كلمات اغنية انسان حسن عدوية

انسان كلمات

شبهك شبهي إنما كان

عايش بيخبي آلام

هون على ناس ولكن كان ناسي نفسه

راح

لناس بينهم براح

منهم بتزيد جراح

واهو ساب كل الأماكن بيأنب نفسه

مين الظاهر مين متداري

مين معاهم مين مع مين

مين الجاني وعلشان ايه

جاني عامل مجني عليه

ووقت متعوزهوش تلاقيه

كله عامل فيها مثالي

دول ميعترفوش بنواقص

راحوا عاشوا الدور إجباري

قالوا إنك مش نافع خالص

هم بالهم مش مرتاح

وانت عايش فل وهايص

صاحب بال واحد بطال

وأبو بالين بيعيبوا عليه

حبوا واحد عاش طبال

والصريح بيحطوا عليه

عابوا على كتف العتال

لما زودوا حمل عليه

صحاب عشرة اختفوا في مصيبة

شوفنا كل الناس تتجاحد

راحوا للمة وسابوا الواحد

خافوا أن تصيبهم عيبة

راحوا انضموا للمة وهيبة

وندموا لما الهيبة راحت

اللي يعيش يضحك في الصورة

ودمعه من جواه مخبيه

شاف واحد مهموم بيعاني

راح يهون يقنع فيه

أنه انضف انسان شافه

والخيانة مش لايقة عليه

صوتك اللي بيوصف حالك

ولا موهبتك في مجالك

لما جيت بتشق طريقك

كله كان همه استغلالك

وأما مليت م الخدمات

اتنسالك كل حياتك

ليلي ليلي ليلي ياليل

مين محبش حب جميل

مين ماعاش مصبر نفسه

سنين عدوا بصبر قليل

ليلي ليلي ليلي ياليل

مين مالوش صاحب أصيل

لما وقت الجد احتاجه

اترفض علشان في بديل