كلمات اغنية ال عاطف هل المجد التليد حمد الطويل

ال عاطف هل المجد التليد كلمات

يالله يامستوعد ابليس في يوم الوعيد

بالعذاب وصلوة النار مامنها نجاه

ياعظيم في يده حل قيد وربط قيد

ياكريم كلبونى تحت مدة عطاه

منزل آيات عمٓ وطه والحديد

عارج بمحمد ثلث ليلك في دجاه

اغفر ذنوبي وجرني عذابك الشديد

لاتخليني من اللي تمادا في خطاه

مكلٍ امري على رازق الطير بسماه

استوا طرق المعاني مع طق اللبيد

واقبلة شرد قصيدي معى كل اتجاه

احتزم بي في لزومك ودندن يالعضيد

عقب اللي بيتعذر ليا من جاه اخاه

اترك ابن اللاش والنذل والرجل الزهيد

بزوتن ضاعت وربي يخلف لمن بزاه

شايفن القافي عاصي وانا راسي عنيد

لاكنن هاجوس فكري نوا به ثم غزاه

بسم ابي راعي الشكالة عمى عين الضديد

واسم ربعي لاد مشني مطوعة العصاه

بادعين الجيره وكل فعلٍ له طراه

مرحباً باللي حظر لجل عينك يافهيد

في محلٍ كل يوم تنصاه الدهاه

مرحبا من حد تثليث لحد .. السويد

ومن شمال المملكه لِطرف حد السراه

مرحبا باللي حظر من قريب ومن بعيد

مرحبا باللي حظر من معارف واخوياه

مادعينا الا ابلج ٍ يمتلك رايٍ سديد

مادعينا غير منهو يشرفنى نباه

المباخر باازرق العود دايم تستزيد

سوق الكمبودي لكل ضيف ومن ولاه

تنحر القعدان ذليل كنه ليل عيد

من كبر قدر المسايير والربع الغلاه

استمع لي يانديبي وركز فالجديد

علم اللي معه حاله وفالناس اشتباه

علم اللي غرره كثر ماله والرصيد

في سجلات الوفاء مالهم وجهٍ وجاه

يوم جده فالملاقى يحود وهو يحيد

حن ضنا اللي يقسم الصف ماكنه يراه

صحيب البارود واعطيكم العلم الوكيد

يدبس الجمعين مايلتفت فاللي وراه

كم عقيدٍ من يمينه يسمونه .. فقيد

وكم عقيدٍ قاعده من على قيد الحياه

قلت قولي والله اللي على قولي شهيد

قلت قولي والفعايل تناقلها الرواه

معلومات الاغنية

ال عاطف هل المجد التليد

في زواج الملازم اول / فهيد قبلان قبلان ال عاطف

كلمات / محمد قبلان ال عاطف

اداء / حمد الطويل

تنفيذ / بصمة الابداع