ياسر بن محمد التويجري ولد في القصيم عام 1981م هو شاعر سعودي بل من اشهر شعراء السعودية فقط نظم الشعر وهو في الخامسة عشر من عمره حظيت اشعاره بحب جماهيري كبير الامر الذي جعل العديد من قصائدة تلحن وتغنى وفيما يلي نطرح عليكم ياسر التويجري اجمل قصيدة تسمعها بحياتك لاتفوتك
قصيدة الفخ
مابيك يابنت الحلال اتركيني
دربك وعر..ورمال..مكحول في فخ
أنا فقير ورأس مالي حنيني
وأنتي متونك باللذيذات تنزخ
تبين لندن ماتحبين كيني
وسواق خاص ولبس فاخر من الجخ
وإليا أهتويتي قلتي يالله تجيني
أسرع ترى شوقي على النار يطبخ
ياهيه أصحي..وأعقلي..وأعرفيني
أموت عز ولاتذلل وألبخ
يلعن أبوك وجد جدك مهيني
وأنا عزيز وكل ربعي مطنخ
من لآبة يسوون عندي سنيني
لضيوفهم حيل جزالي تنوخ
والحب ماهو لك لوتزعليني
وحزوم نجد لرأس مثلك تكمخ
الحب يبقى في حشايا دفيني
اللي على وكره إلاجيت يكفخ
أبو عيون كنها جمرتيني
وأركو عليها كل الاوقات بالنفخ
أشتاقله لوهو موكر يميني
واصبر عليه شهور مرسوم بالمخ
ومع السلامه لاتقولين ويني
روحي عساك بوسط نار تبوخ
عساه لامنه حيى الشوق فيني
وسألت قالوا ماتت العام يا أخ
قصيدة الحواجز
رحمتك يالله ترحم ضعفنا
يوم غم الجو واخفيت الجدي
يوم همي فوق متني متنا
والسلام عصوف ريح ترعدي
والضروف أكبر من اللي ودنا
والفراق الحل .. والحل الردي
لاحياة .. ولاممات .. ولاهنا
في حنايا الضيم ألقى مقعدي
إن سهرت الليل مس ومسكنا
وإن غفيت افلام رعب تحشدي
صاير مابين مظلوم .. وأنا
أختلفت وودي أعرف مولدي؟
والكرم لليأس كأس مدنا
نشربه لوهو علينا يجهدي
وش نسوي دام هذا حظنا
والحواجز ماتعدى بالعدي
مير صبرك يالحبيبه بالعنا
أصبري ياروح روحي وبعدي
لايهمك دن دنات ودندنا
وبلبة حساد .. وأغضي وأرقدي
دام أنا وأنتي تلاقى جدنا
نلتقي لوهب ريح جلمدي
تقول بابا عمرها فوق عشرين
قصيدة في البداية
تقول بابا .. عمرها فوق عشرين
وأنا يبه من يوم ربي خلقني
تخجل عذوق الذوق في منبت التين
وتسكن بروح اللي حلاها سرقني
تركب بساط مغيرين القوانين
لوني بعيد رضاه للبعد يدني
تمشي وتضحك .. في عيون المساكين
إلا أنا يوم إن حظي رفعني
ما كنها إلا شيك صدق من الصين
أو كن أبوها بيك والبيك يغني
والنتيجة ..
طحت بهواها دون كل المزايين
وطاحت على عيني ملازيم جفني
وفي النهاية ..
شفت الغرابه في رموز العناوين
وشفت الوداع اللي كسرني .. واسرني
يوم غرست في هامة الأرض سكين
والطائرة قالت تعالي بمتني
قصيدة العنود
لا شموخ وكبرياء وأنف يرقى للسنود
والقضيه أكبر أكبر من شموخي وإدبي
للجهاله إيه والله فزت في كل البنود
والغباء لكل شخص مايقر إني غبي
أستبد وكني اللي ماخلق مثله إسود
لين داور هالزمان وقص خشمي وشنبي
إيه راحت وتركتني ويمكن إنه ماتعود
وداست برجله لعانه وجه قلبي وأهبي
وكرمتني فوق نزفي وشكرتني للجهود
وقالت إنت وبإحتقار ودق كفه منكبي
من تكون ومن أكون وطول عمرك لو تسود
ماربطني مع شتاتك إلا يمكن مذهبي
حملتني فوق وسعي وأكبر حلولي صمود
والصمود لغير موقف مثل هذا مطلبي
وطحت كني في مكاني شي تافه مايكود
حتى أرض إحتوتني ماتحفت بركبي
كني اللي حاصل له دعوة من قلب عود
وافقت له إستجابه وإستوى له مايبي
وش عليها يوم راحت وتركتني للشرود
وشبت النار بيديني وإستعانت بحطبي
وش عليها يوم سوت إحتفالات الهنود
ورسمت رمز الضحيه فوق عيني وهدبي
وشكلت قلبي طبول وقدمتها للحشود
وإستعانت في حلاها وإستقالت منصبي
وإستلذت صوت قلبي لا تعلا صوت عود
وإستغلت كل درب يم روما وتعبي
ليت وقت قد مضى لي قبل حرمان الصدود
يغدي الدرب ويجيني أو أجي له لو حبي
يوم فوحي من غلاها ريح مسك وريح عود
وإن سكت لغير قصدي قالت آمر وش تبي
تنقهر عبله عليها وسط طيات العقود
وأقهر العبسي بحب دون سيف ومشعبي
لامشتني مع دروبي وأصعب دروبي حسود
كن قلبه قلب ذيب وسط جوف في ضبي
ترسم بريده بكفي مالها حكم وحدود
وأنثر الطايف عليها بالقصيد المغربي
كرهتني في حياتي وأنكرتني للجحود
يوم فازت في ضياعي وإستملت ملعبي
إرجعي لي لو سمحتي إرجعي لي يالعنود
دام قلبي يوم رحتي في ضلوعي مختبي
مايفيد الحال بعدك لانياف ولا خلود
وش يسوي كل مكسب دامك أنتي مكسبي
إذبحيني لو بغيتي وإلغي إسمي بالوجود
وإكتبيني تحت عطفك دام بيدك مخلبي
وكان خفتي من خيانه قيديني بالقيود
وعقدي لي تحت نمله وسط غار مرعبي
ماعلي من الملامه والاهانه لو تزود
والرجوله مانبيها لا نويتي تقربي
واجد اللي يحسبون الحب تفتيل الزنود
ظافرين وكل واحد بنت قلبه تنسبي
الدعايه دبلجتهم من شموخ وبيت جود
في بحور لو تبعته كان يغرق مركبي
ماعلينا إرجعي لي لو سمحتي يالعنود
دامك أنتي أكبر أكبر من شموخي وإدبي
وصدقيني لو يحول الوقت دونك بالسدود
ما أنكر إنك يوم رحتي طحت واثق بركبي
قصيدة يا امعذبني ليه هذا الجفا ليه
يا معذبتني ليه هذا الجفا ليه
وأنت تضمين الثرى من ظلالي
وشذا الغرور الله يحمد تواليه
من وين جالك هالكبر والتعالي
تعالي أنت دام كل وماضيه
الحب ما هو بس حقي الحالي
لا تذبحيني بالعتب والمشاريه
والله ما بيدي سوى رأس مالي
معزتك وأيضا القصيد ومآسيه
والضيف لا جاء والحطب والدلالي
وعن حلفي اللي قلت طير يعشيه
كفه ليا بردت عليه الليالي
يعني ثلاث أشياء أملك من التيه
لساني.. وقلبي.. وطنخة عقالي
أدعيك في كل اسم يسمونك فيه
يا أم الحسن وأم الترف والدلالي
عودي لقلب صار ما عاد يمديه
يرقع اللي راح يا هملالي
وإذ أن قلبك وده إنه أنا اأدعيه
بأسلوب أفضل يرتقي للمعالي
ممكن أحاول أتحضر وأناديه
واقولله إذا تحسن مقالي
يا جمرة الوجد المسمى وطاريه
ويا عقد بأحجار البحر واللئالي
إليا ظهر بدرك مع الليل أسرية
واليا اختفى ما عاد صبحي مثالي
أساور الشك الطبيعي واأناجيه
وأرقى على رجوم الغلا في خيالي
أفارقك في ليه وألقاك في ليه
وأحيان احسك ما أنت داخل مجالي
أحيان احسك شيء وأثرين طاويه
وأقاسمك وألقى حلالك حلالي
اقتل خيالك واتحسف وأبكيه
وأرثيك وأثرك من عيوني قبالي
وازعل وأخونك واذبح القلب واسقيه
وازعل على نفسي وأدور بدا لي
متضارب بين الغلا والمتاييه
ضايق وأحس إن الزمن ما صفا لي
واذا تركتيني أقول اللي أبغيه
بقول لك إنك سبايب هبالي
خلي فؤادك لا يكثر تغليه
يسرع يجيني قبل أشد الرحالي
الخاطر اللي ما توسع مفاليه
ما هوب متحمل على كل حالي
لا تحسبيني من عروقي أغذية
طبعي جنوبي لو غدا أصلي شمالي
طرح الكريم اللي وساعن مذاريه
ما ينتهض الا يشيل الثقالي
من عرض عصمان الشوارب تواليه
اللي إليا غارت تدك الجبالي
وأنا من فروخ الصناديد ياهيه
أعمام والا لنجذبت لخوالي
ابسط نداءتي إلى قالوا البيه
ومن أصغر ألقابي طويل السبالي
مغرور فعلا واعترف لك وما فيه
عيبي إني أفخر وافتخر في فعالي
لو قلت لك يا هيه ردي بلبيه
ولو طال بالك شر بيطول بالي
كذا نحل المشكلة والمشاريه
وأضمن لك إنك تاردين الزلالي
قصيدة اشتقتلك يا رفيق الطير والدله
اشتقتلك يا رفيق الطير والدلة
شوق الصحاري لنبت العشب والماطر
لنك فهيم تعقد الحبل وتحله
حر معرب سلايل مخلبه شاطر
مفرع قرامه وفعل وقول وجبله
كلك مهابه ورب البيت يا ماطر
إليا فقدتك أحس بكوية الملة
واليا لقيتك أروق وياسع الخاطر
لكن وقتي دمار وعلتي علة
جيت اتبرى بوجهك علك تشاطر
الوقت قرب وأنا يالقرم بي خلة
وانته أشوفك لساعة موعدي ناطر
لا تنتظرني وذيك الدار محتلة
والدم فيها على القيعان متقاطر
وشلون أجيها بكفي طير واشله
والواجب إني أشيل السيف وأخاطر
ما كنت لفعل وأصيد الريش واحله
والبوش يذبح أوادم حل ويساطر
خل العراقي يموت بديرته خله
واقنص بدارك ودور جرة الفاطر
كذا أونك ليامن رحت مع شلة
خل الحباري وصيدوا جندي الباطر
قصيدة المدلهمه والهموم وحنيني
المدلهمة والهموم وحنيني
والوجد الأشهب والضلوع الهميده
كل المناظر لا طريتي تجيني
يا دار عزي يا ضواحي بريده
والحاقدين الحسد والعاذليني
وديار نقصى والرجال البليدة
كل عجز يحتال بينك وبيني
عتقتي الحيلات وانتي جديدة
طرت عليه في ديار الخميني
والنفس شفقى والمساري بعيدة
ضاقت علي وهلت الدمع عيني
وعرفت وش معنى الضروف العنيدة
تسبل دموعي وأبيح كنيني
كني وحيد فاقد له وحيدة
حنا ورى كاشان نفرق يميني
وانتي بنجد ودون حايل وضيده
نفحت هواك اللي تمر البطيني
هبت وتلت من خفوقي وريده
يا دار اللي كل ما قلت ويني
جتني مثل أم تباكت وليده
فيك الرجال اللي تبرك سميني
أهل الفعول اللي خطاهم سديدة
يوم أنها مبطي وهي بالثنيني
بالسيف والعقل الحكيم ورصيده
وهم رجالك كل حزه وحيني
فوق الأصايل والبكار الفريدة
الله يرحم ماضيات السنيني
من قبل لا تنشف موارد زبيدة
وانتي رجالك بالمواقف تبيني
مع الإمام يثبتون العقيدة
أنا بقول الحق والله يعيني
وليا احتمت ناري بدق الحديدة
إليا سجدت وحب رملك جبيني
ذكرت قول اللي اسمي حفيده
يومه يقول اسمع وأنا أبوك زيني
وعينه شرار ويمسك الرمل بيده
يقول لا تغفل جزاء الوالديني
وربك خلقك وصر من أحسن عبيده
وأن خيروك تعيش بس سنتيني
عش بالقصيم ولا تعدى بريده
كله طرالي وقت ذاك الحنيني
ويليتها رحلت عديم وسنيده
أن كان أنا ما جيت عند اللعيني
راع البقالة واشتريت الجريدة
وقعدت أدور صورت معزبيني
فيصل ولد بندر وصورت عضيده
وازريت أدور صورت الياسميني
اللي تفرعن في شعيب السويدة
وأثرى بعيد ووين أنا عنك ويني
والنودلي ما يصلون لبريده
وكل الجرايد والصور للخميني
ولخامنيه اللي يلقب طريدة
وضاقت على ديار فارس بحيني
وسبوق طيري كنهن بوريده
ولديت في ربعي وهم مستحيني
وحاولت اجمع بس جملة مفيدة
قلت أنتم أصلا ما عرفتو حنيني
ويحول ياللي ما سكن في بريدة
قصيدة رحمتك يا الله ترحم ضعفنا
رحمتك يالله ترحم ضعفنا
يوم غم الجو وأخفيت الجدي
يوم همي فوق متني متنا
والسلام عصوف ريح ترعدي
والظروف أكبر من اللي ودنا
والفراق الحل والحل الردي
لا حياة ولا ممات ولا هنا
في حنايا الضيم ألقى مقعدي
إن سهرت الليل مس ومسكنا
وإن غفيت أفلام رعب تحشدي
صاير ما بين مظلوم وأنا
اختلفت وودي أعرف مولدي؟
والكرم لليأس كأس مدنا
نشربه لوهو علينا يجهدي
وش نسوي دام هذا حظنا
والحواجز ما تعدى بالعدي
مير صبرك يا لحبيبه بالعنا
اصبري يا روح روحي وبعدي
لا يهمك دن دنات ودندنا
وبلبة حساد وأغضي وارقدي
دام أنا وأنتي تلاقى جدنا
نلتقي لو هب ريح جلمدي
قصيدة ما بيك يا بنت الحلال اتركيني
مابيك يا بنت الحلال اتركيني
دربك وعر ورمال مكحول في فخ
أنا فقير ورأس مالي حنيني
وأنتي متونك باللذيذات تنزخ
تبين لندن ما تحبين كيني
وسواق خاص ولبس فاخر من الجخ
وإليا أهتويتي قلتي يالله تجيني
أسرع ترى شوقي على النار يطبخ
يا هيه أصحي وأعقلي وأعرفين
أموت عز ولا تذلل وألبخ
يلعن أبوك وجد جدك مهيني
وأنا عزيز وكل ربعي مطنخ
من لابة يسوون عندي سنيني
لضيوفهم حيل جزالي تنوخ
والحب ما هو لك لوتزعليني
وحزوم نجد لرأس مثلك تكمخ
الحب يبقى في حشايا دفيني
اللي على وكره إلاجيت يكفخ
أبو عيون كنها جمرتيني
وأركو عليها كل الأوقات بالنفخ
أشتاقله لوهو موكر يميني
واصبر عليه شهور مرسوم بالمخ
ومع السلامة لا تقولين ويني
روحي عساك بوسط نار تبوخ
عساه لامنه حيى الشوق فيني
وسألت قالوا ماتت العام يا أخ
قصيدة على حد الأمل يبقى بوجه الوقت لمحة نور
على حد الأمل يبقى بوجه الوقت لمحة نور
وعلى حد الجهل يبقى به الهوجاس وإخوانه
مثل ما للعزيمة سيف وتكسر به رماح الشور
أنا لي من ردى حظي عذاب عشت بألحانه
يعيش بداخلي نص تكسر به ثلاث شطور
وأعيش بداخل أبيات سخيفه مالها خانه
يجيني وقت وأتخيل أكون المبدع المشهور
تصفق له جميع الناس على شانه.. على شانه
صدوق ما صدقت إلا يكون الصدق بالمحضور
كذوب ما كذبت إلا على اللي كذب أعيانه
أهيم بصمت وأتخيل يكون الزور مثل الزور
ويوضع فرق بين اللي يخون وبين خوانه
وتسمع كلمة الآمر وتسمع كلمة المأمور
وتنسى كلمة الآمر وينسى كلمة لسانه
ويصدق متعب حالي بوعد قبل خمس شهور
ويصدق بس في ظني وأهذري بس بلعانه
ويرجع نفس ماجاني ويرجع للأماني دور
وأفكر ما لقيت إلا تكون فلانه.. فلانه
عظيمة كنها قصر تعلى نايفات السور
رقيقه كنها ورد تفتح وسط بستانه
بعيدة كنها عني مثل بكرى لبعد دهور
تكافؤ كن هالدنيا تعيش بوسط ميزانه
تجيني تلتجي بحماي ما دام أن الظلام الجور
تقول أرجوك ساعدني فديتك أنطق الهانه
وأقول أنت؟ هلابك يا بعد مي وعفاف ونور
هنيا لا عدمت الوقت عساه بمدخل إحسانه
وأخذت شوي واستلهمت خيال ما مضى له طور
ولا كن الخيال أكبر من اللي ذاق خذلانه
وجاني حس واتخيلت بأني بالنبيذ أفور
سكرت إلين هددني خيالي يطعن اطعانه
طلبته لين خيلني وكني داخل بقصور
مكان لا صدر منه الكلام يكون بمكانه
ومشيت وقبل لا أقعد به لقيت الداير المحفور
ونويت ألبسه لكنه طردني صاحب الحانة
حرمني من خيالاتي وكسر لي ثلاث كسور؟
أكون الحر والشاعر وأحب آيات إنسانة
قصيدة ليلة عريس
أستريحي كنك المفروض في ليلة عريس
وأستغلي مدة الديان في وقت الفلس
لاتعيدين الخطايا لاتحمين الوطيس
وأنت أدرى في طلوعك قبل دقات الجرس
ماابيك بدور ليلى لو عشقتك عشق قيس
بس خليني أشوفك لين ماآخذ نفس
أفرجي عني بعطفك لا تخليني حبيس
وأحبسيني وسط قلبك وأسطري عندي حرس
مابذلت أغلى اجتهادي .. كل جهدي بالنفيس
وماغرست الشوق فيني أنت اول من غرس
ماعشقتك من غرور وعارف درب الحويس
الرجل لا رز خشمه غمض العين وعطس
ماعشقتك عشق فارس يهتوي مهرة عويس
عاشقك خيل اصيل يموت في ذيك الفرس
خلي العذال تدرع من قهرها بالحميس
وأتركيهم خلف ظهرك وأستهلي بالدبس
وإن حسبتي لي حساب وعدت للمنصب رئيس
بأخبرك بأني عشقتك بس من زود الونس
قاهرتني في جراءة عين وطلوع الخميس
لين سويت التحدي بين عشقك .. والطفس
وأحمد الله من كسبتك ماكسبت إلا لميس
بنت لاسلطن دلعها خلت الشاعر خرس
لويعرف إبليس بأنه لاطرى نلعن إبليس
كان لاشفته بدربي دق لطمه وإنتكس
وأنت أدرى في علومي والغلا لك يا.. لميس
وفوق هذا لا لمحتك دق قلبك وإنكبس
علمونا نخاف فطره من نياشين البوليس
بس وشلون نتعلم ناكل التمر بعبس ..؟
