كلمات اغنية اخين ريشا كوستا

اخين كلمات

كل اللي راح مني فدايا اهم حاجه صاحبي معايا

فداك يابا الدنيا بحالها ومعاك يصحبي للنهايه

في ناس تروح وفي ناس تيجي

وانت اللي سالك وباقيلي

كتفك ف كتفي وطول عمرك

صاين زميلك يا زميلي

القاعده لو مفهاش صاحبي

انا ببقا مش واخد راحتي

هو الوحيد اللي فاهمن

وتملي مديني مساحتي

في حجات كتير بيني وبينو

دا تؤام روحي ع الدوغري

شال عني ياما كتر خيرو

يا صحبي يا اوفا واحد ليا

يا مهون الدنيا عليا

الاقي فين زيك تاني

يا اكتر واحد حاسس بيا

يا اعز واحد علي قلبي

علشان بتزعل علي زعلي

اخويا واكتر من اخويا

ف الحلوه والمره دا جمبي

ولما كلو يابا خذلني

ملقتش غير صاحبي يشيلني

يزعل كلو من اجلي

ولا عمرو مره يزعلني

حنيه الدنيا ف قلبك

والناس بحالها يابا حبايبك

بتشرف ان انت زميلي

يا اجدع واحد شافتو عيني

يا رجوله وسط صحاب صيني

عمرك ما بتشيل يوم مني

وانا لو زعلت بتراضيني

اللي ف جيبك يابا ف جيبي

صحبي وزميلي وحبيبي

قلبك كبير وبتسمعني

و ف وقت وجعي انت طبيبي

دا اخويا وازعل علشانو

ولا الف غيرو يملو مكانو

واجدع منو ملقتشي

صحبي الرجوله دي عنوانه

واقف مع الكل ب قلبو

والخلق كلها بتحبو

سالك وكلو بيشهدلو

و ف النزاها مفيش قدو

اخين و واخدين وضعنا

قلبنا يابا علي بعضنا

اتنين مفيش وسطينا تالت

ولا اي حاجه بتهزنا

هقولك كلمه علي الابيض

انا اخويا عمرو ما يتعوض

من وسط ٧ مليار واحد

نقيتك يبو قلب ابيض

يصاحبي من يوم مبدانا

وانا وانت يابا علي مبدأنا

اتنين بقلب راجل واحد

ولا عمر حاجه هتفرقنا

لو الصحاب ارزاق يسطا

فأنا رزقي الحلو هو انت

انت اللي قلبك علي قالبي

والباقي يزميلي اونطه

تسمع مشاكلي مبتلمش

سداد يصاحبي مبتقلش

طول مالخساره يسطي مش انت

يبقي انا يا زميلي مخسرتش

بسند عليك انت يا كتفي

مليش غيرك انت يبونتي

بحبك وغلاوه امي

واموت عليك انا برقبتيلا