كلمات اغنية العزلة الي تاخذ الانسان خالد ال بريك

العزلة الي تاخذ الانسان كلمات

العزله اللي تاخذ الانسان عن ضول العباد

هاذي طقوس الشاعر اللي غاب لاكن ماغدا

رجعت من بعد الضروف وبعد كبر الافتقاد

عقب فقدت العيلم اللي غاب مافيه فقدا

اللي يروح يروح ماتفرق نهيم بكل واد

الوقت يمضي والسنين تروح خضر وجرهدا

وماشفت اعز من المبادي شي يسوى الاجتهاد

قدرت اعدي كل حاجه واتنسى ما عادا

معتد في نفسي كثير ومفتخر لابعد مدا

يوم القمر سيطر على القمه جفا العين الرقاد

كنه يجدد ذكريات العام ضيقه ولهدا

بعد رياض الصالحين وشي من زاد المعاد

طاحت من عيوني كثير أشيا وتفكيري هدا

البارحه ما غير انا والليل مصباح وهجاد

حرب ضروس سيوفها بحر الهجيني والحدا

سويت لي برية يضرم لها راع القناد

فنجالها يجلا عماس الراس والدنيا فدا

ومن عادتي لاضقت ما اسمي على هبد الرماد

انا عزيز ومن عزاز وقلت للضيقه بدا

دقيت سلف اللي ليا ناديت لبى للندا

فهقت بيدي غترة البسام والليل استقاد

وقام الهوى يكفخ شلشها وانتقيت العسجدا

لين انثنتلي كل عصما تثلم الحيد الجماد

عوب تطمح للقصيد الشرس مسرى ومعدا

اثقل من الجلمود وامضى حد من حدب الهناد

وأصفى من الما لاكن أقسى من ضلاعين الهدا

ما طبن مزاين ولا حرج عليهن في مزاد

من هجسي اللي لا زما الماخوذ يزمي ويحدا

ولا وقفت الا على لوحة يمين ام العراد

وطرى علي مانع وجات ثمان الابيات وفدا

عزالله الارفح ياعنك انه مساريه بعاد

وابوي له مسرا معى الارفح ولا فيه زهدا

يوم اللاكازز فالبلاد شوي من قل العتاد

وقبل السناب يسوي لخبلان خلق الله صدا

وقبل الغرف تنقل مع البدوان من عرق لحماد

هذا عرين الشايب الأشوس مقر للندا

خلف سباع يفرسون اللي معه باقي عناد

ذولا عيال الصدق لاجى الصدق ماضاعو سدا

لين استلمها عقبه محمد على وسق الشداد

هذا بعيد الماد ابو ناصر سلالات عقدا

لاقلت ابن جمعه محمد لاغرابه ويش عاد

راعي مقام وكرمه وضرمه على فعل القدا

وانا لا جيت ابمدحه ماقصدي أدور لزاد

مدحي فابن جمعه مهو لأجل العشا ولا الغدا

لاني من ال سنيد وال سنيد اهل علم وكاد

يوم النذير يصيح مافيهم رعاعه وبلدا

لاكن مديحي في ضنا مرزوق مافيه انتقاد

امدح محزمة القنازع والمدايح تنهدا

على عيال عجيم والممدوح ضلع ما يقاد

هذاك مقدم مرهقين الخيل عدوان الردا

والله ماخلي مدحة اهل الطيب ياهل الاقتصاد

لو تنقل أبراج الرياض من الرياض لثرمدا

فزاع ماسمي على فرغه ونرقابه سناد

صعصاع يام اليا غدى للعلم قومه وقعدا

وعنده خوانه فالمواقيف القديمات الجداد

مافيهم إلا كل ضرس رجال رقاي سندا

اكحل بهم عين الحسود اللي معه ضغنة فواد

الي من الضيقه لاسمع المدح ضاع ابه الجدا