اغنية فرقة أسفلت الجديدة

بصبح ع اللي نايم وأصبح ع اللي فايق

بصبح عاللي بياكل ساندويتش وهو سايق

بصبح ع اللي واقف في الإشارة

واللي بيلعبوا كورة قدام العمارة

بصبح ع اللي لسه مروح

واللي قايم من سريره بيطوح

بصبح وأمسي

على كل شوارع مصر بنفسي

واللي بيرغي مع صاحبه في حوار

بصبح ع اللي الشغل جايب آخره

واللي واقف أول المحور وأخره

بصبح ع اللي مزنوقين

في الدائري والرماية والحسين

بصبح ع اللي متأخر ساعتين

صباح الفل على كل المصريين

الصبح بدري بيبتدي بأغاني سوما في الحسين

وفطور وشاي مع ضحكتين

وقاعدة مع ناس طيبين

ريحة الشوارع والحواري لما يلمسها الندى

والشمس بتفتح عنيها

مية مسا ع الجدعان الكويسة

الليل طويل وكل الناس متحمسة

بمسي ع اللي يومه لسه بيدأ

رايح على شغلك ولا ناوي تحلق

بمسي ع العسكري اللي واقف في الضلمة

بمسي على شوارعنا لمبة لمبة

بمسي ع اللي قاعدة في البلكونة

مع جارتها بتجيب في سيرة دولا

بمسي ع اللي بيفسح عياله

واللي منامش بيخطط في احلامه

بمسي ع اللي عند الكشك قاعد يفتي

بمسي على كل رجالة منطقتي

بمسي على كل زملكاوي وأهلاوي

ولمة الصحاب آخر الليل ع القهاوي

بمسي على كل اللي صاحيين

مساء الفل على كل المصريين

بليل صحابك لمتك ضحكة هزراك وسطهم

في بلدنا حاجة خلتك تحبها وتحبهم

جوة البيوت هتلاقي كل اللي انت عشته واللي فات

ايام زمان وسط الآمان وطفولة كلها ذكريات