كلمات اغنية اول لقاء فايز الدوسري

اول لقاء كلمات

بين الحنايا هب للشوق نسناس

تهيض المشتاق نسمة براده

الله يازين اول لقا واول احساس

اللي معى مرور الايام عاده

ويلي على اللي خلت افراحي اتعاس

زين وحسن منطق وذوق وركاده

الوجه طلة بدر والنجل انعاس

واهدابها ليل يتيه سواده

من شاف زمتها تقطع فواده

لالبست ازهد لبس صار اجمل لباس

لها على البيض بغنجها سياده

ماهيب في حاجه لعقد من الماس

يبرق معنقها بليا قلاده

لاجت صباح العيد والغيد جلاس

والله مايجلس من الغيد غاده

هزتني الذكرى وحطمني الياس

يوم الجفا لاعاده الله لاعاده

راحت وجوي عقب ماراحت انحاس

من عقب ماراحت وانا في نكاده

حال السهر بيني وبين الوساده

الدمع حبر الشوق والخد قرطاس

حزن العيون امن القلوب امتداده

انا انكسر قلبي مثل كسرة الكاس

وانا الوحيد المغترب في بلاده

اضيق واحزن واضرب اخماس باخماس

ولا اطرد المقفي ولا اطلب وداده

مشكلتي اكتم ضيقتي كتم الانفاس

راسي عنيد وكبريائي زياده

لو مامعي منصب وموكب وحراس

معي ثقة حاكم وهيبة قياده

والله ماذل النفس واوطي الراس

رجاي بالله ماترجى عباده

احب قو الهمه وقوة الباس

واملك سعه فالصبر واملك جلاده

فيني جلادة ذيب وانا على ساس

وفيني صبر هرش مثنى قياده

وفيني هموم لو تقسم على الناس

ماعاد تلقى مدعين السعاده

معلومات الاغنية

كلمات عبد الهادي ابو ديه

اداء فايز الدوسري

وتوزيع نياف الشيباني

جرافيكس ناصر البقمي