تركي الميزاني هو تركي بن عطا الله بن شامان بن سميليل الميزاني المطيري ولد بمنطقة الجياسر بالمملكة العربية السعودية عام 1980م من اشهر شعراء السعودية ومن اشهر شعراءها ايضا في فن المحاورة الشعرية فقد حاور كبار الشعراء وهو لم يتجاوز السادسة عشر من عمره فقد تربي وترعرع تركي في عائلة شعرية الامر الذي كان سببا في حبه للشعر وتنظيمه له وهو في سنن صغير وفيما يلي نطرح عليكم قصيدة تركي الميزاني يدور الوقت
قصيدة يدور الوقت وتبين لنا الأيام سر الغيب
وتظهر هيئة المكتوب من رسمة وعنوانه
لزمنا الصمت يوم الصمت في بعض المواقف طيب
وقفلنا دون وجه الشر بالمفتاح بيبانه
تخطفنا يدين البعث والتزوير والتخريب
يبون يفرقون الشمل ويهدون جدرانه
سعوا للنيل منا في الخفا بالظلم والتكذيب
علينا كل واحد حد سكينه ونيبانه
رمونا وانعتونا بالتخلف واكثر التصويب
ما صاب ولا وصلنا منه باروده ودخانه
وإذا عيب الخليج النفط يارب تزيد العيب
وتحفظ لهله نفطه ولولوه ومرجانه
وإذا هم يحسبون النفط تنقيب و معابر بيب
وحقل تنبعث من قوة التكرير نيرانه
لك الله ما نطق فيهم ولا واحد كلام مصيب
ولا عد الصحيح ولا جاب القول بلسانه
ترى هذا بقايا اجساد سكانه شيبانه وشبابه وشيب
ودم الأبطال اللي من غلاها الأرض رويانه
ورثا العز لو ما نملك المصروف وسط الجيب
وبعنا ارواحنا من شان هيبتنا ومن شانه
وهبنا الله بحكام رقوا في سلم الترتيب
وبنوا صرح المعالي واحكموا ساسه وبنيانه
اعطيناه ولا واهدوا علينا الحب و الترغيب
يعامل الحاكم شعبه مثل ما يعامل إخوانه
ساوونا بالعدل ولا احكموا بالظلم و الترهيب
وكل فاتح صدره قبل لا فج ديوانه
فقدنا الأربعه يالله عسى ذيك الجروح طيب
وعسى تلتحفهم رحمة المولى وغفرانه
فهد خادم بيوت الله وزايد ملحق الهيب
وجابر جابر العثره وعيسى الغيث وامزانه
لكن إن راح ذيب يحل غيره في المواقف ذيب
سباع كل واحد تشوف الموت باعيانه
تغيب الشمس وامجاد الخليج وغزها ما يغيب
تبقى في جبين المجد مقرونه بحجانه
ألا يا أهلا الخليج المسأله يبغا لها تحسيب
قبل لا يدخل ابليس وزمرة اعوانه
ترانا شعب واحد ما يجي فينا شكوك و ريب
جمعنا تحت راية عظيم الملك سبحانه
لو إن الحد بعدنا يقربنا الغلا تقريب
يموت منا الرجل ما غدر جاره و لا خانه
ولانا ما يبي وقفه ولا يحتاج تجريب
خلقها الله مع الرجال في دمه و شريانه
قصيدة لي صاحب قدره على الراس والعين
لي صاحب قدره على الراس والعين
اللي عسا المولى يطول حياته
حرن كريم ومن رجالن كريمين
قليل فالعالم يسوي سواته
بالطيب والنوماس والمذهب الزين
والعرف والتقدير هذي صفاته
شاهر ليا عدو زحول السلاطين
اسم يسجل فالوفا ذكرياته
في مجلسه تلقا هل العلم والدين
اهل الشريعه والنقا والسماته
ياناشد عني مروح على وين??
الدرب واضح مانضيع جهاته
منصاي من شوفه يساوي الملاين
شيخ حفظ دينه وصلى صلاته
ابن جزا شاهر زبون المخلين
لا طيب من قبله ولا طيب فاته
اقبل سلامن مرسله تركي الفين
ببيات من شعره ومن مفرداته
قصيدة بداية خاطري
على الله يابداية خاطري يا عاصمة دنياي
على الله يالحروف التايهه في نظرة التايه
على الله يالطريق اللي معاريفك تعب رجلاي
على الله يا مسافر في طريق ماله نهايه
الا يالليل لا تسري ولا تشره على مسراي
دخيلك لا تقدم شرهتك من دون مسرايه
على شان الحبيب اللي يسابق نظرتي وخطاي
على نفس الطريق اللي من اجله تعبت خطايه
ترجيتك تساعدني وانا مندم على رجواي
اذا شفتك توادع ضيقتي وتعانق رضايه
وانا اخترتك رفيق الدرب في صمت السنين الجاي
ولا اخترتك لين اصبحت لي اعز اخويايه
وانا ماعشت وقتي يا زماني بين راي وراي
انا عشته على عز ورضيت بحكم مولايه
ولااطرد من سراب الوقت مايخفي علي مناي
اعيش الواقع الحاضر لعين ايامي الجايه
مدام ان البحر ملك وهمسات النسيم اسراي
عليه من حزامي ماتفك ايديني الرايه
كذا ولا كذا خاتم ملاك الفكر في يمناي
يطيب بقربها قلب الصديق وتجرح عدايه
وانا فاللي ورثته ورث لا بايع ولاشراي
ومثلي فالوصايه مايبي له هرج ووصايه
قصيدة التجارب
الحياة أفراح وأحزان ودروس وعبر
والتجارب .. صفحة ايامنا وكتابها
مهما زاد الشخص في المال والعز وكبر
وأهدته شهوات نفسه جديد ثيابها
وأبرقت له زيف الأيام وأغرته وعبر
المصير أرضه يلحف عليه ترابها
والمصايب حملها سم ودواها الصبر
ورحمة الله دون خلقه ما سكر بابها
وعن حياة الآدمي شيمته تبعد شبر
وان فقد من شيمته شي نفسه عافها
وانقبر في الغيب لو ما توفى وانقبر
والحياة اللي بها نقص من يرضى بها
قصيدة السلسال
على الهون ياجرح المفارق وضيق البال
على الهون ياهمن سطا بي وقدرته
اعزك لوانك جرح ومجاهدك قتال
وروضت جسمي لاجل سقمك صبرته
لاجل من ملك قبي من الجال لين الجال
وفجيت له باب عن الناس سكرته
وحطيت له عن شمس قيظ الغرام اظلال
وشيدت له بيت بقلبي وعمرته
عشقته ودللته وجريت له موال
وتخيرت قربه ليتني ما تخيرته
رعي ريف قلبي لين صار الحشا مدهال
وعن مدهله جنبت غيره وذيرته
سقيته من عدود الغلا والغرام زلال
بعد ماجذب من دم قلبي وصدرته
اداري عليه من الزعل وازعل العذال
وخطاه ان كبر في عين غيري تصاغرته
ترافقت انا وياه من يوم كنا اطفال
تكون غلاه بوسط قلبي وكبرته
قبل مايغطي ليله المنتثر بالشال
سرقت الكرى من نون عينيه وسهرته
قش كل حرف من حروفي على السلسال
تباهى بها واغاظ ناس مجاكرته
وكتبت القصايد في عيونه علي اليامال
وليا مرني صوت النواخذ تذكرته
تكاثر علي الله يجازيه كيف الحال
وانا يوم اسوق العمر له ما تكاثرته
وبعد كل هالتقدير والحب والاجلال
تغير وهقواته عليه مغيرته
لبسته ثياب الغطرسه لين جا يختال
وكبر في عيونه يوم الاوهام غررته
واذاالسالفه ضحك ومهازل ولعب اطفال
خبطت الغصن لين ابرق الريش طيرته
خلصنا وقفلنا الصناديق با لاقفال
ومن جور حكمه كامل القلب حررته
قصيدة يا مالك الملك
يا مالك الملك يالواحد شديد العقاب
يا غافر الذنب يا مرسل رسولك نذير
يا خالق الخلق يا محصى الخطا والصواب
تعالت اسماك مالك في صفاتك خشير
يا محي الارض بأمرك من حمول السحاب
يا عالمن فالحياة وما يؤول المصير
يا جامع الناس في يوم الحشر والحساب
مافيه فرق هذا تاجر وهذا فقير
كل الخلايق سوا الا بحمل الكتاب
لا شخصت ابصارهم يوم النهار العسير
احد فتح له كتابه صوب جنتك باب
واحد هوابه اكتابه للسخط والسعير
يا رب رحمتك لا هلو علي التراب
واصبحت مالي عن الوحشه مفر ومطير
واقفوا ولدموعهم فوق الخدود انسكاب
واسمع قريع احذيتهم فالوداع الاخير
ودخلت في عالم البرزخ وطال الغياب
وفارقت كل القرايب والاهل والعشير
وجوني ملائكتك العمل والعذاب
استسلمت نفسي لمنكر وجاني نكير
في موقف للسؤال يزيد ثقل الجواب
الا برحمتك اللي فالخفايا خبير
يا رب حملت نفسي بالشقا والعتاب
ومديت حبل الخطا لبليس واصبحت اسير
وطاوعتها في متاهات الوهد والسراب
لين اشبكتها الخطايا شكب والنفس طير
ازل واقول انا توي بسن الشباب
واليا نصحني محب اقول توي صغير
ما كنت احسب لوقتي والليالي احساب
ولا كنت افكر وش اللي في زماني يصير
الا بعد ما نصفت العمر والراس شاب
وفقدت من ربعي الادنين جمع غفير
عرفت ان الحياة مصارعه واكتئاب
واني مودع ولالي غير ربي نصير
ومن لا تزهب من التقوى لنفسه زهاب
لا مات وش حجته يوم النهار الكبير
فالموقف الي مافيه امجادله وانسحاب
منهوله لهاك النهار يشيب راس الغرير
لكن اليا اذنب نبي آدم واعترف ثم تاب
الله يغفر الذنوب وينصر المستجير
قصيدة الخلطه السريه
ياعذابي منك ياموتي وياحرماني
زابنك بالله تخفف عني اللي فيه
من عذابي وشهو اللى باقي ماجاني
في عيوني من عذابك صاير ماريه
وانت تدري كل ماتحتاجني تلقاني
يشهد الله عنك ماتقدر تشح يديه
بس تكفي لاتعذبني ولاتنساني
ضمني يانور عيني في حشاك شويه
كل ماشفتك تدخلني بعالم ثاني
عين تنظر لك بشر و الثانيه حوريه
فيك شيطان الهوى ياسيدي وصاني
بالغلا والولف والتقدير والحنيه
والقصيده اليا بغيته فيك مايعصاني
يتباشر في وصوف عيونك السحريه
ياوجودي لو أشوفك يابعد خلاني
يشهد الله لحذف الغتره مع الطاقيه
كيف أنا المجني عليه وكيف صرت الجاني
لعنبوا حظك ضبطت الخلطه السريه
لين من حبك ومن طيشك نسيت اخواني
صرت أجي واروح لاهاذي ولاهذيه
والهوى هو حاكم شعوري وهو سلطاني
لاحصل لي منه لارحمه ولاماويه
أشهد أنه راح فيها تركي الميزاني
ومن يكذبني يعرف الخلطه السريه
قصيدة مدح الامير سلطان بن عبدالعزيز
كريم يانونهبوبه تقوده
لي مدةنوانا عيوني تراعيه
اكبر من الغربي ترازم رعوده
سيله حقاق والمخايل تباريه
اللي وطا حزم البلاد ونفوده
عقب المحل ماناش من عرق يحييه
ايام وسمه ماتجيك معدوده
ثابت على طول السنه من مناشيه
هتان ودان ذعاذيع نوده
تجلا هموم القلب والجرح تبريه
وليا سمك وبله وخيم ركوده
تفرح به البيدا وتروا ضواميه
فوق البسيطه ماتحدد حدوده
مافيه وادي غير تجري مجاريه
والعشب انواعه تلاعب وروده
طلعه سوا من مدلهمنيساقيه
هذي هماليله وهذي شهوده
كلنيرحب به وكلنيحييه
هذاك سلطان السعد من جدوده
غيثنعلى غيثنيعافيه
ياراح قلنا الله علينا يعوده
من كثر حبه ود شعبه يخاويه
وليا رجع تباشروا في وجوده
شيخنوحنا برض البلاد لمواطيه
حنا تحت رايه وحنا جنوده
واعمارنا في ساحة الحرب تفديه
القايد اللي منبع الجود جوده
صار الكرم صرحنللأمجاد بانيه
خلو كرم حاتموماضي عهوده
سلطان يعطي شي حاتم مايعطيه
خيره على العالم عسا الله يزوده
لو جيت ابذكر ماتعدد حسانيه
وفاه وصلة لكل دوله وفوده
من مد كفه مايبا احدنيكافيه
وليا قدح من نار فكره زنوده
رايه سديد وكل تايه يقديه
وليا بطش ضاعت روابع حسوده
من سطوته خصمه يضيع هقاويه
هداج تيماء اللي يصدر وروده
ياحي ابو خالد وياحي طاريه
كنت اتمنى وقفتي في وجوده
واليوم انا موجود مابين اياديه
قصيدة مانيب مجازيك في صدك وهجرانك
ما نيب مجازيك في صدك وهجرانك
ودعتك الله وتلقى واحد ثاني
أتعبت الأعيان والأقدام من شانك
وأنت ولا شيء سويته على شاني
فزيت لك يوم قلت أسمك وعنوانك
لو كان ما تنتمي لأسمي وعنواني
ما جيت أدورك ولا أطق بيبانك
وإلا ترجاك مثل فلان وفلاني
أنت الذي جيت لي وأعلنت بلسانك
أنك على شوفتي جايع وعطشاني
صدقت هرجك ومنطوقك من لسانك
وأقبلت لك مندفع من كل وجداني
ما كنت أفكر يجي في يوم نسيانك
وأنساك وأنت معاهدني ما تنساني
إلا بعد ما قريت الكذب في أعيانك
حاولت أوادعك وأنسى كل ما جاني
خلاص ما نيب متعني على شانك
ودعتك الله وتلقى واحد ثاني
