كلمات اغنية ال عرجاء جفران بن هضبان

ال عرجاء كلمات

بعد جت دعوة اهل العز جينا والدروب شمام

حضرنا فالحساء والواجبه دايم نزامنها

سلام الله سلام فوق سطح الارض اله حمحام

كما اللي تطوي البيداء ليا حنت مكاينها

كما النفاثه اللي فالفضاء تطويه طي الخام

سلامي للرجال اللي علئ العليا نداينها

عليكم يا ال عرجاء مبتدا التقدير والاكرام

قبيلة عز يعجز وصفي يعدد محاسنها

يزوم امن الفخر يوم الفعايل بان باينها

اهل شلفن مضاربها وسيعه وقع فالاخصام

واهل خيلن مواري النصر دايم في مقارنها

واهل ترحيبتن تسعد نظرك ومجلسن زهام

واهل ذيك الصواني والشحم والسمن داهنها

ليا رجعت ذاكرة الزمن والعام يقفئ العام

تذكرت العزاوي يوم بقعاء زاد شاينها

وانا في واجب سعيد مع اخوانه بكب الزام

نلد العين عن كل الظروف ولا نعاينها

شغاميم ومطاليق ولهم فالمرجله مرسام

زحولن شدو الهمه ودرب الطيب شاحنها

محمد صانع الامجاد والتاريخ يذعنها

عديم الوصف في سوق الحمايا حطم الارقام

عوضنا فيه اسودن تدحم وتعلن تهيمنها

ترئ في محفل الوافي زبون المعذره ينلام

نرد إله البرا بالطيبه والحظ ماكنها

اقوله وانت إلك لابه وجدك فارسن مقدام

ابوجعشه لاثور ملحها بأقصئ مخازنها

شهد له حاكم الديره وحط امن الفعول وسام

وسام العز يوم ان المعارك ثار داخنها

وابارك للعريس وجعل فاله مقدم الايام

فرح وسرور والارزاق رب الكون ضامنها

وانا ربعي عتيبه مجدنا من عصر حام وسام

حمول الخيل في وقت الوغئ تثبت معادنها

نرد حوض المنايا فاللقا يوم العمار تسام

كبار ابخوت والصعبات نكسبها ونرهنها

وحنا في بلاد اهل الشريعه منبع الاسلام

نعيش بخير في امن ورغد والرب صاينها

تحت حكم الذي يوم الفتن ثارت جنوب وشام

تعامل بالحزم والمعرفه يالين هونها

هذا سلمان ناصر راية التوحيد والاسلام

زعيمن قادها للأمن يوم ابليس حاضنها