كلمات اغنية التاريخ الاول خالد ال بريك

التاريخ الاول كلمات

ابتدينا واتكلنا واستعنا

بالله اللي يغفر الذنب لعبيده

ياسعد واصل على المجد المبنا

وانت ابوك معزب الارياء السديدة

راشد ابن فهيد والطاري شملنا

طيبه المعروف بامكانك تعيده

بارك الله في عملك وفي عملنا

حاضر في مطلبك واللي تريده

الحضوب اهل التواريخ المجيدة

احتمى نظم القوافي و استونا

مع فرح ناصر ومع فرحة عضيده

مرحبا بضيوفنا واللي تعنا

قدر الدعوة على صفحة بريدة

مرحبا والشعر والهاجوس غنى

ان بغيتوها كذا والا قصيدة

عد غرس قامت عذوقه تثني

كنه يصفق من الفرحه جريده

قالها مناحي ولد ناصر وحنا

نعتبرها فرحة وفرصة سعيدة

عزز المجد المسمى من رصيده

في حدود ديارنا وامجاد اهلنا

مرتكي متنه للامور العنيدة

للوفود اللي تجي منا ومنا

في محل اقامته والا شديدة

وفد يقلط على حيل وبنا

وفد تقلط له الحشو الفريدة

لا اطروا الحضبي تقول انك تمنى

شوفة التاريخ الاول مع عقيده

التاريخ اللي قبل روضة مهنا

والفعول اللي مواقعها عديدة

لاد الاجرب عزوة السيف المحنا

ذي عزاويها من عصور بعيدة

لا اعتزينا في المواقف واشتغلنا

علم اللي يحسب الاجرب حديدة

سيفنا اللي فالمعارك به دخلنا

لين ثبتنا معالمنا الاكيدة

في زمان الاولين وفي زمنا

بالفعول الاوله والا الجديدة

وكلنا سلمان وابشر ياوطنا

شعب واحد مع حكومتنا الرشيدة