اغنية عتيبي الحارثي الجديدة

اقربي لي يالهواجس و الحروف الابجديه

زان مسرى الليل ناوي هاجسي ذا الليل ناوي

ما حسبنا للضروف و للعواصيف العتيه

لا احتزمنا نوّرد الظامي على الجم الرهاوي

كن من دون الحنايا العوج تشعم نار حيه

وسط حجر العين نار و ف الضماير ذيب عاوي

غير ثورات الرمك و اصوات ترديد العزواي

لعن ابو راسٍ ما يوجد به صعاطير و حميه

و لعن ابو راس الضعيّف اللي ما تجذبه النخاوي

يابن اقليل تحزم و اترك الباقي عليه

من تعذر عن مواقيفه حياته وش تساوي

لازم ابن العم فرض و دونه الغيبه خطيه

ما تبي الدعوى شوير و لا تبي الدعوى فتاوي

مرحبا من طيب ذات و مرحبا من طيب نيه

مرحبا عد المخيل اللي يجي سيله نحاوي

مرحبا عند الرجال اهل الكفوف الحاتميه

روس قوماً ما تضيع ابها الهقاوي و الرجاوي

ضيفهم يقلط على الجزله و كيف الشاذليه

ضيفه و كيفه و ترحيبٍ جزيل و طيب جاوي

الوفاء فيهم سجيه و الكرم فيهم سجيه

كن فعل الطيب مقسوماً عليهم بالتساوي

اخر اقليل بن مريسي رجالاً صيرميه

ما خذين المرجله بالفعل ما هو بالمناوي

لا غريب و ربعهم تاخذ على الناس اولويه

العضاوين اهل صيتاً كنه النجم السماوي

كيف ما نفخر و نتباهى بالافعال القويه

مكرمين الضيف. عوق الخصم. مزبان الجلاوي

اسم ما أحداً يجهله فالدين و الا الجاهليه

ما أحداً يجهل بن الحارث بعيدين الهقاوي

من كرمنا نخلي المرحان في صبح و عيشه

و مالنا مقسوم للوباااال و الا للشااااوي

و ان قبس للشر نار و قام للعدوان هيه

فعلنا معروف ف الاخصام ما نرحم و ناوي

و الخوي منا يجمل فالاوازم مع خويه

من لا خاوى مثلنا بين الخلايق لا يخاوي

و كل دار ابها رجال و صيت و الدنيا مديه

و كل رجلاً مجذبه طيب على الامجاد قاوي