كلمات اغنية بنك الجمايل خالد ال بريك

بنك الجمايل كلمات

يالله يالباسط الحي العزيز الجليل

ياللي تحت خشيتك خرت اكبار الجباه

ياموصي الخلق للايتام وابن السبيل

يامطلع ماء على ارضه فوق سابع سماه

اليا انكفا الليل واعلن كل نجم الرحيل

والصبح قابلني قبل المنهزم لقبلاه

اسمع بصدري صدى عالم تحط وتشيل

مع وضع نفسي رهيب ويالفت الانتباه

قد قيل من قام عن مركاه يحسب جميل

اقول من جاب لك مركاه يحسب بجاه

يراكب احدث علامة جيب واخر مديل

لكزس من افضل عروض السوق واكثر غناه

بياض وجه الامام اليا خشع ف الصلاة

اليا مشى راح خطه مثل يمنى البخيل

وصوته ليا دق سلفه مزن ما صب ماه

توه نشى ف اوله ثم ضاق منه المخيل

وقام يتسرب وحول ماه فوق الصفاه

الايا توسط بكبد الخط عيا يميل

توسط الدلة الي فوق ملت غضاه

منصاك حرن يخلا للنهار الثقيل

حيدن يذري ومربح جالبين الشياه

وابو المراجل محقق سابع المستحيل

نايف بن حمود ريف الضيف غصه عداه

يامقدم الاد علي معالجين العليل

ويداهية عصره اليا قيل وين الدهاه

بنك الجمايل احزام الضيق منصى الدخيل

يفرق بكفه وفي رايه ومده عطاه

صيت السبيعي تعدى نور نجمة اسهيل

اسم متداول مع صدقانهم والغزاه

مزبان من قفوه الديان يومي عصاه

لو ما تلفت على ابو حمود عض الشليل

لاطروا السجن ذكر اعياله اللي قفاه

نايف نهار مدته عذبر والسلسيبيل

ترده طيور الخلا ما كدرن من صفاه

نومس مدهش اسبيع النابي المستقيل

مترامين هابه الذيب الجري ما رقاه

معطلين النمش ومرحلين النزيل

قوم تحب المنايا ما تحب الحياه

اللي تهايل على نطح النهار المهيل

من قال عندي غداهم ما تحرى عشاه

وقعاتهم من سطرهم تقلب الصبح ليل

مثل ما تقلب جموع الممطرين العباه

جبابرت نجد ما في اسبيع رجل ذليل

كم فارس من يمانيهم ترك بير ماه

خيالهم تنطح الغاره وتشفى الغليل

امطوعين الشجيع اللي براسه عياه

اللي ملكو صهوت الادهم وراس الصقيل

نصرة ابن سعود من جاهم تلقى خلاه

واسلم وسلم وبيتن ما دخل فيه هيل

بيتن ما يحفظ ولا تمل عليها الرواه

انقمت لي جعل عمرك اسبيع طويل

ولا يكفيني التقدير ما بغى وراه