كلمات اغنية اربع سنين عمار حسني

اربع سنين كلمات

فالبدايه قالولي المشكله فنبرتك

قلمك مش قوي و للاسف مافيش عندك موهبه

توبيكاتك ممله جدا مش بتحكي فحاجه جديده

رايماتك غريبه و عموما لونك مالوش مكان وسطينا

يا تغني زينا يا تبعد دي الشروط

هتقدم القرابين لاله الراب و تسجد هنحبوك

غير كده هنتجاهلوك و لو عليت هنوقعوك

و لو نجحت هنقول احنا الي عملناك و نشتموك

و الفكره ان انا مش من اعضاء الشله

والراب مش كتاب للاسف هنا مافيش قواعد ثابته

فعرفت ان مافيش اي فايده و ان اي محاوله فاشله

و اني لوحدي فالمجال ده معادله صعب تتوزن و تنجح

و السكه الي عرفتني عوني ممتنلها بفضل

و اتعلمت ان المحن بتيجي بمنح

لحظه الخساره كانت مكسب بس بتعلمك

وبدانا سكه خسرنا الف جته

جت علينا ايام كنا بنكره نفسنا من المحاوله

والمزيكا لعنه اظن احنا اتلعنا

خسرت حاجه مقابل فنك هل استحق فعلا

متبصليش انا بردو زيك كنت عيل

صعب اتخلي عن حياتي عشان احلامي مش متاكد

الموضوع مشوش مبقتش بنام تقريبا

عندي مسؤليه دراسه و اهل مش بس المزيكا

والحقيقه الموضوع مجبش همه

الراب لا يعد فن فمصر فمش هتكسب منه

و اكتر حاجه تخنق انك تبقي موهوب بس مفلس

مجبر تعمل شئ كارهه عشان مافيش بديل كويس

و اتسوحت قضيت ايام علي الرصيف

و اشتغلت فقهوه و اظن ده شئ افتخر بيه

رضيت بحكمك خليك شاهد يا رب

كله ضرب ضرب

انا مش وحش لكني انهارت

انا مش مجنون بس انا احتارت

اخر عازف ع الارض

كله ضرب ضرب

انا مش وحش لكني انهارت

انا مش مجنون بس انا احتارت

اخر عازف ع الارض

طيب بدانا نحوش من شغلنا حبه

نص وقتي شغل و ربعه كتابه و ربعه ع المخده

عشان مافيش وقت للنكسه هاجل انهياري لبكره

و بكره و بعده قولت نفس الكلمه و لحد النهارده

لا مش هرضي مش هتدفن حي

مش هريحهم من تقل اسمي انا حلمي جي جي

مش تفاؤل بس انا شخص كل ما املك عزة نفس

لو استسلمت مش هعرف ابص تاني فعين حد خلصت

عملت مزيكا تخصني

ممكن يمسحو اغانيا بس انا عمري ما هتمحي

اتكلمت عن حاجات كله بيخاف يتكلم عنها

كله ينفسو يبقي زيي بس محدش عنده جراه

انا صاحبك فالسماعات بليل

بحكي عنك مع اني بحكيلك عني شئ غريب

و دي الموهبه انا عشت حاجات كتير تشبهك

عشت الدنيا بشخصيات و شخصيه منهم توصفك

اول استوديو باسمنا باسم مكان لمنا اتناشر

اتجمعنا فعيله اخوات قلوبنا فقلب بعض اتناشر

نور كسار و عوني و دوحه و بشكل دبشه احنااتناشر

يبقي ليه تستغرب لما اسالك مين ميعرفش الاتناشر

و النهارده اظن اقدر اقول نجحت

كل الي قالي زمان يا فاشل دلوقتي بيقولي يا نجم

و الي اتريق علي حلمي حلمه بقي يتصور معايا

الناس منافقه متستناش مساعده انجح و ذلهم بنجاحك

مش عمرو دياب ولا صوتي حلو بس مميز

مش غني بقبض الافات لكن بملك جمهور يشرف

لا املك واسطه لكني هوصل للنجوم لوحدي

مش ماضي فشركة انتاج لكني عندي عوني

و انا مش هسلم من النقد و برردو هيكرهوني

تحسهم مستخسرين فيا النجاح كاني يهودي

انا بعترف باني مش كامل لكني بحاول

بكره نجوم تترص باسم عازف

كله ضرب ضرب

مافيش وقت اقول انهارت

اربع سنين تعب وصبر

اخر عازف ع الارض

كله ضرب ضرب

مافيش وقت اقول انهارت

اربع سنين تعب وصبر

اخر عازف ع الارض