كلمات اغنية ارقص يا معلم زياد الدساس

ارقص يا معلم كلمات

يا عزيزي .. كنت جمبه ما نابني غير تعجيزي

و الحياة من دُوني Easy يا دنيا بتاخدي حبيبي و فيا تغيظي !!

فينه حبيبي فينه .. راح شاف غيري أحلى في عينه

مدّ إيدينه و طعني بـ سكينه و رد دينه و هبأ

انا قلبي هدأ اما دماغي زحمه و مدد مدد

كنت وتد قلبي ودد فيك لكنه اتحسد

كله اتقلب .. مش هقلد , كام شخص في حياتي استبعد !!

ماضي مع الاحزان عقد إحتكار و اهي في قلبي بتستعبد

حُزني باقه و الحياه بتجدّد .. حزنت ما حاجه جدّت

الفرح دين و اديني بسدّد , قلبي كوره و سدّد

يعني شاط .. قلبي إتحرق و شاط من العياط

سيبت البارات و رميت خمرات ما لقيت مصباح ولا بُساط

ربك ما يبتليك بـ إبتلاء في هيئة " بنت "

لو كنت فضلت بسأل " ليه ؟ " كنت انا ألحدت

سامحت لكن سمعت صوت جوايا " إوعى ترحم حد "

----

فيه ايه بقى ما انا بتألم .. كام مرّه أحزن و استسلم

كام مَره خليتني اتقدّم .. و كلامي في قلبك بيعلّم

سكت انا مش هتكلم .. طب قبل ما تمشي سلم

ارقص يا معلم .. اهو سابني لوحدي و قلبي اتعلم

2×

----

ما شالني غير سريري مهما اتقلّب قلبي يميل و يدبدب

عايش في الدنيا اتأدب كانوا في ضهري و اتِّب

بالفرح كافر .. مش هعافر .. كنت ضلّك ساتر

و اللي خد مكاني عندك كان ببعته يجيبلي سجاير

و يا ماي هارتي .. شيلت خسارتي اما إتبطرتي

فجأه قلبي قال لـ سجارتي : احلى مسا يا جارتي

مش متضايق .. لكن من الاحزان مبقتش ألاحق

نهشوا في قلبي نهش ديابه و كله كان عمال يتغابى

راضي بـ غيابك .. ربك مبينساش الغلابه

قولي يا كدابه .. كملي سكتي ليه يا كدابه !!

مستنضفكيش تيجي ترقصي في فرح عندنا في " امبابه "

هزّي .. إنسي .. بلاش تيجي تقولي " إتجوزني "

و خدي معاد قبل اما تكلميني انا جمهوري عاوزني

و إتفضلي المقابله إنتهت الباب يفوّت جمل

و انا هفضل عندي أمل ولا يهزّك رِيح يا جبل

----

فيه ايه بقى ما انا بتألم .. كام مرّه أحزن و استسلم

كام مَره خليتني اتقدّم .. و كلامي في قلبك بيعلّم

سكت انا مش هتكلم .. طب قبل ما تمشي سلم

ارقص يا معلم .. اهو سابني لوحدي و قلبي اتعلم

2×