كلمات اغنية ال غفران اهل الرده جفران بن هضبان

ال غفران اهل الرده كلمات

الليل طرف في عيون الي هقاويه بعاد

لا فارق الي ما يشوف ان الليالي تلهمه

على الله تسامرني القمرا ويجتاح البراد

و اهل فيه العذبه الي ما تجي بـ مقدمه

مبطي وانا الاحق هواها من بلاد الى بلاد

المبدع يضحي لو ان الحلم عكس الانظمه

سويد بن فهد ال فنيس

وانا لجل بنت القريحه مثل طارق بن زياد

في كل مطلع صبح اطمنها واضوي ملحمه

تنشد وهي متبسمه شعلوم ذاك الابتعاد

واقول ليه نطري اللي فات يامتبسمه

ماني مثل غيري ليا من هام هام فكل واد

ولاني احب المجامل والعلوم المبهمه

حمود ال مقحص

عندي قناعة راس محنك وخبره واعتقاد

ان القصيده بنت شيخ ما هي ببنت رخمه

امارته على ظهور الصافنات من الجياد

وعزوة بني عمه تدف طويق في جنب يدمه

ان عدو خيار الرجال الطيبين من العباد

تقدم اصوك راس يرفرف على العز علمه

في يوم تقفي به الابل في جنب شلف الطراد

يرد فيه الابل يوم ان الاش مارد نسمه

ان ضاعت الاريا تعين عنده الراي السداد

ماهوب مثل اللى ليا كبرت تراخى برطمه

لاشافته سود الليالي معتلي وسق الشداد

تقول من منه واقول بريصي يطبخ دمه

حمود ال مقحص

رفيقي الي كل ما زادوا طوال الشبر زاد

اسمه يزيد المجلس المعمور ويزيد كرمه

فهد وانا اعده حزام للمهمات البعاد

شرواه من تثر علينا النايبات و نزهمه

مثل ما ينظر للمراجل والنعم غاية مراد

انظر لمدحه قمة الشعر وغناه ومكرمه

سويد بن فهد ال فنيس

واخيه عبدالهادي إليا عدوا طيور الهداد

كن المدايح لاذكرت اسمه تجيك مدرهمه

يقدم على الكايد وفي راسه صعاطير وعناد

دكتور ومثقف لكنه فالمداحم عكرمه

يا ابناء محمد لو نسلمكم وديعة الاقتصاد

ما عاد لـ ضعيف الروابع سوق يزيد سهمه

حمود ال مقحص

اصغركم يقدم على آمات المعاضيل الشداد

واكبركم يحط المعاضيل الشداد من قسمه

من ال غفران اهل الرده واهل شلف حداد

يستدرك العادي مغازيهم على كل طخمه

دكة حوافر خيلهم على البسيطه ما تعاد

فارسهم أليا مر باب للمفاخر ياسمه

سويد بن فهد ال فنيس

عند آل مره ثاير غبار الرمك مثل القناد

و الكل منهم يفعل التاريخ كنه يرسمه

فـ أرض الوغى يثعون في دم المعادي بـ الفساد

إليا غدا ضرب القنا من بين متن و جمجمه

شجعان يوم الرزق عاده فالصباح وفالهجاد

والسيف من دون الشجاعه غادي عود سلمه