اغنية ماجد الكدواني الجديدة

مين يادوب لسه معدي التلاتين

مين طلعله شعرة بيضا من يومين

مين يا عيني مش مجمع

مين حالا اهو هيدمع

لما نقوله عمو عشان مواليد تمانين

مين بيدهن ڤورتاليم قبل ما ينام

مين بقى ينسى أسامي الناس وسط الكلام

مين بيحب الكنبة أكتر

من خروجة وناس بتسهر

مين بدل ما يجادل بقى بيقول تمام

مين بقى بيطقم في البيت البيجاما

مين مش فاهم زياد ظاظا

وبيطبخ يوم الأجازة

وأما بيخلص تمرين يقول آه يانا

ده عمو عمو عمو اهو

كان لسه كابتن مين كبره

وطنط طنط طنط كمان

كانت لسه بيبي مش من زمان

مين مكبر الحروف على التليفون

بالنسباله سينما ١٢ ده جنون

مين الحلوة اللي بتتخض

لما اللي في طولها تقولها طنط

مين داست غلط وعملت كول تون

مين شكلنا خلاص قربنا نفرح بيه

مين خلاص مبقاش صغنطط

ويادوب يلحق يخطط

ونوصله لحد البيت اللي ينقيه

ده عمو عمو عمو اهو

كان لسه كابتن مين كبره

وطنط طنط طنط كمان

كانت لسه بيبي مش من زمان