كلمات اغنية ام المعارك جفران بن هضبان

ام المعارك كلمات

يالي رضاك احلى علينا من ملذات الحياه

لولا مناجاتك ولطفك ماعرف وين اتجه

يالي ملايكته تحت عرشه وعرشه في سماه

سبحانه الي نوره ووجه مايشابهله وجه

من قبة المقدس خذا عبده محمد واصطفاه

صلى الله وسلم عليه فغاره وفي معرجه

ماعاد ابي غير الهوا البارد ومنزال النفاه

ولا خطا مرعا لها تو الرعايا هجهجه

صبي ماتلحق خوته لوك تروح تحججه

ياذيب ياذيب الحمايا ماعلى الدنيا طراه

الا بخطوا نادرن مثلك يدرس منهجه

اصمل من الرشاش واقسى من صلافيح الصفاه

اليا حضر كلن درا وان غاب عينت فرجه

على بني عمه تقول الطف من الغرب وهواه

واليا نطح ماينطح وان خاصم الخصم فلجه

ياذيبنا ياذيب يام الي ليا لج بعواه

اليا عوا يصير في ارقاب السراحين عوجه

الشاعر الي مابعد علق لسانه في جماه

مديح ربعه يرفعه ويزود مليون درجه

ملجلجن خلقه مايحتاج لحبوب اللجلجه

ياذيب ياذيب السعد ماعندنا سترة نجاه

خل المياسم حاميه والكي لازم تنضجه

ياترثة الي يعشقون الموت وتعاف الحياه

يعقلون رجيلهم يوم الجموع محججه

شوامر كان المنايا جات من كل اتجاه

يكفيك منهم واحد وتنطح من القوم فوجه

ودك بهم لا ضبضبو للحرب وافترت رحاه

يوم الجماهي حذفها تحت الخيول المسرجه

ترزم النفر على ذكر المرازيق العصاه

واليا تنحنحنا غدا في بطح الخيل مرجه

كلن يبن ضيف الله يوقف مثل جده واباه

غير اتجه لم المعارك ياحمر العين اتجه

هقواتنا فيك اكبر النير وجبال السراه

حول محاويل الجذوب وصيهد منيف ارهجه

هات البكار الي تراثع كل ماوميت العباه

واقبل بكل مزلبه واقبل بكل متوجه

صمخ البكار مطيرات النوم من روس الدهاه

في ظهورها مثل النصال وفي العراقيب عوجه

عثوا تسلقاية ضهرها يبني وبنيه وراه

حدا قوايمها تقول ان عرضت فيه عرجه

لا درهمت كن خفها ياطا على بيض القطاه

ياويلهم لاجالها عند المنصه دفلجه

ياليت ابن حثلين يجمعهم ويوصيهم وصاه

يحط شوطن واحد لكل الركاب المنتجه

نوه يبو سلمان في اعلان الجريده والقناه

جميع الالوان المغاتير ادمج الشوط ادمجه

حتى نخليهم طقق هذا وهذاك وهذاه

هنا مصاقل حصن ماهي بهرجه في بهرجه

لكن ممنوع العبث والعابث الله لا يراه

سمجتو الابل عقب ماخذتو من الفوز اسمجه

ماعاد يردع ماكلين السحت صوم ولا صلاه

ناموسهم مدعوس والفوز المزيف بلطجه

عجزو يضون الكفو من قلة الحض ورداه

راحو وجاو بكل حضبيه وكل مطعجه

يهرمنون الابل يالين تشوف في الناقه لهاه

هذي تسحب في مشاربها وذيك مبنجة

ياهل العبث لعن الله ابو من يسوي ذا السواه

الله ياخذكم وياخذ من يلقيكم وجه