كلمات اغنية الشامخ فاهد ال قير

الشامخ كلمات

لا هود الليل وبدا الإحساس يغتال الشعور

أستعذب العزله مادام الجرح باقي ماهدا

أقدر خيوط الظلام اللي تغلغل لـ الصدور

وأبجل التفكير لامن صار له صوت وصدى

وأحاول أبعد قد ماأقدر لكن أحب الظهور

هذي صراعاتي لامن الفكر والشعر أبتدا

ماأزاحم الشعار وأدور مع أهل الشعر دور

طريقي لحاله ونهجي دايم بعيد المدى

قمت أدخر أعدائه وأرد الخصم لامنه أعتدا

واللي مايفعل لايعد أفعال منهم في القبور

الرجل يظهر بالذراع وبالفعل لا من بدا

أما تسوي مثل جدانك هل الفعول الجسور

وألا ترى تاريخهم وأمجادهم راحت سدى

والشامخ اللي سيرته عطره ونور فوق نور

شرد البيوت النادره تزهاه وتغيظ العدا

وأنا أحتزمت بمحزم وقت الملاقا مايبور

ومدت يمينه تتعب أهل المال وضعيف الجدا

هذاك أبو رايد مرب العز والفعل مخبور

في الجود والماجوب والمدات مامعه معدا

أهل الفعول اللي مواقفهم مثل قمة شدا

هم عزوته لاصارت الدنيا دبور في دبور

وهو درعهم ياطا على الصعبات ونفوس الردا

اسم المدرع مرتبط مع طويلين الشبور

ويطول راس اللي بـ ميقاقه وبأفعاله شدا

فخر قحطان اللي يحل الكايدات من الأمور

مع بني عمه يسوق الروح ويلبي الندا

يفج صعبات الأمور اللي تفج لها النحور

ومواقفه ترقى على أهل العز وأفعاله قدا

مشورب شوره لاشار بشور صار الشور شور

البادي اللي من بدا مبداه نعم المبتدا

فزعاته اللي دايم مع النشاما ماتبور

تقول كنها وابل صيب وقطرات الندى

يدعس على خشم الريال ويشكر الله الشكور

خل البخيل اللي مضريها على كلمة بدا

لاشفت خط الطايف أكثر زحمه وزاد الحضور

إدر إن عند الشيخ أبورايد عشاء وألا غدا

زحمة ضيوفه في مضيفه تزعج رجال المرور

كنهم على تنظيم حجاج الحرم مع الهدا