كلمات اغنية افراح ال مقعد جفران بن هضبان

افراح ال مقعد كلمات

اتنقى في الجزايل وفي القاف الثمين

يوم غيري بيت شعره ما يلفت لنتباه

لابدا لازم حميه ويالله نستعين

ابدع الطاروق الاول وجيب اللي وراه

شاعرن لامن حضر مايصيد الا سمين

يتقدم في المواقف وله وجه وجاه

ماتعذر دون خالي عسى عمره سنين

من تعذر جعله يحط من فوقه حصاه

ومرحبا من حد خرطم الى حد الوطاه

مرحبا يالابتي مرحبا بالحاضرين

ارحبو وعداد مازاع طيرن في سماه

ارحبو عند النتيفات عوق الطايشين

ارحبو عند النتيفات للعايل عماه

في حفل من هم على الطيب دايم سابقين

الله يطول بقاهم على طول الحياه

ايه بفخر وتنومس على علمن يقين

افتخر في حصننا ياعسا عمري فداه

جدي اللي في المواقف كما سهيل اليمين

ذاك بتال المسمى على فعل خذاه

راعي المحفل عسا الله يتمم مابناه

مقعد اللي كل علمن يشوق الناظرين

قاعدن في راس رجم صعيبن مبتغاه

والثنا للشيخ عامر عشير الغانمين

والثنا للي فعوله تجمل من نصاه

عامر اللي عامر المرجله دنيا ودين

عامر اللي من بغا مثل فعله مالقاه

ال مرشد درع جنبي عساهم سالمين

ال مرشد اسمهم فالعلا يصدح صداه

ال مرشد ضربهم يخلف المتعلمين

ال مرشد وقعهم مايصيد الا الجباه

العميري عزوتن سعد عين الزاهمين

العبي يابنت وكسي جديدات العباه

من حرب لادا العميري غدا علمه طحين

من حرب لادا العميري نوا ربي فناه

قسمنا في نجد وافي على مر السنين

يشهد الهدار وديار ربعي من وراه

والختام العود ينساق للي حاضرين

الرجال اللي نباهم يشعشع في سماه