اغنية خالد بن حزمي الجديدة

يا سلامي بسم شهران العريظه

يا قبايل يام يا يام العظامي

الوفاء في سلمنا مثل الفريضه

كل ليل وكل يوم وكل عامي

نفرح الصاحب ومبغظنا نغيظه

بالتواريخ العظيمه و الاسامي

لاعب الغربي معاليق الحشاء بانسامه

واستوت شرد البيوت وليلها سماري

وان دعاني الماقف الغصاب جيته ساري

الشعر ماصخيت به لو كثرو السوامه

ما استغل الموهبه مابين بيع وشاري

اكتبه لا جاء لزومه واحفظ مقامه

واستلب اعجاب ذواق الشعر والقاري

شاعر يتعب على الفكره قبل هندامه

انفذ ذراعي لا جاء الماقف وافك زراري

خل شعار المظاهر داخل الدوامه

ما طبخ روس الرجال الا القصيد الناري

و كب نضم الشعر فالخده وفالسلهامه

الحمل يبغى جمل والقوس يبغى باري

ابلج ازود به لا حل فيه الطاري

ابو مسفر سمعته عطره وعالي هامه

جابل نفسه على العليا وراسه ظاري

ذا دثر يمناك ياسعدالخوي و حزامه

محزم فالخير ولا فاللزوم الطاري

ياولد عودا عسى ربي يمد ايامه

شايب تفخر بني عمه وفيه تماري

يابن جديعان ياركن الفخر و وسامه

نسل قوم مجدهم شامخ ويتعب قاري

عزوة ال فهاد لا ثار الرمك وعسامه

من يجي فنحورهم يظرب برمح فاري

طرشهم يرعى الخطر يوم الجهل وايامه

لا اللتقاء الجمعيين وغبار المعارك ثاري

هم عمى عين الخصيم وعلته وخزامه

لارتفع صوت النذير وحان رد الثاري

من وعيل مهكبين الي براسه زامه

من زحول رجال يام ومن ركون الداري

يام بن يصبا ليا ركز الفخر باعلامه

ما يجاريهم ليا حمي الوطيس مجاري

يعجز الكاتب ما يحصي مجدهم بقلامه

قاله التاريخ واقوله وقاله غاري

معلومات الاغنية

شيلة مهداه الى

مفرح مسفر بن جديعان الفهادي اليامي

كلمات الشاعر سعيد مناحي بن شيبه

اداء المنشد خالد حزمي