كلمات اغنية ابتسامه محمد اسامة

ابتسامه كلمات

بكون سعيد لما بقرا كتاب جديد

لما ببقى جزء من ورق كياني مش وحيد

لما بامشي في المطر و أما بتأمل الغيوم

لما نسمة باردة تهزني و انا جوه الهدوم

لما لوحة تترسم بفرشتي و كل لون

يزق لون شجر تتمايل الغصون

لما باختلي بنفسي و انفرد مع الطبيعة

لما روحي للكآبة و الألم تكون منيعة

باكون سعيد لما بنت تبتسم لي

لما فرصة تتقسم لي او مبارزة تتحسم لي

لما احس اني شيء مهم لناس بحبهم

لما اساعد حد ماعرفوش ازيح عن همه هم

لما ارص راب بكل متعة حارة و احتدام

لما ناس بتنسجم بكل لحن من خيالي

لما ناس تقولي كلماتك غيرت لي حالي

انا العنيد بطارد السعادة للأبد

أنا الأكيد رافض إن قلبي يتقبض

أنا الوحيد بقابل الحقيقة بابتسامة

باختلق سبب لفرحي أعلمه بميت علامة

باكون سعيد لما اسمع مزيكا بروح

لما تحرك جوه مني شيء ايجابي أو طموح

لما أكلم النجوم و أبقى عايز أروح لها

لما كل سر عندي بيه أبوح لها

لما تتلاقي العيون و تتصل بألف لهجة

لما كائنات كتير أتسبب لهم في بهجة

لما احس ان فكري مش مرتبط بسني

لما يوم احس ان ربي راضي عني

لما عيني تفترض خيال رافض حقيقة كافية

لما باجتهد بروح و متعة خالية من التعب

لما أأدي دور في مسرحية صعب يتلعب

لما أخش سينما و أتاسر بصورة سريالية

لما خبرة الحياة تزيد من اللي حواليا

لما صوتي يستمر في الكلام بدون حدود

لما قلمي يستمر في كسر كل القيود