي سابع المستحيلات
اللي يحبك يصنع المعجزاتي
جيت استجيرك من شمس المتهات
عيت تظللني تحتها عباتي
وابا أتعفى عقب عذاب المعاناة
على رصيف اشواقك الدافياتي
تلقفيني من ايدين التشتات
صيري بحلاة الروح قارب نجاتي
هلى غلا يمحى كدر كل مافات
يامزنت افراحي ومنبع هناتي
قصيدة عزة النفس
ينجرح قلب لكن ترتفع هامه
والله اني لاموت ولاانحنى راسي
لو رماني زماني وسطدوامه
العواصف شديده والجبل راسي
أنقل الحزن وامشي منتصب قامه
قاسي الوقت لكني بعد قاسي
واسمع الحلم يصرخ لحظه اعدامه
رابط الجاش ماهز الخبر باسي
عزتي غاليه والناس سوامه
قلت ماابيع حتى تقطع انفاسي
زانت ايام عمري شانت ايامه
مارجيت العزى من رحمة الناسي
من عجز لايدوس الهم باقدامه
لازم انه مع الايام ينداسي
يندمل جرح القلب ماتت احلامه
بس ما اظن يبرى جرح الاحساسي
يوم صارت مابين القلب والهامه
وش ابي بالحياة الياانحنى راسي
قصيدة عين تشربك شوف
بين فرحة لقاك وهم فرقاك
لاتذكرت جرح ولا نسيتك
حي هالشوف ماتنمل دنياك
شف سواة العيون ليا لقيتك
عين تشربك شوف وعين تظماك
لاذبحني ظماك ولا رويتك
قمت اخيلك هنا وهناك وهناك
وين ترحل بي النظره نصيتك
ان تبسمت قلت الموعد شفاك
وان تمنعت بانفاسي دعيتك
وان طلبت الغلا قلت الغلا جاك
وان سكنت الخفوق البيت بيتك
وان نثرت القصيد بدرب لاماك
ذاع صيت القصيد وذاع صيتك
يارجا العمر لو حفتك الاشواك
ليتك اول طريق القلب ليتك
ودع البرد كف ضم يمناك
صافح الود قلبي يوم جيتك
حي هالشوف رغم هموم فرقاك
لو تناسيت جرحي مانسيتك
قصيدة العنود
العنود اللي مساء البارح وانا سيد سهرها
اقبلت مثل البياض وودعت مثل بردية
المساء ضج بسوالف عطرها واشعل سفرها
والعروق اللي روت مسيرها خضر وندية
مانشدت اخت المهاه ليامتى حزة خدرها
حد علمي يوم امد لجيدها شرهة ايدية
عقدها المغرور تاة بعطرها ولا نحرها
ساعة اشرة علية وساعة يشرة علية
كل مالدت على البال والعقد يخزرها
قلت انا ماني خوي عادتة ينسى خوية
ليتها تدري وعقد الماس لويدري عذرها
اشهدان الجمرة اللي في الحشاء منى وفية
من سرت يمي وانا مالي خيار الا قدرها
كنها كل السنين المقبلة والأولية
من غدت همي وانا مالي ديار الا ديرها
جالها بين الظلوع الظامية روحة وجية
جادل كل الدروب المعشبة تنبت بثرها
جت تبي جرح وقصيد وخلت الثنتن لية
من يحدثني حديث الثلج للجمر بثغرها
والله اني كنت ناوي لي بهاك الجمر نية
من نشدهاك الوساع الخرس عن دنياحورها
وش جمع سحر الغموض بسودهاوالنرجسية
الوكاد اني بشط الكحل غنيت لبحرها
ماحلا هوسة هدبها والمساء والسامرية
من يعلم مستريح الريح عن فوضى شعرها
الحرير اللي كسى هاك المتون العسجدية
علموة ان مازح الغرى ونشد عن قمرها
لايخاف ان شاف ظلما وشاف الشمس حية
قصيدة الليالي جروح
أمشي وهمي جبل يمشي معي وين ما أروح
أزريت أشيل الجبل وأزريت لا أفارقه
كل الخطاوي تعب كل الليالي جروح
أرضي هجير وسمايه شمسها حارقه
ماغير روح التحدي في عروقي تفوح
قوة صمودي على جور الزمن خارقه
هذا وأنا عزتي دايم قبالي تلوح
لين أصبحت في حياتي ميزة فارقه
أرفض شعور الندم وأرفض طمان السفوح
لو كان فيه الحياة اغصونها وارقه
مادام فيني نفس يذري وفيني طموح
باب وراه اعتزازي...طارقه..طارقه
رغم امتداد التعب عيا يموت الطموح
والشمس بكره ورغم أنف الدجى شارقه
قصيدة تعبت
عبت من القصيد .. من الجروح .. من انتظار طال
تعبت استقبل طعون الزمن .. واربت على كتفه
تعبت من الكلام .. من السكوت اللي يهد الحال
تعبت أكثر من الحزن الذي.. ما ينتهي عزفه
تعبت من الوعود .. من الصديق الطيب المحتال
تعبت أعرف كل اللي .. تعرف الناس بالصدفه
تعبت من العدو اللي عجز.. يدخل معي بقتال
تعبت من الظلام اللي قتلت .. ولا لقى حتفه
تعبت أسأل من المخطي ..؟ تعبت اردد الموال
ما دامك ما سقيت الزرع .. ما لك حق في قطفه
تعبت القىالجواب المقنع اللي ماعليه جدال
تعبت القى .. طريق ما يكون بآخره شتفه
تعبت اضفي على الصوت الحبيبه وردتين وشال
تعبت اسمع صدى شامت يردد طاحت الغدفه
تعبت أغازل البسمه على ثغر البكا .. تختال
تعبت أشوف شوفي ينهزم .. رغم على انفه
تعبت اجامل ايامي .. ولو ورتني .. الأهوال
تعبت أقول عن حمل ثقيل .. اتفه من الأتفه
تعبت أهز راسي غيظ والقى في يدي اغلال
تعبت أسير خلف الوهم.. لو غيري ركض خلفه
تعبت أشد وانزل.. ما ظهر لي طيب المنزال
تعبت من الدروب اللي مشيت .. وكلها صلفه
تعبت أرسم حروفي شمس.. والمح بالوجيه ظلال
بعض ناس .. تعرف النور .. بس تقول ما تعرفه
تعبت وقلت كل اللي اظنه يا فهد ينقال
تعبت ابغى القط انفاسي .. اذ لابد من وقفه
