كلمات اغنية استبيان وتقييم خالد ال بريك

استبيان وتقييم كلمات

فيصل العتيبي

اهداء الى المرشح احمد بن صميم العتيبي

على الله كل ماقلنـا على الله تنفتـح بيبان

له الفضل وله المنة له الطاعة مع التعظيم

تعالى الله سبحانه له القدرة رفيع الشان

من كتابة عرفنا قدرته في منهـج التعليم

كريم الوجه محمود الصفات وخالق الانسان

خلق عبده من تراب وكمل في احسن التقويم

نبا التوفيق من عند الاله وينجح كحيلان

هذا ابن صميم صمم يدخل الميدان بالتصميم

سعى للخير ونعرف السعي بالخير والاحسان

مواقيفه حقايق مادخل في سعيه الترهيم

هو اللي دايم اسمه نبتديبة فـ اول العنوان

اخذ مجده وتاريخه من اهل العرف بالتبصيم

ندل البيت ونعرفه ونعرف موقع الديوان

حدوده واضحه من قبل قوقل يعطي الترسيم

ولا جينا نقدم واحد معروف بـ الميدان

مقدم نفسه بنفسه ولا يحتاج لـ التقديم

فعل يمناه بالمجهود مع بذل العطا برهان

كسب سمعه ولا يحتاج للاعلام والتضخيم

على مايبذل الشامخ له الشكر وله العرفان

يجيه اللي عليه ازمه ويطلع ناسي التازيم

لو نسوي صحيفة بالفعل ونسوي استبيان

فرق عن كل من يعطي ويفعل خير بالتقييم

تكاتفنا وموقفنا يقدمنا مع الشجعان

على فوزه ومن قبل النتيجة يصدر التعميم

هذا عتيبي هذا روقي وبرقاوي من الجذعان

مع افراد القبيلة مادخل في منهج التقسيم

خسر من حاربه واللي قرب عند الجذع كسبان

بعيد هناك عن قربه عجاج وفي ذراه الغيم

وش اللي ننتظر تكفون ثم تكفون يالعتبان

نبي وقفة رجل واحد على الفزعة مع ابن صميم

معلومات الاغنية

اداء

خالد ال بريك

كلمات

فيصل العتيبي

اهداء الى المرشح احمد بن صميم العتيبي