كلمات اغنية العكور بني هذيل محمد ابو عطية

العكور بني هذيل كلمات

ابدا قصيدي يا ناس

بهرج موزن ب احساس

للعكور ساس ع ساس

حيالله ربعي الزينين

عكوري من بني هذيل

ما واحد علية بيميل

والي تجرا شاف الويل

يلحق القبر دفين

قصيد من ابو عطية

لكل العشيرة جمعية

والباقي هم معروفين

معروفين احنا صقرة

وما ندير العاطل بالمرة

والمخطي للحق نجرة

والهامل هيلقي وين

مهما صار ومهما دار

لو انة بالسما طار

لالحقة طخيخ النار

يا زين الفعل يا زين

ودي امدح كبار القوم

هاذول الناس القروم

الي زملهم موسوم

يا ربعي يا مأصلين

في مكه وكل البقاع

الي الحق عندة ما ضاع

يسوي سوات السلاطين

يا مرحب بالحج عبيد

يا قناي البواريد

غير اظل اقول واعيد

بتسوي من الرجال ميتين

رحمة الله عالحج عيد

ابو مسلم الشديد

نشمي قاسي زالحديد

ما تلقي زية ثنين

ابو حسن يا زين طارية

محمد حيالله بية

ابو شتيوي يا نزية

تحية عالراس والعين

يفرجها ربي يا رجال

ع محمد ابو طلال

بين الناس شرواة قلال

ربي يفرجها امين

انور البعبر قرناس

يا صيته مثل الالناس

علية الرحمة ياناس

رحمة رب العالمين

الحج حسن يا قرابة

يرحمه ويرحم احبابة

يمشي ويفك الطلابة

علية من الرحمات الفين

الله يرحم الحج مبارك

راعي واجب دوم يشارك

حتي في وقت المعارك

فزاع وربعة شاهدين

ما بنسي انا الحج عيد

ابو جخيدب رايه سديد

يرحمه رب العبيد

مرسل نبينا الامين

الحج صالح زالصقرة

فارقنا والفرقة مرة

ما شفنا منه مضرة

زي صقور الشياهين

يرحمك يا الحج سليم

نشمي قرناس وعليم

وف احكامك دايم حليم

ملقانا الجنة سويين

اختمهي بذكر الهادي

محمد خير العبادي

افلح من ذكره وزادي

وذكر رب العالمين