كلمات اغنية ايام زمان احمد مكي

ايام زمان كلمات

كان زمان

بعمل سيرش ع اليوتيوب بكتب جدعان راب

لقيت بنت سابت كومينت اسمها كول ماهيتاب

قالتلى مكى مش هتصدق لما سمعنا الاغنية

تيتا قامت قالت يو يو وتس اب

بس ماما كان ليها رد فعل تانى وباعتة عتاب

لما سمعت منها شوية سرحت صرخت صوتكوا هباب

فين ايامه فريد او شادية والست وموسيقار الاجيال

ولا حليم وطلال مداح وفايزة فى قلبي اليك ميال

مش هنكر مدى عظمتهم وزمانهم ده بجد جميل

حتى احنا بنتعلم منهم ازاي يبقي الفن اصيل

كل زمان بيكون له ادان وكل اوان بيكون له فنون

وصدقينى وماسك وردة وفارق شعرك والببيون

بيعمل كده في الاربعينات ------------------ان

وتلقى البت تأفور ترعش وتقول بينا ع المأذون

بس في الالفية التالتة عليك هتشد البنت سيفون

ماهي اسألى مامتك هتقولك على اتقال فى ظهور عدوية

قالوا ساعتها ده هابط هابط بقى ملك الغنوة الشعبية

وانا بتكلم لغة الشارع لو الفاظى دي شورعية

عايزك تعرفى انى براب ومليش دعوة بالاغنية

ولا بتقطع شوق وعذاب ويجوا يرشوا عليا المية

ولا ع الخضرة كمان بتمرمغ ولا بتنحنح فى الاغنية

ولا بدلع ولا بتمرقع ولا الكاميرا تجيب رجليا

ولا نفّخت وحطيت سيلكون ولا كبرت فى تتتتيت شوية

ولا بتريق انا علي بلدي أو علي ناسها واقول حرية

ولسانى كمان مش معوج بتكلم بطريقة عادية

مش زي الراب الموجود فى كتير منه بلكنة غبية

مولوخيه مية مية ويا سلام لو بالتقليه

شهية شهية وهي دي القضية

مسقط بنطولنى ويقول للبكسر بان

مدرسة المشاغبين قابلوا ساعتها معارضة قوية

قالوا دي تافهة ومش فاهمين وعملوا عليها بجد قضية

اهو دلوقتي وبعد سنين فى تراث المسرح وهمية

قولى يا طنط لو انا غلطان ممكن اجبلك امثال تانية

بس الاول هشكر نقدك اصل كلامك اثر فيا

فى اللي بينقد نقد بجد ده علي راسي ومية المية

وفى اللي يسب ويشتم فيا ده مش ناقد لا نفسية

يو يو يو

م الاخر مهما هكون مش هعجب برضه شوية

وهيطلع كام مليون يقولى عنى ده تييت مقلية

يشهد جحا ويا حماره واللي بيحصل حاجة عادية

ومثلى الاعلى بقه هيكون شاب ديليفرى عزيمته قوية

لابس خوذة وراكب فيزبة ولا بيخاف تخبطه عربية

ولا بيهمه كلاب الشارع بس يوصلكوا طلبية

وانا هعمل كده بمحطة وهكمل والناس حواليا

حاجة أخيرة انا عايز اقولها للى شتموا اظن لذيذة

كل واحد فينا ليه استياله واي واحد فينا له ميزة

فى اللي بيعجب واللي ما يعجب واللى ما عنده ياخد فيزا