كلمات اغنية الرفيق الطيب جفران بن هضبان

الرفيق الطيب كلمات

في علو الشامخ اللي تدهله سحم الذيابه

مرقب زحول الرجال وماكر الحر النداوي

مستقل كل ماطاحت على متنه سحابه

فزت امتون الشيوخ ودقة البشت الحساوي

في حجاه القى شوارد فكر ورسوم تشابه

تبعث الشوق القديم وتشعف القلب الشقاوي

في ديار من مراويح السحاب تقول غابه

والنسيم اللي يجي من يمها وصفة مداوي

من نوادر جرة مهلي ومن طرق الخلاوي

ياظروف الوقت جعل القاف مايبطي غيابه

من ثلاث سنين ولا اكثر وذيب الصدر عاوي

حتى لو ان القصيد المنبري قفلت بابه

حافظ قدر الرجال وشاعر ماني بغاوي

الرفيق الطيب نوفيه ونقدر جنابه

ماتعداه العيون ولا تعداه الهقاوي

ان زهمنا في مقام الطيب ثمنا جوابه

وقفة الرجال مع خيرة ربوعه وش تساوي

يا علي بن ضاوي ان حبوك ربعك لا غرابه

وانت يارمز الوفا جدك فهد وابوك ضاوي

شاننا واحد ليا جات المواقف والنخاوي

في حفل ماجد وتركي بالاصاله والنيابه

مرحبا واللي بعدها سوق بن وعود جاوي

ياعيال الشايب اللي شاع صيته من شبابه

كفه الكف الكريم وراس الراس الحماوي

عزوة تاريخكم ما احصوه رواد الكتابه

مجدنا اللي تحفظه الاجيال من راوي لراوي

يامقابيس الحروب وياصناديد المجابه

ياعيال العود محسن يوم زعزعة العزاوي

ياركن ربعي هل البيرق لاعظ الوقت نابه

مرويت حد الرهيف ومروية كبد السناوي

الرفاعي في سنام العز له عزوه ولابه

قمة الطود الرفيع وجمة العد الرهاوي

هيبة يذعن لها العاصي وجمع يندعابه

عزتي للي يجي في دقلة السيل النحاوي

من دواهي غامد رموز البطولة والمهابه

لا تنادوا بالاسامي تصغر كبار الدعاوي

الوطن من صوبهم ماراح ذره من ترابه

نصرة الدين الحنيف وهيبة القطر العلاوي

مجد غامد يوم مر الكون ضاقت به رحابه

مطلعه ما بين عين الشمس والنجم السماوي