كلمات اغنية القلوب مبقتش هيا عمرو سلامة

القلوب مبقتش هيا كلمات

القلوب مبقتش هى

والبشر جاحده وغبيه

اتعاملت بحسن نيه

عيشت انا حياتى فى كابوس

الكلام بقا بالكاشات

والمحبة زمانها فات

من النهاردة مفيش اخوات

كلو بيحوم ع الفلوس

حياتى فى وشى قافلة الباب

عايشها وحيد مليش اصحاب

حقيقى الطبع ده غلاب

والخلق طبعها شرانى

دى ناس ناقصه مايتعاشروش

وصنف الجدعنه مغشوش

وكلو بيأذى فى التانى

اصحا بين الناس وفوق

الصحاب اكبر خازوق

بكره من كاسهم تدوق

وتشوف الغدر بعنيك

واللى جمبك موجودين

بالاونطة وكدابين

كل دول مش سالكنين

مين فيهم قلبو عليك

نويت والنية كانت اخلاص

لكن بصيت لقيتكو رخاص

فايلا بلاها منكو خلاص

لحالى انا هبقا احلالى

عملت معاكو فوق الصح

رضيتو محبتى بالجرح

محدش عندى بقا غالى

كلامكو عليا دا وصلى

عرفت انا كلو واتقالى

هعيش مع حالى احسنلى

عشان لمتكو كدابة

ف وشى تقابلونى ب احضان

وتعملو شغلكو الحمضان

دا لو قولت بعديكو خسران

انا هبقا بجد بتغابا

صحبى صحبى يابو الصحاب

عايزنى ليه بس فى خراب

ياعم لو واكلين تراب

مش هتنكر ياض كدا

عيب عليك والله عيب

دنا اخوك ياض مش غريب

انت ليه عمال تخيب

عملت ايه انا لكل ده

فلوسى مجمعه الشلة

وجمبى صحاب ياما ولمة

عايزين صاحبين على الزمة

يكونو ع المره معايا

زهقت من اللى بوفيلهم

وييجو عليا واصفالهم

خسارة بجد اقدرهم

لحد كدا بقا وكفاية

ياللى قايد منى نار

رامى عينك ليل نهار

فاكر انى ببيع اثار

ولا بلعب بالفلوس

خف قر حرام عليك

انت ليه راشق عينيك

لو اللى فيا ييجى فيك

هتعرف ان انا كابوس