كلمات اغنية برجك ايه شريف المصري

برجك ايه كلمات

قالو بتفهم فى الابراج

قولت انا عالم وأسالو عنى

كل كلامى بألف دليل

جربو كدا حد يسألنى

برجك ايه

برج الحوت

انت حزين ومش مبسوط

انت من اللى بيحصل فيك

كل دقيقة تتمنى الموت

برجك ايه

انت واحد عاش شقيان

كلو فيك طمعان

انت تكسب مهما بتكسب

فى الاخر تطلع خسران

برج الدلو

لما بتظهر تاكل الجو

بس فى ناس فى حياتك سوو

تملى الحزن صاحب ليك

والفرح معاك يبقى عدو

برج الحمل

انت صبور زى الجمل

انت دايما عندك امل

اكتر واحد ضحى لغيره

ومفيش حد فى وجعو سأل

ياما كتير ضيعت فلوس

على ناس واطية ميستاهلوش

كنت بتحلم حلم جميل

لما صحيت لقيتو كابوس

برج الاسد

كنت لناسك ضهر وسند

كانو حواليك ياما من العدد

كلو راشق عينو فى رزقك

لما وقعت ياناس من الحسد

برج العذراء

القلب الابيض و الاحترام

والادب والاخلاق

بس عيبو الوحيد انو طيب

زيادة و بغباء

برج السرطان

الفرحه هتدور عليك فى كل مكان

وفى خير جاى مستنيك

بس ابعد عن النسوان

وفى ابراج متلزمناش

برج البجح ع الاصول مترباش

اللى عايز كل حاجه ببلاش

يبيع نفسه عشان القرش

واللى تمنو القرش ميسواش

برج العصافير

حريفة فى نقل الكلام و التحوير

دول هتلاقى منهم كتير

عاملين الكلام شغلانة

وبيعملوها كمان بضمير

وفى برج شورتها

اللى فى بيتو الكلمه كلمتها

عشان راحتو يبوس جزمتها

تيجى وتروح وقت متحب

اهم حاجه المصاريف دفعتها

عارفين مين اكتر برج اتوجع

اللى شاف فى الدنيا البدع

البرج ده برجى انا

برج اسمو برج الجدع