كلمات اغنية المقام الشامخ جفران بن هضبان

المقام الشامخ كلمات

اهداء للامير ملهي ابن سلامه ابن سعيدان

والامير طرجم ابن سلامه ابن سعيدان

سرا الليل وانا في حرا ثلثه الاخير

ابي للفكر راحه وللذنب كفاره

لعل المزاج اللي معاقبني من عصير

يعدله سكون الليل ويخفف اثاره

وعلى ماعقدت العزم له يالله التيسير

هقواتي سما والناس ماهي ب عذاره

ظهر رغم انف اللي يبي يخفي اظهاره

هابوه وتواخصوا وعزموا رميته ف البير

ونصره الله ومروا على البير سياره

مع فارق التشبيه ف الوصف والتصوير

هذا علمنا والحر تكفيه الاشاره

اشوف الشعر يشكي من الجور والتقصير

ماعاد يبغي الا شاعر ياخذ بثاره

احلام الادب ماوقفت عند شكسبير

وقوة شعراء العرب تغلب افكاره

حلالاة ياقوة شعر عنتره والزير

والاعشى وابو نواس وزهير وعماره

لعل الذهب ماتختلف وزنة عياره

يزل الخطيب احيان ويخونه التعببر

مثل مايزل ابليس بالنفس الاماره

وان كبر المقام يصير شي ماهو بيصير

يبيح كنين الشاعر ويظهر اسراره

وش يرضي مقام الشامخ اللي مقامه غير

على مستوى الحكام وشداد واماره

على مدحه جزال الفرايد تحث السير

وتباشر به وتعطي على مدحه بشاره

ملهي مقر المدح والقدر والتقدير

نصره الله ووفق مساعيه واختاره

ملهي ولد سلامه امير وابن امير

من ادهى دهايا المجتمع واكبر كباره

ترف المشاعر ب اجنحتها غلا وتطير

وتستامن رحابه وتطرب على اخباره

قليل الخطا جزل العطا محسن التدبير

يمر اسمه التاريخ ويثور غباره

كريم حليم يعتق ويحتمي ويجير

وله مجلس يشلع دجا الليل ب انواره

رجل دولة وراعي وفاء يصنع التغير

يامال المعزه صدق ياكبر مقداره

تبنى المشاريع ودعم ثورة التعمير

انجازات وابداعات وجهود جباره

تشهد له احسان وقايمة فاعلين الخير

ياعنك انه سطر مجده ورسخ اذكاره

تجيه الحمول ثقال وتروح ريشة طير

لا كبرت على اللي طيبهم تاره وتاره

كسب دعوة بين التهاليل والتكبير

زرع جوده وبامر الله ان يجني اثماره

وثبت في تقاليد ال عاطف غلا الامير

سلم قدر ابو سلامه وحبه شعاره

ولا هان ابو تركي كبير ونباه كبير

اخو ملهي اللي تدعم اشواره اشواره

هذا طرجم مسطر حروف الوفاء تسطير

حصان يحذف اكبر الاسامي على يساره

من اهم من له فوق وجه الثراء تأثير

كريم السبال اللي عطاياه مدراره

غزايز بنات المدح والفكر والتفكير

على مايود ابو سلامه ويختاره

شيوخ ال عاطف قبل نشر الامن والخير

قبل يدلهون البدو من طاري الغاره

وصلى الله وسلم على الهادي البشير

نبي الامه اللي جاء على هيئة بشاره