كلمات اغنية بنى سلول حسين ال لبيد

بنى سلول كلمات

بارك الله لك يا عامر واحتزم وابشر بـ خوك

و فالك الحظّ الموفّق والحياة الطيّبه

ياولد من ذكره أطيب من دهن عود الملوك

نادرٍ لا طِرّي اسمه وسْط مجلس طَيّبه

حتى لوّ الموت غيّب عن رحاب الارض بوك

والله ان يبطي ما يمحى ذكره ويغيّبه

ليا اسدل ظلام الليل عَلى النهار سْتار

تكاشَف بروق الشعر وتزمجر رْعوده

على ناصيتها حبال الابداع معقوده

اماري بها الشعّار والفت بها الانظار

وامُرها مثل ما يامر الضابط جْنوده

من ايّت سلولي مالي وْلا لها معذار

لو ان شانه أبعد من بطن جدّه لْـ جُوده

لا ساق العذر من وجهه اسود سواد القار

ما غاب الحصـان اللي مواقـفه معهوده

هلا مرحبا واهلين باللي لفوا خطّار

على الهيل والبنْ والشحم وازرق العوده

في حفل ابن عمي محزم اللي حزامه بار

لا قفّت مغاتير الزمن واقبلت سُوده

على متنه يشل السراوات والسوده

ابو عامر امير الشمل سيفنا البتار

اللي جعلنا واللـٰٰه ما نعدم وجوده

ما جاته الاماره بالاوامر وبالاشوار

شداد الاماره ورث من بوه وجدوده

مشاري الصّـعـيـري عَلمٍ فوق راسه نار

محد يجهل اسمه واسم جدّانه وعوده

سليل اُسرةٍ ( تاريخها ) ما عليه غْبار

ومواقيفها في صُحف الامجاد مسروده

مقاديم من تاريخهم يجذب الشعّار

ويعلي مقام الشعر لا ذِكر ويْزوده

سلول ابن عامر صلب جدّي حماة الدار

اللي فعلهم فارق واسِمْهم ختم جوده

هل السيره اللي ذاعت فـ مختلف الاقطار

وهل الديره اللي دونها سيوف مجروده

ليا ثوّرت بقعا وعج الحرايب ثار

نسوق العمَار ونِلْزم الطامع حْدوده

يوم ان القوي يِخلي ديار وْيِعَمْر ديار

هيبة حدّنا كنْها مثلّث براموده

من قبل الوحي ينزل على المصطفى فالغار

وحنّ ( اهل بيشه ) والتواريخ مشهوده