كلمات اغنية بنت الرجال فهد العيافي

بنت الرجال كلمات

اقل من مره تقابلنا وأقل من القليل

واكثر من مية مره اسمع صوتها وارتابله

بنت الرجال اللي نهار الهوش يشفون الغليل

وأم العيون اللي تهد الجيش يوم تقابله

عريبة المنسب من الجدين مروين الصقيل

وبنت العقيد اللي مقامه يحسبون حساب له

عشقتها قدلي ثمان سنين والقلب العليل

عيا يطيع الوقت والوقت الردي ماطابله

والليل مثل الليل والا مثلها متدابله

حاولت اصفّيها ولكن كيف حل المستحيل

دام الزمان اقشر وقلب اللي عشق ماتابله

سارت عنادٍ بين شين الحظ والوقت البخيل

وانا ضحية من لعب بالقلب حتى جابله

اجمل بيوت الشعر واصدقها معاني والدليل

اني ليا غنيت قام الشعر يمطر وابله

ايلين هبّل بي وانا قبل اعرفه ماني هبيل

وانكان جاه هبال يارب اني اللي هابله

اكتب بيوت الشعر لعيونه على البحر الطويل

واثر القصيد الجزل وبحور القصيد احبابله

حتى نحل جسمي من اسبابه وراسي شابله

قد خيروه وقد حلف بالله مايرضى بديل

وانا على دينه وغيره ف العرب ماناب له

القلب مشقيه الوله والمبتلي عابر سبيل والنفس من طعم الكرا والقوت ماهي قابله

امسي على رجواي واصبح والحصيل هو الحصيل

حلمٍ جلاه الصبح وارواني عطش لمقابله

في كل يوم اقول بكره يجتمع خل وخليل واشوف بكره كنه خوانه واقول القابله

والقابله ماجات وانا تهت لو عقلي دليل

مانيب اهاب الدرب لكن الزمان انصاب له

والى متى وانا على ذا الحال وعيوني تخيل

والحظ من يوم وقفت رجليه وانا اعابله

اما حبا فترين ولا طاح له فاقرب مقيل!!

اوااااه ياحظٍ غصونه في المحبه ذابله

ياشيخة الخفرات ياجمل حس يالوزن الثقيل

ترا عذابش ياعذابه ماصفى المشراب له

حاول على لاماش لكن خانه القلب العليل

عيا يطيع الوقت والوقت الردي ماطابله

معلومات الاغنية

كلمات و الحان : صالح ال مانعه

اداء : فهد العيافي

توزيع ومكس : استديو روافد

تصميم : ابراهيم

توزيع ديجيتال : الفان