كلمات اغنية أسهرت ليلي محمد المنهالي

أسهرت ليلي كلمات

اسهرت ليلي والخِلي بايت ذهيل=اسباب من تحلا المثايل وصفته

بو يادلن ضافي على متنه ثليل=خلّن امعذبني وانا في ذمته

حذرن من القنّيص مذيّر يثيل=مثل العزيب اللي بعالي قفرته

العين عين الحر لي شاف الضويل=زول الحباري وتّقت عن طلعته

له هايتن جنّه من الامهار خيل=يمتاز في غاية صباه و نشوته

امعزلن مثل الدبي خصره نحيل=يا ريم هذي بالمثايل وصفته

يا بن خليفة الوصل اصبح امحيل=والدرب فيه ألغام نصب اموقته

منّي لك التقدير والشكر الجزيل=يامن تبرع في خطور مهمته

لتكسب المعروف وتنال الجميل=يا كاعبن نظم القوافي شهرته

مشكور من عندي عليك الله كفيل=من يوم شاركت الخِوي في محنته

يلومني خالي من العقل الهبيل=لي ماعرف ذوق الوداد و ليعته

وش استفاد المستجير امن الدخيل=اداخلت ناره وصارت جنته

انا الذي تابع طريجي والسبيل=يا صاحبي شوف المنايا حدّته

اطوّح الونّات وايرّ العويل=واناوح الورقى بعد في سجعته

تايه وفي الصحرا ولاعندي دليل=والنوالي شطّبه وش حيلته

لي مالكنّي ملك للمال البخيل=ولأ وحش حرّن قبض في شبكته

خلّن وداده لا يحول ولا يزيل=لو زالت اجبال الرواسي الثابته

لأنه وداده في وسط قلبي نزيل=شابج على لفواد وثّق قبضته

واصبحت في حكم المحبة له ذليل=حبّه يهددني ويفرض قوّته

ياليت منهو لا حسود ولا عذيل=والواش يسكت لا يبيّن رمسته

طعم المحبة بيننا كالسلسبيل=ندر الشرف نسكن بعالي قمته

ابغاث روحن في حشايه تسطيل=من يوم خلي في طفوله صغرته