كلمات اغنية اخوان بدوي خالد ال بريك

اخوان بدوي كلمات

البرق يبرق والهوى نسانس ووالليله جليد

وسمر البيوت اصغوا مناكبها وشبوا نارها

جون بديع ولا احسن امن الصبح ياصبح الشديد

على ثرى رخم المزون اللي تهل امطارها

اخوان بدوى سجوا الاقدام والديره بعيد

والبل سباريت الخرايم ماتهد ازوارها

الله يعين اللي يطق الراس ويطق اللبيد

وام الحوار الله يعين اللي يسوق احوارها

يازينها لابركت في خايع نبته جديد

في روضة يلعب على مد النظر نوارها

على مشاهيها يبيد الحيل ويبيد الحديد

اما على مسنادها والا على محدارها

السلعة اللي من مشى معها يفيد ويستفيد

تعلم الرجال بعلوم الدير واخبارها

شوف النشاما عندها يوم سعيد وليل عيد

تذبح كرامتها لزايرها ويعزم جارها

البدراني

معها يطيب البال وتزين السوالف و القصيد

ودك تسمع وصفها لا هجرسوا شعارها

الحيها يم السماء و ارقابها مثل الجريد

مثل الهضاب الا ان ربي خصها ب اوبارها

قيمة غلاها ماتحدد ب الدراهم و الرصيد

يكثر غلاها كل ماقامت تزود اسعارها

هاذي مواريث الاصاله من حفيد اليا حفيد

تبقى على مر الزمن ب رموزها و اشعارها

الحويقل

هجرة نبي الله عليها من صعيد الا صعيد

الهجرة الي مبتدا التاريخ من مشوارها

كم من صباح حثت الخطوة على الراي السديد

يعني هي الي شالت التاريخ فوق اكوارها

البل هي العنوان والمضمون والعلم الاكيد

اللي عليها بنيت السيرة وقام جدارها

من سيرة القصواء بداية سيرة المجد التليد

حيثه بدا بني الحرم من حيث حطت زارها

البدراني

ولا صاح صياح النهار وهيمن الخطب الشديد

مصيحه كم قلعتن تجتاح عبر اسوارها

يوم الموحد في ضهرها شيد الصرح المجيد

والمملكة عمر صحاريها و لم ديارها

خلا رسنها من ذهب ياعقدة الحبل الجويد

مركاضها يرسم على وجه التراب اثارها

واللي عليها تحدي الركبان وتجر النشيد

على معالم درفة المصمك يلوح اشعارها

الحويقل

حتى احتواها النادي الي كل عام في مزيد

بيرق موحدها وسيف الي حفظ مقدارها

وشلفى ولي عهد البلاد اللي عسى عمره مديد

غير الشداد اللي ينومسها ويرفع كارها

البدراني

من عقب و ثقها و سماها ووصلها بعييييد

ترقى على حد السماء ب اذكارها واخبارها

وتزهى محافلها الملوك وتنظم العقد الفريد

مدينة حتى ملوك العرب من زوارها

صبح الصياهد في تواجدهم نعده صبح عيد

ودايم خواتيم الامور تزين من حضارها

الحويقل