كلمات اغنية ابن عريعر فهد بن فصلا

ابن عريعر كلمات

يا لليل روح واسحب ردونك تعداك الملام

الصبح بانت وجنته من شرق حمر اطرافها

بعد ما حطيت الحسا خلافي و فارقت الدوام

قلت الله الله و القصيده ذا بحرها وقافها

الفكره اللي ما تلد انظار وتثير اهتمام

ما اشوفها لو غيري اليا شافها ما طافها

اتعب على اللي من سببها العين حاربها المنام

في ليلة يسدل على المستشعرين لحافها

الشاعر المبدع ما يقبل فـ الحلول انصافها

من يوم جيت لـ ساحة الشعار من خمسة عوام

ماجيـت فـي طرافهـا شرفـت فـي مشرافهـا

عنيت صفرا لا استعنت ما يركدها اللجام

وحذفت منها لجامها و جنت وزاد اشعافه

عسفتها وذخرتها لـ وقت المهمات الجسام

والا بعـد قدمتهـا و ما جملت عسآفهـا

لا قدموني ربعي بـ مقام انا قد المقام

يا خيل الحيزا و انا هزاع عن محرافها

عدوني اني في يمانيهم مثل حد الحسام

وعدوني الفنجال لا صديت عن ميقافها

وافخر و اماري في مشايخهـا و في عرافهـا

نهار ابن سرداح لـ ابيات الثنا فيه انسجام

اتحقق بيوت القصيد العصم فيه اهدافها

مخلاص عسرات الامور و عون ربعه فـ المهام

اليا وقف في شان ربعه مايبين خلافها

مسلطه ربي على كسر الخشوم ام العرام

ان ما كسرها طاول اعرام الخشوم ارعافها

اصطا من السيف الحدب وارها من مزون الغمام

وجهاته تعتق رقاب خضر من سيافها

فـ عيون حكام الخليج يشاف له قدر و مقام

ولاهوب يمسح جوخها ولا يحب اكتافها

يقدره سلمان اخو نوره و يكن له احترام

اقلها و ادلها صوره و كل شافها

يا ابن عريعر اسمك لحاله على الطاله وسام

راسخ بذهن المجد وان مر الاسامي طافها

مافوق والله جدك الا ربه و ريش النعام

عنده جبابرة الجزيرة تعلن استضعافها

واليا ذكرت فعول ربعي ستر مردوع الوشام

من حق الاحفاد التفاخر في فعول اسلافها

ياقف لنا المجد و يبادلنا التحيه و السلام

من هيبة اسمانا الجزيره تعلن استنزافها

قبيلة ما مرت التاريخ بـ مرور الكرام

امجادنا مضمون كتبه و اسمنا بـ غلافها

كبار البيوت اهل السموت الي زبنا مايضام

اخوان شما ماشكا من عاش بضل اكنافها

نعرف بـ اهل الخضرتين وذا اسمنا بين الانام

ينبي عن الماضي بني خالد و كثر اوقافها

الاوله وقت الربيع ان زان مفارع الجهام

و الثانيه في نخلينآ و الخير في مصيافها

اليا رضينا احن والطف من ذعاذيع النسام

و اليا زعلنا مقدم القوم نحذفه خلافها

خوالد دقلاتنا تفصل من الراس العضام

البرتغال جيوشها حنا السبب بـ اضعافها

محد طمع في حدنا من يوم زرقات السهام

هبس الحمايا حدها حاميه حد رهافها

اللي سمعنا اصواتهم طالت بعد حكم الامام

امجاد روس القوم وش جاهم على حرافها

تفرق بني خالد مثل فرق الفعول من الكلام

اليا كسبنا سمانهـآ ما نلتفت في عجافهـآ

نقلط على صدر التواريخ المجيده كل عام

و نجلس عيال الكباريه على طرافها

من بطشنا فـ اخصامنا صرنا قضية راي عام

تجمعت سبع القبايل ضدنـا بـ احلافها