كلمات اغنية بو زياد الدساس

بو كلمات

نكرت وجودي اما اتسألت عليا

و اما اتسألت عليها فضلت طول القعده متنح

كانت هي كل جنودي و كانت سلاحي اللي في ايديا

و انا كنت بالنسبالها مجرد اعمى مسيره يفتح

فضلت احب فيها ما انا مليش على قلبي سلطه

شوفت منها غدر تقولش كنت مربي قطه

كل ما تغلط بصالحها فـ قالت بس ده زبون لقطه

هكدب عليه و اجرحه بكده هكون نفذت الخطه

قوليلي و فسريلي ازاي الحب ده كان كلام

ليه كنتي بتوهميني و تخليني اعيش احلام

طب كنتي عرفيني ان انا هتنسي مع الايام

على الاقل اكون عملت منبه قبل اما انام

كملتي معايا سنه و بعدتي كأنك نادره ندر

نفس المشهد متعاد قدامي و هو ده نفس الكدر

حضنتك متوقعتش ألقى في ضهري خنجر غدر

سلام يا بو بعديكي انا مش هتوه

من جوه بقيت انا فاضي فـ لو لقيتوا قلبي هاتوه

انا همشي و متمناش اشوف في عينك خوف

انتي اللي بعدتي بشوقك متجيبيهاش بقى في الظروف

سلام يا بو بعديكي خاصمني النوم

هعاديكي ازاي و قولتي عليا آماني و سندي في يوم

ازاي انا هنسى كل مقابله كنت بيها ملهوف

فراقك مش رصاصة رحمه دي خزنة كلاشنكوف

انكري وجودي احلفي إن انتي متعرفينيش

قولي ده مين و شوحي بـ ايدك قال يعني مهمكيش

بس انا عاجنك و خابزك عارف كدبك و التهويش

احلفي إن اللي بينا كان فترة و مجرد وقت

و قولي عليا حياله مجرد حد في حضنه ارتحت

و انا هكدب برضو زيك مش هقول اني اتجرحت

بس الحقيقه عكس كل اللي بيتقال دلوقت

شاوري لصحابك من بعيد عليا و قولي جرحته

قولي كان ضامن وجودي و انا غفلته و سيبته لوحده

بعد اما كان قافل على نفسه انا طمنته و ريحته

و في النهايه خليته يشك في كل الناس حتى نفسه

خليته شخص بارد منطوي معندوش احساس

صنعت منه شخص قاسي بيجرح كل الناس

علمته ازاي يفرق بين الفضه و بين الماس

خليته يغني همومه خليته زياد الدساس

سلام يا بو بعديكي انا مش هتوه

من جوه بقيت انا فاضي فـ لو لقيتوا قلبي هاتوه

انا همشي و متمناش اشوف في عينك خوف

انتي اللي بعدتي بشوقك متجيبيهاش بقى في الظروف

سلام يا بو بعديكي خاصمني النوم

هعاديكي ازاي و قولتي عليا آماني و سندي في يوم

ازاي انا هنسى كل مقابله كنت بيها ملهوف

فراقك مش رصاصة رحمه دي خزنة كلاشنكوف