كلمات اغنية تبطي تبلط فالبحر جفران بن هضبان

تبطي تبلط فالبحر كلمات

ايه الله اكبر فالقصيدة والله اكبر فالاذان

تكبير يصدح في ودايين الدير وسهولها

قاف ابن غرمان استوا والليل والطاروق زان

الله يحيي هاجس يعطي القرايح سولها

اي والله اني ساري ذلحين في مسرى حصان

ارمي الخبب رماية الرامي واجر خيولها

وان طرفولي كلمة الخبلان في وقت الضغان

اي والله ان انتف شواربها واحش رجولها

وكل عينن حاسدة خلها تزيد كحولها

حنا بنينا المجد من اعمارنا سبع و ثمان

والخمة اللي تحتري مطيحنا قولولها

تبطي تبلط فالبحر تبطي يطاولها ذهان

والقمة اللي عندنا يبطون ما وصلولها

حن روسنا مافوقها الا الله وجل الله وكان

واذا نزلنا بالنظر شفنا النجوم وزولها

وقفاتنا من فضل ربي مالها حد ائتمان

حنا لنا الراية وقومو عقبنا شلو لها

ترا الجمايل كايدة والطيب من طيب المجان

والا الضعافة طارفة يحليل من راحو لها

تجيه غايبت الجزال وينتعش مفعولها

تسابق بحور الشعر كنها تسابق عالجنان

فرايد كنها الجبال الراسية من هولها

اقولها وانا فقدت السيطرة والاتزان

من كثر ماني محتمي فالرفقة ومدلولها

من قال راحو الطيبين اقول واقطع يا فلان

عبد المجيد يصول في ميدانها ويجولها

عبدالمجيد اعطى العزاوي الطيبة جيد وضمان

يقلط على طوال الهقواي بالسعد وينولها

من جاه وكتوفه تثنتها صواديف الزمان

يروح وشماغه على كتفه بداله حمولها

يسابق الريح العواتي فالتحدي والجنان

وان قال كلمة غصب عن خشم الظروف يطولها

يدحر خصومه بالفعول وبالحضور وباليمان

ارحم عدوينه لا شفت الوقع بين هدولها

دونه حزام العز وحزام الذخيرة والامان

فيصل امير الوقفة اللي بالسعد غنو لها

قم وارهج الميدان يا فيصل ترا الميعاد حان

انت السعد لا دقت الحربة قريع طبولها

حصن الحما بشت ن يذري مالصواديف الشيان

لو الجمايل بنت فلت في يدك مجدولها

ابنا عبيد الله ابن صحران لا كبر الرهان

عن محضر اوجيه القبايل والرجال اقولها

رفيقهم ما ينكسر ولا يضام ولا يهان

اي والله انهم كاسبين الجيدة وزحولها

يجيهم المنضام ويعود يغني ليل دان

في ظرف فنجال قهوة جابو خبر مرسولها

لله در السمعة العليا يا هذولا الخوان

ولله در الشايب اللي وقفته شهدولها

ابوهم عبيد الله الشيخ المقدر فالمكان

حتى طواري اسمه لا جات بمجلس قامولها

افخر يا بن صحران في يمناك سيف ما يلان

والطم نواميس الديار بعرضها وبطولها

ان كبرت حمول القبايل وجهك الطيب يبان

اتجي مجي الحاكم ووجهك يفك قفولها

انتو من مطير الفخر لابة ما تقبل بالهوان

يا ويش هو التاريخ لولا مطير يا وشهولها

ايجيهم الطرقي ويقلط عالسنام وعالسمان

وتجيهم الاعدا وترجع ما تشل رجولها

انهم هل الوضح المفاريد وهل الوضح الزيان

اليا احضرت تسطى وتتغطرس على اللي حولها

امان يوم ان الزمان الصلف ما حوله امان

رجال يوم ان المراجل في يد اللي يعولها

مطير مافيهم ضعيف ولا ردي ولا جبان

ابك المراجل عندهم اتجي على اصولها